ಸರಳ ವಿಜ್ಞಾನ: ಚರ್ಮದ ಸ್ವಚ್ಛತೆ

ನನಗೆ ವೈದ್ಯರೊಮ್ಮೆ ಚುಚ್ಚುಮದ್ದು ಕೊಡುವ ಮೊದಲು ಸೂಜಿ ಚುಚ್ಚುವ ಭಾಗವನ್ನು ಸರ್ಜಿಕಲ್‌ ಸ್ಪಿರಿಟ್‌ ಅದ್ದಿದ ಹತ್ತಿಯಿಂದ ಸ್ವಚ್ಛಗೊಳಿಸಿದರು. ಇದಕ್ಕೆ ಕಾರಣವೇನು?

ನಿಮ್ಮ ಚರ್ಮದ ಪ್ರತಿಯೊಂದು ಇಂಚಿನಲ್ಲೂ ಬ್ಯಾಕ್ಟೀರಿಯ ಮತ್ತು ಇನ್ನಿತರ ಸಣ್ಣ ಸಣ್ಣ ಸೂಕ್ಷ ್ಮಜೀವಿಗಳಿರುತ್ತವೆ. ಇವು ಚುಚ್ಚುಮದ್ದಿನ ಸೂಜಿಯೊಂದಿಗೆ ನಿಮ್ಮ ದೇಹದೊಳಗೆ ಸೇರಿದರೆ ತುಂಬಾ ಅಪಾಯವಿರುವುದು ಸಾಬೀತಾಗಿದೆ. ಆದ್ದರಿಂದ ಚುಚ್ಚುಮದ್ದು ನೀಡುವ ಮುನ್ನ ಮತ್ತು ನೀಡಿದ ನಂತರ ಆ ಭಾಗವನ್ನು ವೈದ್ಯರು ನಂಜು ನಿರೋಧಕ ಅದ್ದಿರುವ ಹತ್ತಿಯಿಂದ ಸ್ವಚ್ಛಗೊಳಿಸುತ್ತಾರೆ. ಈ ದ್ರಾವಣದಲ್ಲಿ ಶೇ. 70 ರಷ್ಟು ಎಥೈಲ್‌ ಆಲ್ಕೋಹಾಲ್‌ ಇರುತ್ತದೆ. ಇದನ್ನು ಸರ್ಜಿಕಲ್‌ ಸ್ಪಿರಿಟ್‌ ಎಂದು ಕರೆಯುತ್ತಾರೆ.