ಪೂವ್ ಪೂಮಾಲೆ ಪೊಮ್ಮಾಲೆ ಮಣಿಮಾಲೆ ಜೋಮಾಲೆ ನೋಟ್ನ ಮಾಲೆಯೊ ಲೋಕತ್ ಆಳೊಂದ್ ತರಮಾಲೆ ನೊಯಿಟೆಟ್ಟ್ //ಪೂ// ಮಾತ್ಮಂಡ ಬೋಳೆಲ್ ದೇವಂಡ ವಿಗ್ರತ ಸ್ವಾಮೀಡ ಪೂಜೆಕ್ ಪೂಸರ ಉತ್ಸವಾಲಂಕಾರ ಪೂಬಳ್ಳಿ ಪೊಂಗಡ ಜಡೆಕೊತ್ತ್ ಬಾಲಂಡ ಎದೆಕೊತ್ತ ಮನೆಪಟ್ಟಿಕೊತ್ತೋರ್ ಪೂಗಿಡ ಮಂಗಲ ಚಿಂಗಾರ ಪೂಜೆಂಡ್ //ಪೂ// ಕೊದಿಕಳಿ ಕಳಿಪಕ್ಕು ಕೈ ಜೋಡಿತ್ ಡುವಕ್ಕು ಧೀರನ ತುದಿಪಕ್ಕು ಪೂಕಲ್ಲಿ ಕರಿತುಂಬಿ ಕುಡಿಪಕ್ ಪೂರಸ ಬ್ರಹ್ಮಗಿರಿಮೋಳ್ ತಪ್ಪಲ್ ಕಾಡದ್ ದೇವಂಡ ಸೃಷ್ಟಿಯೊ ಪೂತೋಟ ರಂಗ್ ರಂಗೆಲೆ ಬಳ್ಳಿ ಪೂಮರ //ಪೂ// ಭೂಲೋಕ ಧೀರಂಗ್ ದೇವೇಂದ್ರ ಸಭೆಕೂಟಿ ಕಾಟ್ನ ಇನಾಂ ಪೂದೇವ ಬಟ್ಟೆ ಉದ್ದಕು ಕಂಡ ಪೂಮಳೆ ರಾವಣ ಶಿವಪೂಜೆ ಸಾವಿತ್ರಿ ಸತಿಪೂಜೆ ಗಂಗೆಡ ಪೂಜೆಕು ಪೂಮೊಗ್ಗ್ ಪೂಚೆಲ್ವ ಜಪಯೋಗ ಪೂರಾಶಿ //ಪೂ// ನಾರದ ಬೋಳೆಲ್ ವಿಷ್ಣುಡ ಕೈಯಿಲ್ ಲಕ್ಷ್ಮಿರ ಬ್ರಹ್ಮಂಡೊ ಪೂ ಪೀಠ ಕೆರೆಕೊತ್ತ ತಾವರೆ ಪೂರಾಣಿ ಮಲ್ಲಿಗೆ ಸಂಪಿಗೆ ಜಾಜಿಯೊ ಕೆಂಬತ್ತಿ ಗುಲಾಬಿ ತರತರ ಪೂವಮ್ಮ ಕವಿ ಕೊತ ಈ ಮಾಲೆ ಪೂಮಾಲೆ //ಪೂ// ಐ.ಮಾ. ಮುತ್ತಣ್ಣ
ಕವನ
ಪೂವ್
Vijaya Karnataka Web 14 Mar 2016, 4:18 am