-ನಂದಿನಿ.ಕೆ.ಎಲ್
ಹಬ್ಬದಲ್ಲಿ ಮನೆಯನ್ನು ಅಲಂಕರಿಸಿದಾಗ ಮಾತ್ರ ಸೊಬಗು ಹೆಚ್ಚುವುದಲ್ಲದೇ ಆಕರ್ಷಣೀಯವಾಗಿ ಕಾಣುತ್ತದೆ. ಮಾರುಕಟ್ಟೆಗೆ ಬಗೆ ಬಗೆಯ ಕಲರ್ಫುಲ್ ಹೂಗಳು ಲಗ್ಗೆ ಇಟ್ಟಿದೆ. ಇವುಗಳಿಂದ ಮನೆಯನ್ನು ಸುಂದರಗೊಳಿಸಿ ಅಲಂಕರಿಸಲು ಮುಂದಾಗಿ.
*ಮಲ್ಟಿ ಫ್ಲವರ್ಸ್ ತೋರಣ
ವಿವಿಧ ಬಗೆ ಬಗೆಯ ಹೂಗಳನ್ನು ಒಳಗೊಂಡ ತೋರಣವನ್ನು ಮನೆಯ ಬಾಗಿಲಿಗೆ ಅಳವಡಿಸಿದಾಗ ತುಂಬಾ ಆಕರ್ಷಣೀಯವಾಗಿ ಕಾಣುತ್ತದೆ. ಅಲ್ಲದೇ ಇವುಗಳು ನೋಡಲು ಕೂಡ ಚೆನ್ನಾಗಿ ಕಾಣುತ್ತದೆ. ಅದರ ಒಟ್ಟಿಗೆ ಹಬ್ಬದ ಸಂಭ್ರಮವು ಕೂಡ ದುಪ್ಪಟ್ಟಾಗುತ್ತದೆ. ಮನೆಯ ಮುಂದಿನ ಬಾಗಿಲಿಗೆ ಹಾಕಿದರೆ ಸೂಕ್ತ.
* ಮಾವಿನ ಎಲೆಯ ಜೊತೆ ಹೂಗಳು
ಆರ್ಟಿಫಿಶಿಯಲ್ ಮಾವಿನ ಎಲೆಯ ಜೊತೆಗೆ ಚೆಂಡು ಹೂ, ಗುಲಾಬಿ ಸೇರಿದಂತೆ ತೋರಣಗಳು ಮಾರುಕಟ್ಟೆಗೆ ಆಗಮಿಸಿವೆ. ಇದನ್ನು ಕೂಡ ಮನೆಯ ಮುಂದಿನ ಮತ್ತು ಹಿಂದಿನ ಬಾಗಿಲಿಗೆ ಹಾಕಿದಾಗ ಉತ್ತಮವಾಗಿ ಕಾಣುವುದಲ್ಲದೇ ಸೊಬಗನ್ನು ಕೂಡ ಹೆಚ್ಚಿಸುತ್ತದೆ. ಆರ್ಟಿಫಿಶಿಯಲ್ ಹೂಗಳು ಎಲ್ಲಾ ಕಾಲದಲ್ಲಿಯೂ ಬಳಸಲು ಲಭ್ಯ.
*ದೇವರ ಪೂಜೆಗೆ ವಿಶೇಷ ಹೂಗಳು
ಹಬ್ಬದಲ್ಲಿ ದೇವರ ಕೋಣೆಯನ್ನು ಅಲಂಕರಿಸುವುದೇ ಒಂದು ಸೊಬಗು. ಆರ್ಟಿಫಿಷಿಯಲ್ ಹೂಗಳಾದ ಕನಕಾಂಬರ, ದಾಸವಾಳದ ಜೊತೆ ಅಲಂಕರಿಸಿ. ವಿವಿಧ ಹೂಗಳಿಂದ ತಯಾರಿಸಿದ ಹಾರಗಳು ಕೂಡ ಸುಗುವುದರಿಂದ ದೇವರ ಕೋಣೆಯು ಮಿನುಗುತ್ತದೆ.
* ಕಲರ್ಫುಲ್ ಹೂವಿನ ಹಾರಗಳು
ಸಂಕ್ರಾಂತಿಯಲ್ಲಿ ಮನೆಗೆ ಯಾವ ಕಡೆ ಬೇಕು, ಅಲ್ಲಿ ಅಳವಡಿಸಲು ವೈವಿಧ್ಯಮಯ ಹೂಗಳಿಂದ ತಯಾರಿಸಿದ ಕಲರ್ಫುಲ್ ಹಾರಗಳು ದೊರೆಯುತ್ತವೆ. ಡೈನಿಂಗ್, ಕಿಚನ್, ಹಾಲ್ನಲ್ಲಿ ಎಲ್ಲಿಬೇಕಾದರೂ ಹಾಕಬಹುದು. ಗೋಡೆಗೂ ಕೂಡ ಬೇರೆ ಬೇರೆ ಬಣ್ಣಗಳಿಂದ ಕೂಡಿದ ಹೂವಿನ ಹಾರವನ್ನು ಹಾಕಿದಾಗ ತುಂಬಾ ಸುಂದರವಾಗಿ ಕಾಣುತ್ತದೆ.
*ಸಿಂಗಲ್ ಫ್ಲವರ್ಸ್
ಆರ್ಟಿಫಿಷಿಯಲ್ ಹೂಗಳು ಒಂದೊಂದೇ ಬಿಡಿ ಬಿಡಿಯಾಗಿ ಸಿಗುತ್ತದೆ. ಟೇಬಲ್ ಮೇಲೆ ಅಲಂಕರಿಸಿದಾಗ ಮನೆಗೆ ಬಂದ ಅತಿಥಿಗಳು ನಿಮ್ಮ ಕ್ರಿಯೇಟಿವಿಟಿಯನ್ನು ಮೆಚ್ಚುತ್ತಾರೆ. ಸಿಂಗಲ್ ಹೂಗಳನ್ನು ಎಲ್ಲಿ ಬೇಕಾದರೂ ಹಾಕಬಹುದು. ಈ ಸಲದ ಸಂಕ್ರಾಂತಿಗೆ ವೈವಿಧ್ಯಯತೆಯಿಂದ ಕೂಡಿದ ಡಿಫರೆಂಟ್ ಹೂಗಳನ್ನು ಬಳಸಿ. ಮನೆಯನ್ನು ಅಲಂಕರಿಸಿದಾಗ ಸಂಭ್ರಮದ ಜೊತೆಗೆ ಸೊಬಗು ಕೂಡ ಹೆಚ್ಚಾಗುತ್ತದೆ.