ಸರಳ ವಿಜ್ಞಾನ: ಅಪಾಯಕಾರಿ ಬಣ್ಣಗಳು

ನನ್ನ ಸ್ನೇಹಿತನೊಬ್ಬ ಲಡ್ಡು, ಐಸ್‌ಕ್ರೀಮ್‌ ಅಥವಾ ಕಡು ಬಣ್ಣಗಳಿರುವ ಇತರ ಆಹಾರಗಳನ್ನು ಖರೀದಿಸುವುದೇ ಇಲ್ಲ. ಅವುಗಳಲ್ಲಿಯಾವಾಗಲೂ ವಿಷಕಾರಿ ಬಣ್ಣಗಳಿರುತ್ತವೆ ಎಂದು ಆತ ಹೇಳುತ್ತಾನೆ. ಇದು ನಿಜವೇ?

ಹೌದು. ನಿಮ್ಮ ಸ್ನೇಹಿತ ಹೇಳಿದ್ದು ನಿಜ. ಆಹಾರ ಉತ್ಪಾದಕರು ತಮ್ಮ ಆಹಾರಗಳಿಗೆ ಆಕರ್ಷಕ ಬಣ್ಣ ಬರಲು ಕೃತಕ ಬಣ್ಣಗಳನ್ನು ಬಳಸುತ್ತಾರೆ ಹಾಗೂ ಕೆಲವೊಮ್ಮೆ ಆಹಾರ ಸಂಸ್ಕರಣೆ ವೇಳೆ ತನ್ನ ನೈಸರ್ಗಿಕ ಬಣ್ಣ ಕಳೆದುಕೊಂಡ ಆಹಾರಗಳಿಗೆ ಬೇರೆ ಬಣ್ಣ ಹಾಕುತ್ತಾರೆ. ಇಂಥ ಕೆಲವು ಬಣ್ಣಗಳು ಅಪಾಯರಹಿತವಾಗಿದ್ದು ಅವುಗಳನ್ನು ಆಹಾರ ತಯಾರಿಕೆಯಲ್ಲಿಬಳಸಲು ಅವಕಾಶವಿದೆ. ಆದರೆ ಕೆಲವು ಸ್ವಾರ್ಥಿ ಉತ್ಪಾದಕರು ತಮ್ಮ ಆಹಾರಗಳಿಗೆ ಅಗ್ಗವಾಗಿರುವ ಮತ್ತು ಪರವಾನಿಗೆ ಇಲ್ಲದ ಬಣ್ಣಗಳನ್ನು ಬಳಸುತ್ತಾರೆ. ಇವು ಆರೋಗ್ಯಕ್ಕೆ ಮಾರಕವಾಗಿವೆ.
ಭಾರತದಲ್ಲಿಹೆಚ್ಚಾಗಿ ಬಳಸಲಾಗುವ ಇಂಥ ಪರವಾನಿಗಿ ಇಲ್ಲದ ಬಣ್ಣಗಳಲ್ಲಿಪ್ರಮುಖವಾದದ್ದು ಮೆಟನಿಲ್‌ ಯಲ್ಲೋ. ಇದನ್ನು ಲಡ್ಡು, ಜಿಲೇಬಿ, ಐಸ್‌ ಕ್ಯಾಂಡಿ ಮತ್ತು ಇತರ ಸಿಹಿ ತಿಂಡಿಗಳಿಗೆ ಬಳಸುತ್ತಾರೆ. ಇದೊಂದು ವಿಷಕಾರಿ ಬಣ್ಣವಾಗಿದ್ದು ಅತ್ಯಂತ ಹಾನಿಕಾರವಾಗಿ ಪರಿಗಣಿಸಲ್ಪಟ್ಟಿದೆ. ಇದೇ ರೀತಿ ಅಪಾಯಕಾರಿಯಾಗಿರುವ ಆದರೂ ಬಳಕೆಯಲ್ಲಿರುವ ಎರಡು ಬಣ್ಣಗಳೆಂದರೆ ರೊಡಮಿನ್‌ ಬಿ ಮತ್ತು ಆರೆಂಜ್‌ 11. ಆದ್ದರಿಂದ ಆಹಾರಗಳನ್ನು ಖರೀದಿಸುವಾಗ ಆದಷ್ಟು ಸಹಜತನಕ್ಕೆ ದೂರವಾಗಿ ಕಡು ಬಣ್ಣಗಳಿಂದ ಹೊಳೆಯುವ ತಿಂಡಿಗಳನ್ನು ಕೊಳ್ಳಬೇಡಿ. ಅದೇ ರೀತಿ ರಸ್ತೆ ಬದಿಯಲ್ಲಿಮಾರಲ್ಪಡುವ ಮತ್ತು ಅಂಗಡಿಗಳಲ್ಲಿಗೊತ್ತೇ ಇರದ ಬ್ರಾಂಡ್‌ಗಳಲ್ಲಿಸಂಗ್ರಹವಾಗಿರುವ ಸಿಹಿ ತಿಂಡಿಗಳನ್ನು ಖರೀದಿಸಬೇಡಿ.