ಸರಳ ವಿಜ್ಞಾನ: ದ್ರವಯುಕ್ತ ಅಂಗಾಂಶ

ಮಿದುಳಿನಲ್ಲಿರುವ ಬೂದು ಬಣ್ಣದ ವಸ್ತು ನಮ್ಮ ದೇಹದಲ್ಲಿರುವ ಅತ್ಯಂತ ಹೆಚ್ಚು ದ್ರವಯುಕ್ತ ಅಂಗಾಂಶವಾಗಿದೆ. ಅದರಲ್ಲಿಶೇ.85 ರಷ್ಟು ನೀರಿರುವ ಕಾರಣ ಮಿದುಳನ್ನು ಅರೆ ಘನ ವಸ್ತು ಎಂದು ಪರಿಗಣಿಸಲಾಗಿದೆ. ಹಾಗಾದರೆ ಕಡಿಮೆ ಅಂದರೆ ಶೇ. 80ರಷ್ಟು ನೀರಿರುವ ರಕ್ತವನ್ನು ಯಾಕೆ ದ್ರವ ಎಂದು ಪರಿಗಣಿಸಲಾಗಿದೆ?

ಮಿದುಳಿನಲ್ಲಿರುವ ಬೂದು ಬಣ್ಣದ ವಸ್ತುವಿನಲ್ಲಿಶೇ.85ರಷ್ಟು ನೀರಿದೆ ಎಂಬುದು ನಿಜ. ಆದರೆ ಈ ಬೂದು ಬಣ್ಣದ ವಸ್ತುವಿನಲ್ಲಿರುವ ಜೀವಕೋಶಗಳು ಒಂದಕ್ಕೊಂದು ಅಂಟಿಕೊಂಡು ಮೃದುವಾದ ಅರೆ ಘನ ವಸ್ತುವಾಗಿ ರೂಪುಗೊಂಡಿರುತ್ತವೆ. ಆದರೆ ಕೆಂಪು ರಕ್ತ ಕಣಗಳು, ಬಿಳಿ ರಕ್ತ ಕಣಗಳು ಮತ್ತು ರಕ್ತದಲ್ಲಿರುವ ಪ್ಲೇಟ್‌ಲೆಟ್ಸ್‌ ತಮ್ಮ ಪ್ರತ್ಯೇಕತೆಯನ್ನು ಕಾಯ್ದುಕೊಂಡಿವೆ. ಅವುಗಳು ಪರಸ್ಪರ ವಿಲೀನವಾಗದ ಕಾರಣ ರಕ್ತವು ದ್ರವ ರೂಪದಲ್ಲಿಯೇ ಇರುತ್ತದೆ.