ಸರಳ ವಿಜ್ಞಾನ: ರಾತ್ರಿಯಲ್ಲಿ ಆಕಾಶ ವೀಕ್ಷ ಣೆ

ಒಂದು ದಿನ ನಮ್ಮ ಶಿಕ್ಷ ಕರು ಹತ್ತಿರದ ಗಿರಿಧಾಮವೊಂದಕ್ಕೆ ನಮ್ಮನ್ನು ಪ್ರವಾಸಕ್ಕೆ ಕರೆದುಕೊಂಡು ಹೋಗುವುದಾಗಿ ಹೇಳಿದರು. ಆಕಾಶದಲ್ಲಿ ಕಾಣಿಸಿಕೊಳ್ಳಲಿರುವ ಧೂಮಕೇತುವೊಂದನ್ನು ವೀಕ್ಷಿಸಲು ಈ ಪ್ರವಾಸ ಕೈಗೊಳ್ಳಲಾಗಿತ್ತು. ಈ ಧೂಮಕೇತುವನ್ನು ನಮ್ಮ ಶಾಲೆಯ ಕಟ್ಟಡದ ಟೆರೆಸ್‌ನಲ್ಲಿಯೇ ನೋಡಲು ಯಾಕೆ ಸಾಧ್ಯವಿಲ್ಲ ಎಂದು ನನಗೆ ಅಚ್ಚರಿಯಾಯಿತು. ಇದಕ್ಕೆ ಏನು ಕಾರಣ?

ನಗರ ಅಥವಾ ಪಟ್ಟಣಗಳಿಂದ ದೂರದ ಪ್ರದೇಶಗಳಲ್ಲಿ ರಾತ್ರಿ ವೇಳೆ ಆಕಾಶ ವೀಕ್ಷ ಣೆ ಮಾಡಿದರೆ ನಾವು ನೋಡಬೇಕಾಗಿರುವ ಆಕಾಶ ಕಾಯಗಳು ಸ್ಪಷ್ಟವಾಗಿ ಕಾಣುತ್ತವೆ. ನಗರದಲ್ಲಿರುವ ಕಟ್ಟಡದ ಮೇಲ್ಗಡೆಯ ವಾತಾವರಣವು ಕೈಗಾರಿಕೆಯ ಅನಿಲಗಳು, ಆಟೊಮೊಬೈಲ್‌ಗಳಿಂದ ಹೊರಹೊಮ್ಮುವ ಧೂಳುಗಳಿಂದ ಕಲುಷಿತವಾಗಿರುತ್ತದೆ. ಈ ಮಾಲಿನ್ಯದಿಂದಾಗಿ ನಾವು ನೋಡಬೇಕಿರುವ ಆಕಾಶ ಕಾಯಗಳು ಸ್ಪಷ್ಟವಾಗಿ ಕಾಣುವುದಿಲ್ಲ.

ಅದೇ ರೀತಿ ನಗರದ ವಿವಿಧೆಡೆಯಿರುವ ನಿಯಾನ್‌ ಫಲಕಗಳು, ಬೀದಿ ಬೆಳಕುಗಳು ಮತ್ತು ಛಾವಣಿಯ ಬೆಳಕುಗಳ ಹಿನ್ನೆಲೆಯಲ್ಲಿ ಆಕಾಶ ಕಾಯಗಳನ್ನು ಸ್ಪಷ್ಟವಾಗಿ ನೋಡಲಾಗುವುದಿಲ್ಲ. ಇದೇ ಕಾರಣಕ್ಕಾಗಿ ದೂರದರ್ಶಕಗಳನ್ನು ದೂರದ ಪ್ರದೇಶಗಳಲ್ಲಿ ಮತ್ತು ಎತ್ತರದ ಸ್ಥಳಗಳಲ್ಲಿ ನಿರ್ಮಿಸಲಾಗುತ್ತದೆ.