ನಂದಿನಿ.ಕೆ.ಎಲ್
ಕಪಾಟಿನಲ್ಲಿ ಪುಸ್ತಕವನ್ನು ಆಲ್ಫಬೆಟಿಕ್ ಆಧಾರದಲ್ಲಿ ಜೋಡಿಸಿದಾಗ ನಿಮಗೆ ಬೇಕಾದ ಪುಸ್ತಕವು ಸುಲಭವಾಗಿ ಸಿಗುತ್ತದೆ. ಚೆಲ್ಲಾಪಿಲ್ಲಿಯಾಗಿದ್ದರೆ ಹುಡುಕಿದರೂ ಸಿಗುವುದಿಲ್ಲ. ಹಾಗಾಗಿ ಪುಸ್ತಕದ ಹೆಸರು ಅಥವಾ ಲೇಖಕರ ಹೆಸರಿನ ಪ್ರಕಾರ, ಸಾಲು ಸಾಲಾಗಿ ಜೋಡಿಸಿ. ಇದು ಉತ್ತಮವಾದಂತಹ ವಿಧಾನ ಕೂಡ ಹೌದು.
*ವಿಷಯಾಧಾರಿತವಾಗಿರಲಿ
ಪುಸ್ತಕವನ್ನು ಮೊದಲಿಗೆ ವಿಷಯಾಧಾರಿತವಾಗಿ ಇಟ್ಟರೆ ಸುಲಭವಾಗಿ ಸಿಗುತ್ತದೆ. ಅಂದರೆ ಕಥೆ-ಕಾದಂಬರಿ ಪುಸ್ತಕಗಳನ್ನು ಒಂದು ಸಾಲಿನಲ್ಲಿ, ನಂತರ ಇತಿಹಾಸ ಪುಸ್ತಕ ಮತ್ತೊಂದು ಸಾಲಿನಲ್ಲಿ ಉಳಿದವುಗಳನ್ನು ಅನುಕೂಲಕ್ಕೆ ತಕ್ಕಂತೆ ಜೋಡಿಸಿ. ಒಂದು ಮುಗಿದ ನಂತರ ನಿಮಗೆ ಸುಲಭವಾಗಿ ಗುರುತಿಸಲು ಅನುಕೂಲವಾಗುತ್ತದೆ. ತೆಗೆದು ಓದಿದ ನಂತರ ಅದೇ ಜಾಗದಲ್ಲಿ ಇಡುವುದನ್ನು ಮರೆಯಬೇಡಿ.
* ವಿವಿಧ ಬಣ್ಣ
ಎಲ್ಲಾ ಪುಸ್ತಕಗಳು ಒಂದೇ ರೀತಿಯ ಬಣ್ಣದಿಂದ ಕೂಡಿರುವುದಿಲ್ಲ. ಸಾಮಾನ್ಯವಾಗಿ ಕಪ್ಪು ಬಿಳುಪು ಅಧಿಕವಾಗಿರುತ್ತದೆ. ಪುಸ್ತಕಕ್ಕೆ ವಿವಿಧ ಬಗೆಯ ರಾರಯಪರ್ ಹಾಕಿ, ಬಣ್ಣವನ್ನು ಆಧಾರವಾಗಿಟ್ಟುಕೊಂಡು ಜೋಡಿಸಿದಾಗ ಸುಲಭವಾಗಿ ಗುರುತಿಸಬಹುದು. ಯಾವ ವಿಷಯದ ಪುಸ್ತಕ್ಕಕೆ ಯಾವ ಬಣ್ಣದ ರಾರಯಪರ್ ಹಾಕಬೇಕೆಂಬುದನ್ನು ನಿರ್ಧರಿಸಿಕೊಳ್ಳಿ. ಮತ್ತೆ ಬೆಖಾಬಿಟ್ಟಿ ಕಪಾಟಿನಲ್ಲಿ ಹರವಬೇಡಿ.
*ಪ್ರಕಾಶನ ಆಧಾರಿತ
ಬೇಕಾದಾಗ ಕೈಗೆ ಪುಸ್ತಕ ಸಿಗುವುದೇ ಇಲ್ಲ. ಆದ್ದರಿಂದ ಪಬ್ಲಿಕೇಷನ್ ಆಧಾರಿತವಾಗಿ ಜೋಡಿಸಿ. ಎಲ್ಲವನ್ನು ಮಿಶ್ರ ಮಾಡಿ ಒಟ್ಟಿಗೆ ಇಡಬೇಡಿ. ಪ್ರಕಾಶಕರ ಹೆಸರು ಕೂಡ ಒಂದೇ ಕಡೆ ಇರುವಂತೆ ಜೋಡಿಸಿ.
* ನೆನಪಿನ ಪುಸ್ತಕ
ಪುಸ್ತಕವನ್ನು ಉಡುಗೊರೆಯಾಗಿ ಸ್ನೇಹಿತರು, ಆಪ್ತರು, ಪ್ರಮುಖವಾದ ಸನ್ನಿವೇಶಗಳಲ್ಲಿ ಕೊಂಡಂತಹ ಪುಸ್ತಕಗಳ ಮೇಲೆ ಸೆಂಟಿಮೆಂಟ್ ಇರುತ್ತದೆ. ಇವುಗಳನ್ನು ಲೈಫ್ಲಾಂಗ್ ನಿಮ್ಮೊಟ್ಟಿಗೆ ಜೋಪಾನ ಮಾಡಬೇಕೆಂದರೆ ಅವುಗಳನ್ನು ಪ್ರತ್ಯೇಕವಾಗಿ ಜೋಡಿಸಿಡಿ. ಇದರಿಂದ ಅವುಗಳನ್ನು ನೋಡಿದಾಗಲೆಲ್ಲ ನೆನಪು ಸದಾ ಹಸಿರಾಗಿರುತ್ತದೆ.
ಪುಸ್ತಕವನ್ನು ಉತ್ತಮವಾದ ರೀತಿಯಲ್ಲಿ ನಿರ್ವಹಣೆ ಆಡುವುದು ಕೂಡ ಒಂದು ಕಲೆಯಾಗಿದೆ. ಸಾಧ್ಯವಾದರೆ ಆಯಾಯ ಸಾಲಿನ ಮೇಲೆ ಹೆಸರನ್ನು ಪ್ರತ್ಯೇಕವಾಗಿ ದೊಡ್ಡದಾಗಿ ಬರೆದರೆ ಬೆಸ್ಟ್. ಕಪಾಟಿನಲ್ಲಿ ಈ ರೀತಿಯಾಗಿ ಜೋಡಿಸಿದರೆ ಮಾತ್ರ ಹಾಳಾಗದಂತೆ ಕಾಪಾಡಿಕೊಂಡು ಹೋಗಬಹುದು.