ಸರಳ ವಿಜ್ಞಾನ: ಕ್ಷಿಪ್ರಗತಿಯ ಶೀತಲೀಕರಣ

ಫ್ರೀಜರ್‌ನಲ್ಲಿ ತಣ್ಣೀರಿಗಿಂತ ಬಿಸಿ ನೀರನ್ನು ಇಟ್ಟರೆ ಬೇಗನೆ ಹೆಪ್ಪುಗಟ್ಟುತ್ತದೆ ಎಂಬುದು ನಿಜವೇ?

ಇದು ನಿಜ. ಆದರೆ ಇದಕ್ಕೆ ವಿವಿಧ ಕಾರಣಗಳಿವೆ. ಈ ಪೈಕಿ ಒಂದು ವಿವರಣೆ ಹೀಗಿದೆ. ಬಿಸಿ ನೀರಿರುವ ಐಸ್‌ ಟ್ರೇಯನ್ನು ಫ್ರೀಜರ್‌ನ ಮಂಜಿನ ಮೇಲ್ಮೈ ಅಥವಾ ಮಂಜುಗಡ್ಡೆಯ ಮೇಲೆ ಇಟ್ಟಾಗ ಅಧಿಕ ಉಷ್ಣಾಂಶವು ನಿಧಾನಕ್ಕೆ ಟ್ರೇ ಇರುವ ಮಂಜುಗಡ್ಡೆಯ ಮೇಲ್ಮೈಯನ್ನು ಕರಗಿಸುತ್ತದೆ. ಇದು ಕಂಟೈನರ್‌ ಮತ್ತು ತಂಪು ಮೇಲ್ಮೈ ನಡುವಿನ ಸಂಪರ್ಕವನ್ನು ಹೆಚ್ಚಿಸುತ್ತದೆ. ಹಾಗೂ ನೀರು ಮತ್ತು ಕಂಟೈನರ್‌ನ ಉಷ್ಣಾಂಶವು ತ್ವರಿತ ಗತಿಯಲ್ಲಿ ವರ್ಗಾವಣೆಗೊಳ್ಳುತ್ತದೆ. ಈ ಗತಿಯು ನೀರು ಕಡಿಮೆ ಉಷ್ಣಾಂಶ ಹೊಂದಿದ ಗತಿಗಿಂತ ವೇಗವಾಗಿರುತ್ತದೆ. ಆದ್ದರಿಂದ ನೀರಿನ ಉಷ್ಣಾಂಶವು ಬೇಗನೆ ಕಡಿಮೆಯಾಗುತ್ತದೆ ಮತ್ತು ಅದು ಬೇಗನೆ ಮಂಜುಗಡ್ಡೆಯಾಗುತ್ತದೆ.