ಫ್ರಿಜ್‌ನಿಂದ ತೆಗೆದ ತಂಪು ಪಾನೀಯದ ಬಾಟಲಿಯನ್ನು ಚೆನ್ನಾಗಿ ಅಲ್ಲಾಡಿಸಿ ಮುಚ್ಚಳ ತೆಗೆದರೆ ಅದರೊಳಗಿನ ದ್ರಾವಣವು ನೊರೆಯಾಗಿ ಹೊರಗೆ ಚಿಮ್ಮುತ್ತದೆ. ಬಾಟಲಿಯನ್ನು ಕುಲುಕಿದಾಗ ದ್ರವವು ಯಾಕೆ ಅಷ್ಟು ವೇಗವಾಗಿ ಹೊರಗೆ ಚಿಮ್ಮುತ್ತದೆ?
ತಂಪು ಪಾನೀಯದ ಬಾಟಲಿಯ ಮುಚ್ಚಳ ತೆಗೆಯುವಾಗ ಅದರೊಳಗಿರುವ ದ್ರವವು ಚಿಮ್ಮಲು ಮುಖ್ಯ ಕಾರಣ ಅದರೊಳಗಿರುವ ಕಾರ್ಬನ್‌ ಡೈಆಕ್ಸೈಡ್‌. ಪಾನೀಯದಲ್ಲಿರುವ ನೀರಿನಿಂದ ಕಾರ್ಬನ್‌ ಡೈಆಕ್ಸೈಡ್‌ ಕಳಚಿಕೊಳ್ಳುವ ಪ್ರಯತ್ನದಲ್ಲಿ ಈ ರಭಸತೆ ಬರುತ್ತದೆ. ಈ ಕಾರ್ಬನ್‌ ಡೈಆಕ್ಸೈಡನ್ನು ನೀರಿಗೆ ಅಧಿಕ ಒತ್ತಡ ಮತ್ತು ತಂಪಾದ ವಾತಾವರಣದಲ್ಲಿ ಬೆರೆಸುತ್ತಾರೆ. ಇದು ಆ ದ್ರಾವಣಕ್ಕೆ ನೊರೆ ಬರುವಂತೆ ಮಾಡುತ್ತದೆ ಮತ್ತು ಸ್ವಲ್ಪ ಪ್ರಮಾಣದ ಕಾರ್ಬನ್‌ ಡೈಆಕ್ಸೈಡ್‌ ನೀರಿನೊಂದಿಗೆ ಪ್ರತಿಕ್ರಿಯಿಸಿ ಕಾರ್ಬನಿಕ್‌ ಆ್ಯಸಿಡ್‌ ಆಗುತ್ತದೆ. ಈ ಆ್ಯಸಿಡ್‌ ಪಾನೀಯಕ್ಕೆ ತಾಜಾ ಮತ್ತು ಹುಳಿ ರುಚಿಯನ್ನು ನೀಡುತ್ತದೆ.
ತಂಪು ಪಾನೀಯದ ಮುಚ್ಚಳ ತೆಗೆಯುವ ಮೊದಲು ಅದನ್ನು ಚೆನ್ನಾಗಿ ಅಲ್ಲಾಡಿಸಿದರೆ ದ್ರಾವಣದ ಮೇಲಿರುವ ಅನಿಲ ದ್ರಾವಣದಲ್ಲಿಯೇ ಕರಗುತ್ತದೆ. ಈ ಅನಿಲ ನೀರಿಗಿಂತಲೂ ಹೆಚ್ಚಾಗಿ ಸಾಮಾನ್ಯವಾಗಿ ಕರಗಿರುವ ಸ್ಥಿತಿಯಲ್ಲಿಯೇ ಇರುತ್ತದೆ. ಬಾಟಲಿಯ ಮುಚ್ಚಳ ತೆಗೆದಾಗ ದಿಢೀರನೆ ಒತ್ತಡ ಬಿಡುಗಡೆಯಾಗಿ ಈ ಅನಿಲ ಹೊರಗೆ ಧುಮುಕುತ್ತದೆ. ಈ ಮೂಲಕ ಒಳಗಿರುವ ದ್ರವವು ಹೊರಗೆ ಚಿಮ್ಮಲ್ಪಡುತ್ತದೆ.