ಸರಳ ವಿಜ್ಞಾನ: ಕಲ್ಲಿದ್ದಲಿನಿಂದ ತೈಲ

ಇತ್ತೀಚೆಗೆ ನಾನು ಕಲ್ಲಿದ್ದಲಿನಿಂದ ತೈಲವನ್ನು ಉತ್ಪಾದಿಸಲಾಗುತ್ತದೆ ಎಂಬುದನ್ನು ಓದಿದ್ದೆ. ಹಾಗಾದರೆ ನಾವು ಬೃಹತ್‌ ಪ್ರಮಾಣದಲ್ಲಿಯೇ ಕಲ್ಲಿದ್ದಲಿನಿಂದ ತೈಲ ಉತ್ಪಾದಿಸಬಹುದಲ್ವೇ?

ಕೆಲವು ವರ್ಷಗಳ ಹಿಂದೆ ದಕ್ಷಿಣ ಆಫ್ರಿಕಾದ ಕಂಪೆನಿಯೊಂದು ಅಭಿವೃದ್ಧಿಗೊಳಿಸಿರುವ ತೈಲ ಉತ್ಪಾದನೆ ಪ್ರಕ್ರಿಯೆಯಲ್ಲಿಕಲ್ಲಿದ್ದಲನ್ನು ಕಂಟೈನರ್‌ನೊಳಗೆ ಇಟ್ಟು ಆವಿ ಮತ್ತು ಆಮ್ಲಜನಕದ ಮಿಶ್ರಣದಿಂದ ಅತ್ಯಂತ ಪ್ರಬಲವಾದ ಒತ್ತಡದಡಿ ಸ್ಫೋಟಿಸಲಾಗುತ್ತದೆ. ಈ ರೀತಿ ಸುಡುವ ಕಲ್ಲಿದ್ದಲು ಹೈಡ್ರೋಜನ್‌ ಮತ್ತು ಕಾರ್ಬನ್‌ ಯಥೇಚ್ಛವಾಗಿರುವ ಅನಿಲವನ್ನು ಬೃಹತ್‌ ಪ್ರಮಾಣದಲ್ಲಿಉತ್ಪಾದಿಸುತ್ತದೆ. ಸುಡುವ ಕಲ್ಲಿದ್ದಲಿನಿಂದ ಉತ್ಪತ್ತಿಯಾಗುವ ಉಷ್ಣತೆಯು ಆವಿಯಲ್ಲಿರುವ ನೀರಿನ ಅಣುಗಳನ್ನು ಹೈಡ್ರೋಜನ್‌ ಮತ್ತು ಆಮ್ಲಜನಕವನ್ನಾಗಿ ವಿಭಜಿಸುತ್ತದೆ. ಈ ಹೈಡ್ರೋಜನ್‌ ಕಾರ್ಬನ್‌ನೊಂದಿಗೆ ಸಂಯೋಜನೆಗೊಂಡು ತೈಲ ಉತ್ಪತ್ತಿಯಾಗುತ್ತದೆ.

ಈ ಇಡೀ ಪ್ರಕ್ರಿಯೆ ಸರಳವಾಗಿ ಕಂಡರೂ ಇದಕ್ಕೆ ಅತ್ಯಧಿಕ ವೆಚ್ಚ ತಗಲುತ್ತದೆ. ಈ ಪ್ರಕ್ರಿಯೆಯಲ್ಲಿತೈಲವನ್ನು ಉತ್ಪಾದಿಸಲು ಆಗುವ ವೆಚ್ಚಕ್ಕೆ ಹೋಲಿಸಿದರೆ ತೈಲವನ್ನು ಆಮದು ಮಾಡಿಕೊಳ್ಳುವುದಕ್ಕೆ ಆಗುವ ವೆಚ್ಚ ಕಡಿಮೆ. ಜರ್ಮನ್‌ನ ರಾಸಾಯನಿಕ ಶಾಸ್ತ್ರಜ್ಞ ಫ್ರೆಡ್ರಿಕ್‌ ಬೆರ್ಗಸ್‌ 1920ರಲ್ಲಿಕಲ್ಲಿದ್ದಲಿನಿಂದ ತೈಲವನ್ನು ತೆಗೆಯುವ ಪ್ರಕ್ರಿಯೆಯನ್ನು ಮೊದಲ ಬಾರಿಗೆ ಅಭಿವೃದ್ಧಿಗೊಳಿಸಿದರು.