ಸರಳ ವಿಜ್ಞಾನ: ಬಣ್ಣದ ಗ್ರಹಿಕೆ

ಕಲರ್‌ ಟೀವಿಯು ಕೆಂಪು, ನೀಲಿ ಮತ್ತು ಹಸಿರು ಎಂಬ ಮೂರು ಮೂಲ ಬಣ್ಣಗಳನ್ನು ಬಳಸಿ ಇತರ ಅನೇಕ ಬಣ್ಣಗಳನ್ನು ಪಡೆಯುತ್ತದೆ. ಆದರೆ ನನ್ನ ಕಲಾವಿದ ಸ್ನೇಹಿತನೊಬ್ಬ ಕೆಂಪು, ನೀಲಿ ಮತ್ತು ಹಳದಿ ಮೂಲ ಬಣ್ಣಗಳು ಮತ್ತು ಈ ಬಣ್ಣಗಳನ್ನು ವಿವಿಧ ಪ್ರಮಾಣಗಳಲ್ಲಿ ಬೆರೆಸುವ ಮೂಲಕ ಬೇರೆ ಬೇರೆ ಬಣ್ಣಗಳನ್ನು ಪಡೆಯಬಹುದು ಎಂದು ಹೇಳುತ್ತಾನೆ. ಇದು ನಿಜವೇ? ನೈಜವಾದ ಮೂಲ ಬಣ್ಣಗಳು ಯಾವವು?

ಎಲ್ಲಾ ರೀತಿಯ ಇತರ ಬಣ್ಣಗಳನ್ನು ಉತ್ಪಾದಿಸಲು ಪರಸ್ಪರ ಬೆರೆಸುವ ಬಣ್ಣಗಳನ್ನು ಮೂಲ ಬಣ್ಣಗಳು ಅಥವಾ ಪ್ರೈಮರಿ ಕಲರ್ಸ್‌ ಎಂದು ಹೇಳಲಾಗುತ್ತದೆ. ಪೇಂಟ್‌ ಮತ್ತು ಮುದ್ರಣ ಶಾಯಿಗಳಿಗೆ ನೀಲಿ (ಮೂಲತಃ ಹಸಿರು ಮಿಶ್ರಿತ ನೀಲಿಯಾಗಿರುವ ಸಿಯಾನ್‌), ಕೆಂಪು (ಮೂಲತಃ ನೇರಳೆ ಮಿಶ್ರಿತ ಮಜೆಂಟಾ) ಮತ್ತು ಹಳದಿ ಮೂಲ ಬಣ್ಣಗಳಾಗಿವೆ. ಆದರೆ ಬೆಳಕಿನ ಮೂಲ ಬಣ್ಣಗಳು ಭಿನ್ನವಾಗಿರುತ್ತವೆ. ಕೆಂಪು, ನೀಲಿ ಮತ್ತು ಹಸಿರು ಬೆಳಕಿನ ಮೂಲ ಬಣ್ಣಗಳು. ಈ ಮೂರು ಬಣ್ಣಗಳನ್ನು ಬೆರೆಸುವ ಮೂಲಕ ಇತರ ಅನೇಕ ಬಣ್ಣಗಳನ್ನು ಪಡೆಯಬಹುದು.