ಆ್ಯಪ್ನಗರ

ಜೀವನದಲ್ಲಿ ಗೆಲ್ಲಲು ರಮೇಶ್ ಹೇಳಿದ ಸೂತ್ರವೇನು?

'ಮನುಷ್ಯ ಸೋಲಿಗೆ ಹೆದರಿದರೆ, ಜೀವದಲ್ಲಿ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. ಪ್ರತಿ ಕ್ಷಣವೂ ಉತ್ತಮ ವ್ಯಕ್ತಿತ್ವ, ಚಿಂತನೆಗಳನ್ನು ರೂಢಿಸಿಕೊಂಡರೆ ಗೆಲವು ಕಟ್ಟಿಟ್ಟ ಬುತ್ತಿ,' ಎಂದು ನಟ ರಮೇಶ್ ಅರವಿಂದ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

Vijaya Karnataka Web 10 Apr 2017, 6:48 pm
ಬೆಂಗಳೂರು: 'ಮನುಷ್ಯ ಸೋಲಿಗೆ ಹೆದರಿದರೆ, ಜೀವದಲ್ಲಿ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. ಪ್ರತಿ ಕ್ಷಣವೂ ಉತ್ತಮ ವ್ಯಕ್ತಿತ್ವ, ಚಿಂತನೆಗಳನ್ನು ರೂಢಿಸಿಕೊಂಡರೆ ಗೆಲವು ಕಟ್ಟಿಟ್ಟ ಬುತ್ತಿ,' ಎಂದು ನಟ ರಮೇಶ್ ಅರವಿಂದ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
Vijaya Karnataka Web ramesh aravinds success story
ಜೀವನದಲ್ಲಿ ಗೆಲ್ಲಲು ರಮೇಶ್ ಹೇಳಿದ ಸೂತ್ರವೇನು?


ಸ್ಟಾರ್ಟ್ ಅಪ್ ಕಂಪನಿಯೊಂದರಲ್ಲಿ ಯುವ ಉದ್ಯಮಿಗಳನ್ನು ಉದ್ದೇಶಿಸಿ ಮಾತನಾಡಿರುವ ವೀಡಿಯೋವನ್ನು ರಮೇಶ್ ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ಶೇರ್ ಮಾಡಿಕೊಂಡಿದ್ದು, ವೈರಲ್ ಆಗಿದೆ.

ಅವರ ಗೆಲುವಿನ ಸೂತ್ರವೇನು?

- ನೀವು ಏನಾದರೂ ಎಸೆದರೆ, ಅದು ಬೌನ್ಸ್ ಆಗುತ್ತೆ. ಅದಕ್ಕೆ ಜನರಿಗೆ ಸದಾ ಒಳ್ಳೆಯವರಾಗಿರಿ. ಒಳ್ಳೆಯದನ್ನೇ ಮಾಡಿದಾಗ ನಮಗೂ ಿಒಳ್ಳೆಯದೇ ಆಗುತ್ತೆ.

- ಏನೇ ಮಾಡಿದರೂ ಅದನ್ನು ಮತ್ತಷ್ಟೂ ಉತ್ತಮವಾಗಿ ಮಾಡಲು ಅವಕಾಶ ಇರುತ್ತೆ. ಇಂದು ನೀವಿರುವುದಕ್ಕಿಂತ ಮತ್ತಷ್ಟು ಒಳ್ಳೆಯವರಾಗಬೇಕು. ಜೀವನದಲ್ಲಿ, ಕೆಲಸದಲ್ಲಿ ಅತ್ಯುತ್ತಮವಾದದ್ದನ್ನೇ ಮಾಡೋದನ್ನು ರೂಢಿಸಿಕೊಳ್ಳಬೇಕು. ನಂತರ ಯಶಸ್ಸು ನಿಮ್ಮನ್ನು ಹುಡುಕಿಕೊಂಡು ಬರುತ್ತದೆ.

- ನನ್ನನ್ನು ಯಾರಿಗೆ ಥ್ಯಾಂಕ್ಸ್ ಹೇಳಲಿಕ್ಕೆ ಇಷ್ಟಪಡುತ್ತೀರಾ ಎಂದು ಕೇಳಿದರೆ, 'ಯುವಕ ರಮೇಶ್'ಗೆ. ಆಗಲೇ ನಾನು ಪುಸ್ತಕಗಳನ್ನುಓದಲು ಆರಂಭಿಸಿದೆ. ಕೆಲಸಕ್ಕೆ ಬದ್ಧನಾಗಿರಲು ಶುರು ಮಾಡಿದೆ. ಅದರಿಂದಲೇ ಯಶಸ್ಸು ನನ್ನನ್ನು ಹುಡುಕಿಕೊಂಡು ಬಂತು.

- ಬ್ಯಾಂಕಿನಿಂದ ಸಾಲ ತೆಗೆದುಕೊಂಡರೆ, ತೀರಿಸಬಹುದೆಂಬ ಭರವಸೆ ನಿಮಗಿರುತ್ತದೆ. ಅದಕ್ಕೆ ತಕ್ಕ ಮನಸ್ಸು ಹಾಗೂ ದೇಹವನ್ನು ಶಕ್ತವನ್ನಾಗಿ ಇಟ್ಟುಕೊಳ್ಳಬೇಕು. ನಿಮ್ಮಲ್ಲಿರುವ ಪ್ರತಿಭೆಯನ್ನು ಬಳಸಿಕೊಳ್ಳಿ, ಒಳಗಿರುವ ಪ್ರತಿಭೆಯನ್ನು ಅನಾವರಣಗೊಳಿಸಲು ತಕ್ಷಣವೇ ಈ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತರಾಗಿ.

- ಯಾವುದರಿಂದಲೂ ತಪ್ಪಿಸಿಕೊಳ್ಳಲು ಯತ್ನಿಸಬೇಡಿ. ಜೀವನದಲ್ಲಿ ಬೀಳಬಹುದು. ಆದರೆ, ಎಲ್ಲಿ ಬೀಳ್ತಿರೋ, ಅಲ್ಲಿಯೇ ಎದ್ದು ಬಿಡಬೇಕು.. ಅದು ಜೀವನದಲ್ಲಿ ಯಶಸ್ಸಿನ ಮೆಟ್ಟಿಲೇರಲು ಸಹಕರಿಸುತ್ತದೆ.

- ಎಲ್ಲ ಸಮಯದಲ್ಲಿಯೂ ಸೋಲಲು ಆಗುವುದಿಲ್ಲ. ಸದಾ ಕಾರ್ಯಪ್ರವೃತ್ತರಾಗಿರಬೇಕು. ಆಗ ಗೆಲವು ನಮ್ಮದಾಗುತ್ತದೆ. ಸೋಲಿಗೆ ಯಾವಾಗಲೂ ಹೆದರಲೇ ಬೇಡಿ. ನನ್ನ ಎಲ್ಲ ಸಿನಿಮಾಗಳು ಹಿಟ್ ಆಗಿಲ್ಲ. ಹಾಗಂತ ನಾನು ಸಿನಿಮಾಗಳಲ್ಲಿ ನಟಿಸುವುದನ್ನು, ನಿರ್ದೇಶಿಸುವುದನ್ನು ಬಿಟ್ಟಿಲ್ಲ. ಗೆಲುವು ಸದಾ ಸಿಗುವುದಿಲ್ಲ. ಅದೂ ಸಿಗದೆಯೂ ಇರುವುದಿಲ್ಲ.

- ಎಲ್ಲ ಸಮಯದಲ್ಲಿಯೂ ಗೆಲುವಿನ ಹಾಗೂ ನಂಬಿಕೆಯ ಪದರುಗಳ್ನು ರಚಿಸಿಕೊಳ್ಳುತ್ತಿರಬೇಕು. ಕೆಲಸ, ವ್ಯಕ್ತಿತ್ವ, ಚಿಂತನೆಯಲ್ಲಿ ಪ್ರತಿ ಕ್ಷಣವೂ ಭರವಸೆಗಳನ್ನು ಈಡೇರಿಸಿ. ನಂತರ ನೀವು ಬಯಸಿದ್ದೆಲ್ಲವೂ ಜೀವನದಲ್ಲಿ ಸಿಗುತ್ತದೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ