ಬಿರು ಬೇಸಿಗೆಗೆ ತಂಪನ್ನೆರೆಯುವ ಅಕ್ವಾ ಸ್ಟ್ರೀಕ್ಸ್ ಇಂದು ಟೀನೇಜ್ ಹುಡುಗಿಯರ ಹೇರ್ ಕಲರ್ನಲ್ಲಿ ಟ್ರೆಂಡಿಯಾಗಿದೆ.
ಬೇಸಿಗೆಯ ಟ್ರೆಂಡ್ನಲ್ಲಿ ಇದೀಗ ಅಕ್ವಾ ಶೇಡ್ನ ಸ್ಟ್ರೀಕ್ಸ್ ಟ್ರೆಂಡಿಯಾಗಿದೆ.
ಬ್ಲಾಕ್ ಹಾಗೂ ಬ್ಲ್ಯೂ ಮಿಕ್ಸ್ ಇರುವ ಕಸ್ಟಮೈಸ್ಡ್ ಹೇರ್ ಕಲರ್ ಇಂದು ಟಿನೇಜ್ ಹುಡುಗಿಯರ ಕೇಶ ರಾಶಿಯನ್ನು ಆರಿಸಿಕೊಂಡಿದೆ.
ಕೆಲವು ಹೇರ್ಕಲರ್ನಲ್ಲಿ ಬ್ಲ್ಯೂ ಗ್ಲೋಬಲ್ ಶೈಲಿಯಲ್ಲಿದ್ದು, ಇನ್ನು ಕೆಲವರು ಅಕ್ವಾ ಕಲರ್ ಹೋಲುವ ಬ್ಲ್ಯೂ ಸ್ಟ್ರೀಕ್ಸ್ ಮೊರೆ ಹೋಗಿದ್ದಾರೆ ಎನ್ನುತ್ತಾರೆ ಹೇರ್ಸ್ಟೈಲಿಸ್ಟ್ಗಳು. ಅವರ ಪ್ರಕಾರ,
ಗಾಢ ಕಪ್ಪು ವರ್ಣದ ಉದ್ದನೆಯ ನೈಜ ಕೇಶ ರಾಶಿ ಟ್ರೆಂಡ್ ಮರೆಯಾಗುತ್ತಿದೆ. ಕಾಲೇಜು ಹೈಕಳು ಮಾತ್ರವಲ್ಲ, ಮಧ್ಯ ವಯಸ್ಕ ಪುರುಷ, ಮಹಿಳೆಯರೂ ಕೂಡ ಡಾರ್ಕ್ ರೆಡ್ ಶೇಡ್ಸ್ ಕೇಶ ರಂಗಿಗೆ ಮೊರೆ ಹೋಗುತ್ತಿದ್ದಾರೆ. ಹಿಂದೂ-ಮುಂದೂ ಯೋಚಿಸದೆ, ಇರುವ ಕೂದಲಿಗೆ ಒಂದಿಷ್ಟು ಕತ್ತರಿ ಪ್ರಯೋಗ ಮಾಡುತ್ತಾ, ಕೂದಲ ಬಣ್ಣ ಬದಲಿಸಿಕೊಳ್ಳುತ್ತಿದ್ದಾರೆ.
ಇನ್ನು ಅಕ್ವಾ ಶೇಡ್ ಜೊತೆಗೆ ಗುಂಗುರು ಕೂದಲನ್ನು ಸ್ಪ್ರೇಟ್ ಮಾಡಿಸಿದರೇ, ನೆಟ್ಟಗಿರುವುದನ್ನು ರೆಕ್ಕೆ-ಪುಕ್ಕದಂತೆ ಗುಂಗುರಾಗಿಸುತ್ತಿದ್ದಾರೆ. ಮಧ್ಯೆ ಮಧ್ಯೆ ಬಿಳಿ ಕೂದಲು ಹೆಚ್ಚಿರುವ ಜಾಗಕ್ಕೆ ಬ್ಲ್ಯೂ ಕಲರ್ ಹೈಲೈಟ್ ಮಾಡುವ ಸ್ಟ್ರೀಕ್ಸ್ ಮಾಡಿಸುವ ಟ್ರೆಂಡ್ ಹೆಚ್ಚಾಗಿದೆ.
ಕಲರಿಂಗ್ ಹೇರ್ಸ್ಟೈಲ್ ಟೆಕ್ನಾಲಜಿ
ಇಂದು ಹೇರ್ ಫ್ಯಾಷನ್ ಕ್ಷೇತ್ರದಲ್ಲೂ ತಂತ್ರಜ್ಞಾನ ಯಾವ ಮಟ್ಟಿಗೆ ಮುಂದುವರಿದಿದೆ ಎಂದರೆ, ಮೊದಲಿನ ಹಾಗೇ ಕಂಡದ್ದನ್ನು ಪ್ರಯೋಗಿಸಿ ನಂತರ ವಿಫಲಗೊಂಡು ಹತಾಶರಾಗುವ ಪ್ರಮೇಯವಿಲ್ಲ. ಆಯಾ ವ್ಯಕ್ತಿ ಬಯಸುವ ವಿನ್ಯಾಸವನ್ನು, ಚರ್ಮದ ಬಣ್ಣ, ವಧನದ ಆಕಾರಕ್ಕೆ ತಕ್ಕಂತೆ ಲೆಕ್ಕಚಾರ ಹಾಕಿ, ಕಂಪ್ಯೂಟರ್ ಪರದೆ ಮೇಲೆ ಪ್ರಯೋಗಿಸಿ ನಂತರ ಕಲರ್ ಹಾಕಿಸಲಾಗುತ್ತಿದೆ.