ಸರಳ ವಿಜ್ಞಾನ: ನಶಿಸದ ವಸ್ತು

ವಿಶ್ವದಲ್ಲಿರುವ ವಸ್ತುಗಳ ಒಟ್ಟು ಪ್ರಮಾಣ ಸ್ಥಿರವಾಗಿರುತ್ತದೆ. ಅಲ್ಲಿರುವ ಯಾವುದೇ ವಸ್ತುವನ್ನು ಹೆಚ್ಚು ಮಾಡಲು ಅಥವಾ ನಾಶ ಮಾಡಲು ಸಾಧ್ಯವಿಲ್ಲ ಎಂಬುದನ್ನು ಕೇಳಿರುತ್ತೇವೆ. ಈ ಅನ್ವೇಷಣೆಯನ್ನು ಮಾಡಿದವರು ಯಾರು?

ಈ ಅನ್ವೇಷಣೆಯನ್ನು ಆ್ಯಂಟೊನ್‌ ಲ್ಯಾವೊಸೈರ್‌ ಎಂಬ ಖ್ಯಾತ ಫ್ರೆಂಚ್‌ ವಿಜ್ಞಾನಿಯು 18ನೇ ಶತಮಾನದಲ್ಲಿ ಮಾಡಿದರು. ಅವರು ಅನೇಕ ವಸ್ತುಗಳನ್ನು ಸಂಗ್ರಹಿಸಿ ಅದರ ದ್ರವ್ಯರಾಶಿಯನ್ನು ನಿರ್ಧರಿಸಿದರು. ಬಳಿಕ ಅವರು ಪ್ರತಿ ವಸ್ತು ಮುಚ್ಚಿದ ಬಾಟಲಿಗಳಲ್ಲಿ ರಾಸಾಯನಿಕ ಬದಲಾವಣೆಗೆ ಒಳಗಾಗುವಂತೆ ಮಾಡಿದರು. ಯಾವುದೇ ವಸ್ತು ಅನಿಲಗಳ ರೂಪದಲ್ಲಿ ಹೊರಗೆ ಹೋಗಲು ಸಾಧ್ಯವಾಗದಂತೆ ಬಾಟಲಿಗಳನ್ನು ಭದ್ರವಾಗಿ ಮುಚ್ಚಿ ಈ ಪ್ರಯೋಗ ಮಾಡಿದರು. ಇದರಲ್ಲಿ ಅವರು ತಮಗೆ ಸಿಕ್ಕಿದ ಘನ ಮತ್ತು ಅನಿಲ ರೂಪದ ಹೊಸ ವಸ್ತುಗಳ ಒಟ್ಟು ದ್ರವ್ಯರಾಶಿಯನ್ನು ನಿರ್ಧರಿಸಿದರು. ಹೊಸ ವಸ್ತುಗಳ ಒಟ್ಟು ದ್ರವ್ಯರಾಶಿಯು ಮೂಲ ವಸ್ತುಗಳ ಒಟ್ಟು ದ್ರವ್ಯರಾಶಿಯಷ್ಟೇ ಇದೆ ಎಂಬ ವಿಷಯ ಅವರಿಗೆ ಈ ಪ್ರಯೋಗದಲ್ಲಿ ತಿಳಿಯಿತು. ಅವರು ತಮ್ಮ ಈ ಅನ್ವೇಷಣೆಗೆ ದ್ರವ್ಯರಾಶಿ ಸಂರಕ್ಷ ಣಾ ನಿಯಮ ಎಂದು ಹೆಸರಿಟ್ಟಿದ್ದಾರೆ.