ಸರಳ ವಿಜ್ಞಾನ: ತುಳಿದು ಚಲಿಸುವ ವಿಮಾನ

ಪೆಡಲಿಂಗ್‌ ಅಥವಾ ತುಳಿಯುವ ಮೂಲಕ ಚಲಿಸುವ ಕೆಲವು ವಿಮಾನಗಳೂ ಇವೆ ಎಂದು ನನ್ನ ಸ್ನೇಹಿತನೊಬ್ಬ ಹೇಳುತ್ತಾನೆ. ಇದು ಸಾಧ್ಯವೇ?

ಫೈಬರ್‌ಗ್ಲಾಸ್‌ನಂಥ ಮಾನವ ನಿರ್ಮಿತ ವಸ್ತುಗಳು ಅತ್ಯಂತ ಹಗುರವಾಗಿರುವ ವಿಮಾನಗಳನ್ನು ನಿರ್ಮಿಸಲು ಸಾಧ್ಯವಾಗುವಂತೆ ಮಾಡಿವೆ. ಇಂಥ ವಿಮಾನಗಳ ರೆಕ್ಕೆಗಳು ಪೆಡಲ್‌ಗಳ ಮೂಲಕ ತಿರುಗುತ್ತವೆ. ಇಂಥ ವಿಮಾನಗಳನ್ನು ಕೆಲವರು ನಿರ್ಮಿಸಿದ್ದಾರೆ. ಆದರೆ ಇದರ ರೆಕ್ಕೆಗಳನ್ನು ತಿರುಗಿಸಲು ಅಗಾಧವಾದ ಮಾನವ ಶಕ್ತಿ ಬೇಕು. ಈ ವಿಮಾನದಲ್ಲಿ ತುಂಬಾ ದೂರ ಹೋಗಬೇಕಿದ್ದರೆ ಅದಕ್ಕೆ ಬೇಕಾಗುವ ದೈಹಿಕ ಶ್ರಮ ಎಂಥವರನ್ನೂ ಸುಸ್ತು ಮಾಡಿ ಬಿಡುತ್ತದೆ. 1988, ಏಪ್ರಿಲ್‌ನಲ್ಲಿ ಕ್ಯಾನೆಲ್ಲೊಸ್‌ ಎಂಬ ಗ್ರೀಕ್‌ ಸೈಕ್ಲಿಂಗ್‌ ಚಾಂಪಿಯನ್‌ ಇಂಥ ಪೆಡಲ್‌ ವಿಮಾನವನ್ನು ಕ್ರೇಟ್‌ ದ್ವೀಪದಿಂದ ಸ್ಯಾಂಟೊರಿನ್‌ ದ್ವೀಪದವರೆಗೆ ಚಲಾಯಿಸಿಕೊಂಡು ಹೋಗಿದ್ದ. ಕೇವಲ 32 ಕೆ.ಜಿ ತೂಗುತ್ತಿದ್ದ ಆ ವಿಮಾನದಲ್ಲಿ ಆತ 120 ಕಿ.ಮೀ ಕ್ರಮಿಸಿದ್ದ!