ಯುನೈಟೆಡ್ ನೇಷನ್ ಇಂಟರ್ನ್ಯಾಷನಲ್ 2016 ಕ್ರೌನ್ ಮುಡಿಗೇರಿಸಿಕೊಂಡಿರುವ ಅಮೃತ್ ಕಲೇರ್ ದೀಪಾವಳಿಯನ್ನು ಸಡಗರ ಸಂಭ್ರಮದಿಂದ ಆಚರಿಸುತ್ತಾರಂತೆ.
- ಶೀಲಾ ಸಿ. ಶೆಟ್ಟಿ
ನಾವು ಎಷ್ಟೇ ಮಾಡರ್ನ್ ಆಗಿದ್ದರೂ ದೀಪಾವಳಿಯನ್ನು ಮಾತ್ರ ತೀರಾ ಟ್ರಡಿಷನಲ್ ಟಚ್ ಕೊಟ್ಟು ಆಚರಿಸುತ್ತೇವೆ ಎಂದಿದ್ದಾರೆ ಯುನೈಟೆಡ್ ನೇಷನ್ ಇಂಟರ್ನ್ಯಾಷನಲ್ 2016 ಅಮೃತ್ ಕಲೇರ್.
ಫ್ಯಾಮಿಲಿ ಜೊತೆ ಆಚರಣೆ
ನಾರ್ತ್ ಇಂಡಿಯನ್ ಆಗಿರುವ ಅಮೃತ್ ಕಲೇರ್ ಇಲ್ಲಿಯೇ ನೆಲೆಸಿದ್ದು ಇದೀಗ ಬೆಂಗಳೂರಿಗರೇ ಆಗಿದ್ದಾರೆ. ನಾನಾ ಪೆಜೇಂಟ್ಗಳಲ್ಲಿ ಭಾಗವಹಿಸಿ ಹಲವಾರು ಕ್ರೌನ್ಗಳನ್ನು ಗೆದ್ದುಕೊಂಡಿರುವ ಅಮೃತ್, ಪ್ರತಿ ಹಬ್ಬಗಳನ್ನು ಫ್ಯಾಮಿಲಿಯೊಂದಿಗೆ ಆಚರಿಸುತ್ತಾರಂತೆ. ಸ್ನೇಹಿತರ ಮನೆಗೆ ತೆರಳಿ ಗಿಫ್ಟ್ ನೀಡುತ್ತಾರಂತೆ.
ದೀಪಾವಳಿ ಮನೆಯವರೆಲ್ಲರನ್ನೂ ಒಟ್ಟುಗೂಡಿಸುತ್ತದೆ. ಜೊತೆಗೆ ನಾನಾ ಬಗೆಯ ಸಿಹಿತಿನಿಸನ್ನು ಸವಿಯಲು ಅವಕಾಶ ಮಾಡಿಕೊಡುತ್ತದೆ. ಒಂದೊಂದು ರಾಜ್ಯದಲ್ಲೂ ಒಂದೊಂದು ಬಗೆಯ ದೀಪಾವಳಿ ಆಚರಿಸುತ್ತಾರೆ. ನಮ್ಮ ಸಂಸ್ಕೃತಿ ಹಾಗೂ ಕಲ್ಚರ್ಗೆ ಈ ಹಬ್ಬ ಹಿಡಿದ ಕೈಗನ್ನಡಿ ಎನ್ನುತ್ತಾರೆ.
ಸೇಫ್ ಪಟಾಕಿ
ನಾವು ಪಟಾಕಿ ಹೊಡೆಯುತ್ತೇವೆ. ಆದರೆ, ಸೇಫಾಗಿ ಹಚ್ಚಬಲ್ಲವಂತವನ್ನು ಹಚ್ಚುತ್ತೇವೆ. ಓದುಗರು ಅಷ್ಟೇ ಆದಷ್ಟೂ ಸೇಫಾಗಿ ಹಚ್ಚಬಹುದಾದಂತಹ ಪಟಾಕಿಯನ್ನೇ ಬಳಸಿ. ಪರಿಸರ ಮಾಲಿನ್ಯವಾಗದಂತೆ ಹಬ್ಬ ಆಚರಿಸಿರಿ ಎನ್ನುತ್ತಾರೆ ಅಮೃತ್.
ಹೆಚ್ಚುವ ಸಂಭ್ರಮ
ಮನೆಯಲ್ಲಿ ನಾನಾ ಬಗೆಯ ದೀಪಗಳನ್ನು ಸಾಲು ಸಾಲಾಗಿ ಜೋಡಿಸಿಡುತ್ತೇವೆ. ಮನೆ ಇಡೀ ಬೆಳಕಿನ ಅರಮನೆಯಾಗುತ್ತದೆ. ದೀಪಗಳನ್ನು ಜೋಡಿಸುವವರು ಆದಷ್ಟೂ ಸುರಕ್ಷಿತವಾಗಿ ಅಲಂಕರಿಸುವುದು ಬೆಸ್ಟ್ ಎಂದು ಮಾತು ಮುಗಿಸುತ್ತಾರೆ ಅಮೃತ್.