ಸರಳ ವಿಜ್ಞಾನ: ತೂಕ ರಹಿತ ಕಕ್ಷೆ

ಉಪಗ್ರಹ ಅಥವಾ ಕಕ್ಷೆಯಲ್ಲಿರುವ ಬಾಹ್ಯಾಕಾಶ ಯಾನಿಗಳು ತೂಕ ರಹಿತವಾಗಿರುತ್ತಾರೆ. ಇದಕ್ಕೆ ಕಾರಣವೇನು?

ನೀವೊಂದು ಕಲ್ಲನ್ನು ಬಿಸಾಡಿದರೆ ಅದು ಸ್ವಲ್ಪ ದೂರ ಹೋಗಿ ಕೆಳಗೆ ಬೀಳುತ್ತದೆ. ಆ ಕಲ್ಲನ್ನು ನೀವು ಇನ್ನೂ ಹೆಚ್ಚು ವೇಗವಾಗಿ ಬಿಸಾಡಿದರೆ ಅದು ಇನ್ನೂ ಸ್ವಲ್ಪ ದೂರ ಹೋಗಿ ಬೀಳುತ್ತದೆ. ಬಾಹ್ಯಾಕಾಶ ನೌಕೆಯನ್ನು ಅತಿಯಾದ ವೇಗದಿಂದ ಕಕ್ಷೆಗೆ ಬಿಡಲಾಗಿರುತ್ತದೆ. ಆದರೂ ಇದು ಆಗಲೂ ಭೂಮಿಯ ಗುರುತ್ವಾಕರ್ಷಣೀಯ ಕ್ಷೇತ್ರದೊಳಗಿರುವುದರಿಂದ ಅದು ಭೂಮಿಗೆ ಬೀಳಲು ಆರಂಭಿಸುತ್ತದೆ. ಗುರುತ್ವಾಕರ್ಷಣೆಗೆ ಪ್ರತಿರೋಧವಿಲ್ಲದೆ ಬೀಳುವ ಯಾವುದೇ ವಸ್ತುಗಳಿಗೂ ತೂಕವಿರುವುದಿಲ್ಲ.

ಬಾಹ್ಯಾಕಾಶ ನೌಕೆ ಮತ್ತು ಅದರ ಯಾನಿಗಳು ತೂಕ ರಹಿತವಾಗಿರುತ್ತಾರೆ. ಯಾಕೆಂದರೆ ಅವರು ಕೆಳಗೆ ಬೀಳುತ್ತಿರುತ್ತಾರೆ. ಈಗಲೂ ಒಂದು ಪ್ರಶ್ನೆ ಏಳುತ್ತದೆ. ಅದೇನೆಂದರೆ ಬಾಹ್ಯಾಕಾಶ ನೌಕೆ ಬೀಳುತ್ತಿದ್ದರೆ ಅದು ಭೂಮಿಯ ಮೇಲೆ ಯಾಕೆ ಅಪ್ಪಳಿಸುವುದಿಲ್ಲ ಎಂದು. ಇದಕ್ಕೆ ಕಾರಣವೇನೆಂದರೆ, ಬಾಹ್ಯಾಕಾಶ ನೌಕೆಯು ಕೆಳಗೆ ಬೀಳುತ್ತಿದ್ದರೂ ಅದು ತುಂಬಾ ವೇಗವಾಗಿ ಮತ್ತು ಲಂಬೀಯವಾಗಿ ಸಂಚರಿಸುತ್ತಿರುತ್ತದೆ. ಬಾಹ್ಯಾಕಾಶ ನೌಕೆಯ ಈ ಮುಂದುವರಿದ ಚಲನಾ ಸಂಯೋಜನೆ ಮತ್ತು ಗುರುತ್ವಾಕರ್ಷಣೆಯಿಂದ ಉಂಟಾಗುವ ಕೆಳಮುಖ ತಳ್ಳಲ್ಪಡುವಿಕೆಯಿಂದ ಬಾಹ್ಯಾಕಾಶ ನೌಕೆಯು ಭೂಮಿಯ ಸುತ್ತ ವಕ್ರೀಯವಾಗಿ ಚಲಿಸುತ್ತದೆ. ಎಲ್ಲಾ ಪ್ರಾಯೋಗಿಕ ಉದ್ದೇಶಕ್ಕಾಗಿ ಅದು ಭೂಮಿಯ ಸುತ್ತ ಕೊನೆಯಿಲ್ಲದಂತೆ ಬೀಳುತ್ತಿರುತ್ತದೆ.