ಮನಸ್ಸು ಹಾಗೂ ದೇಹ ಸದಾ ಉಲ್ಲಸಿತವಾಗಿರಬೇಕು ಅಂದರೆ ತೆಗೆದುಕೊಳ್ಳುವ ಆಹಾರ, ವ್ಯಾಯಾಮ ಪ್ರಮುಖ ಪಾತ್ರವಹಿಸುತ್ತದೆ. ಪ್ರತಿ ದಿನ ಬೆಳಗಿನ ಹೊತ್ತು ಎರಡು ಗಂಟೆಗಳ ಕಾಲ ಜಿಮ್‌ನಲ್ಲಿ ದೇಹ ದಂಡಿಸುತ್ತೇನೆ. ಹೆಚ್ಚಾಗಿ ತೋಳು, ಕಾಲಿಗೆ ಸಂಬಂಧಪಟ್ಟ ವರ್ಕೌಟ್‌ಗಳನ್ನು ಮಾಡುತ್ತೇನೆ. ಸಮರ್ಪಕ ವಿಧಾನದ ಡಯಟ್‌ ಪಾಲಿಸುತ್ತೇನೆ.
ಯಮಿತವಾಗಿ ಡಯಟ್‌ ಆಹಾರ ಸೇವಿಸುತ್ತೇನೆ. ಈಗ ಸದ್ಯ ಚಪಾತಿ ಜತೆಗೆ ತರಕಾರಿಯನ್ನು ತಿನ್ನುತ್ತಿದ್ದೇನೆ. ತರಕಾರಿಯನ್ನು ಹದವಾಗಿ ಬೇಯಿಸಿಕೊಂಡು ಬೆಳಗ್ಗೆ ಮತ್ತು ರಾತ್ರಿ ಎರಡು ಹೊತ್ತು ತಿನ್ನುತ್ತೇನೆ. ಜತೆಗೆ ಬೇಯಿಸಿದ ಚಿಕನ್‌, ಎಗ್‌ವೈಟ್‌, ಫಿಶ್‌ ಹೀಗೆ ನನ್ನ ಡಯಟ್‌ ನಾಲ್ಕೈದು ಸಲ ಬದಲಾಗಿದೆ. ಸೇಬು ಮತ್ತಿತರ ಹಣ್ಣುಗಳನ್ನು ನಿತ್ಯ ತೆಗೆದುಕೊಳ್ಳಲೇಬೇಕು. ದೇಹ ಯಾವ ರೀತಿಯ ಆಕಾರ ತಳೆಯುತ್ತದೆಯೋ ಹಾಗೆ ಡಯಟ್‌ ಕೂಡಾ ಬದಲಾಗುತ್ತದೆ. ರೈಸ್‌ ಹಾಗೂ ಮೈದಾದಿಂದ ಸ್ವಲ್ಪ ದೂರವೇ ಇರುತ್ತೇನೆ. ನನ್ನ ಫೇವರೆಟ್‌ ವರ್ಕೌಟ್‌ ಎಂದರೆ ಬೈಸಿಫ್ಸ್‌ ಮಾಡುವುದು. ಅದನ್ನು ಎಷ್ಟು ಗಂಟೆಯಾದರೂ ಮಾಡುತ್ತೇನೆ ಎನ್ನುತ್ತಾರೆ ನಟ ಹಾಗೂ ನಿರ್ದೇಶಕ ವಿಕಾಸ್‌.