ಕಾಸಿಂಸಾಬ್ ನದಾಫ್
ಕೆಳಗಿಳಿದು ಬಾರೆ ಮುದ್ದಿನ ಗಿಳಿಯೆ
ಬೋರೆ ಹಣ್ಣನು ತಂದಿರುವೆ
ಅಮ್ಮನ ಕಣ್ಣನು ತಪ್ಪಿಸಿ ನಿನ್ನನು
ನೋಡಲು ಓಡೋಡಿ ಬಂದಿರುವೆ
ಕಾಡು ಒಣಗಿ ಹಣ್ಣು ಸಿಗದೆ
ಎಷ್ಟೊಂದು ಸೊರಗಿರುವೆ
ಚಿಂತಿಸದಿರು ನನ್ನಯ ಗೆಳತಿಯೆ
ನಿನ್ನೊಂದಿಗೆ ನಾನು ಇರುವೆ
ಕೆಂಪು ಮೂಗಿನ ಚೆಂದದ ಗಿಳಿಯೆ
ನೀ ನಗುನಗುತಾ ಇರಬೇಕು
ಸೃಷ್ಟಿಯ ಕಂಡು ಸಂತಸ ತುಂಬಿ
ನಿನ್ನ ಧ್ವನಿಯು ಕೇಳಬೇಕು
ಶಾಲೆಗೆ ಹೋಗುವ ಸಮಯಕ್ಕೆ
ನಿನ್ನಲ್ಲಿಗೆ ಬಂದು ಹೋಗುವೆ
ದಿನವೂ ವಿಧವಿಧ ಹಣ್ಣನು
ನಿನಗೆ ತಂದು ಕೊಡುವೆ
ಭಾನುವಾರ ಶಾಲೆಗೆ ರಜವು
ಅಂದು ಊರಿನ ಕಡೆಗೆ ಬಾರೆ
ನನ್ನಯ ಜೊತೆಗೆ ಆಟವ ಆಡಿ
ನಲಿಯುತ ಗೂಡಿನ ಕಡೆಗೆ ಹಾರೆ.
ಕೆಳಗಿಳಿದು ಬಾರೆ ಮುದ್ದಿನ ಗಿಳಿಯೆ
ಬೋರೆ ಹಣ್ಣನು ತಂದಿರುವೆ
ಅಮ್ಮನ ಕಣ್ಣನು ತಪ್ಪಿಸಿ ನಿನ್ನನು
ನೋಡಲು ಓಡೋಡಿ ಬಂದಿರುವೆ
ಕಾಡು ಒಣಗಿ ಹಣ್ಣು ಸಿಗದೆ
ಎಷ್ಟೊಂದು ಸೊರಗಿರುವೆ
ಚಿಂತಿಸದಿರು ನನ್ನಯ ಗೆಳತಿಯೆ
ನಿನ್ನೊಂದಿಗೆ ನಾನು ಇರುವೆ
ಕೆಂಪು ಮೂಗಿನ ಚೆಂದದ ಗಿಳಿಯೆ
ನೀ ನಗುನಗುತಾ ಇರಬೇಕು
ಸೃಷ್ಟಿಯ ಕಂಡು ಸಂತಸ ತುಂಬಿ
ನಿನ್ನ ಧ್ವನಿಯು ಕೇಳಬೇಕು
ಶಾಲೆಗೆ ಹೋಗುವ ಸಮಯಕ್ಕೆ
ನಿನ್ನಲ್ಲಿಗೆ ಬಂದು ಹೋಗುವೆ
ದಿನವೂ ವಿಧವಿಧ ಹಣ್ಣನು
ನಿನಗೆ ತಂದು ಕೊಡುವೆ
ಭಾನುವಾರ ಶಾಲೆಗೆ ರಜವು
ಅಂದು ಊರಿನ ಕಡೆಗೆ ಬಾರೆ
ನನ್ನಯ ಜೊತೆಗೆ ಆಟವ ಆಡಿ
ನಲಿಯುತ ಗೂಡಿನ ಕಡೆಗೆ ಹಾರೆ.