- ಶೀಲಾ
ಇಂಡಿಯನ್‌ ಲುಕ್‌ ನೀಡುವ ಹುಡುಗರು ಧರಿಸಬಹುದಾದ ಬಂಗಾರದ ಸ್ಟಡ್ಸ್‌ ಇಂದು ನಾನಾ ವೆರೈಟಿಯಲ್ಲಿ ಲಭ್ಯ.
ಸ್ಟಡ್ಸ್‌, ರಿಂಗ್ಸ್‌, ಹೂಫ್ಸ್‌, ಫಂಕಿ-ಫಂಕ್‌ ಇಯರಿಂಗ್ಸ್‌ , ಸ್ಟ್ರಿಂಗ್‌ ರಿಂಗ್ಸ್‌ ಇವೆಲ್ಲಾ ಫ್ಯಾಷನ್‌ಲೋಕದ ರಿಂಗ್ಸ್‌ ಹಾಗೂ ಸ್ಟಡ್ಸ್‌. ತಾತ್ಕಾಲಿಕ ಹಾಗೂ ಪರ್ಮನೆಂಟ್‌ ಸ್ಟಡ್ಸ್‌ ಕಿವಿ ಮಾತ್ರವಲ್ಲ, ಕಣ್ಣ ಹುಬ್ಬಿನ ನಡುವೆಯೂ ಸ್ಥಾನ ಗಿಟ್ಟಿಸಿಕೊಂಡಿವೆ.
ಮಹಾರಾಜರ ಕಾಲದ್ದು
ಪುರುಷರು ಕಿವಿಗೆ ಓಲೆ, ರಿಂಗ್‌ ಹಾಕುವ ರಿವಾಜು ಇಂದು-ನಿನ್ನೆಯದ್ದಲ್ಲ, ಈಜಿಪ್ಟ್‌ ಹಾಗೂ ಭಾರತೀಯ ಮೂಲದ ರಜಪೂತ್‌, ಮೈಸೂರು ಮಹಾರಾಜರು ಸೇರಿದಂತೆ ರಾಯಲ್‌ ಫ್ಯಾಮಿಲಿಯ ಪ್ರತಿಷ್ಠೆಯ ಸಂಕೇತವಾಗಿದೆ. ಇದೀಗ ಮತ್ತೊಮ್ಮೆ ಬಂಗಾರದ ಕಿವಿಯ ಒಲೆಗಳು ಪುರುಷರ ಕಿವಿ ಸೇರಿರುವುದು ಫ್ಯಾಷನ್‌ ಟ್ರೆಂಡ್‌ ಆಗಿರುವುದು ಅಚ್ಚರಿಯ ವಿಷಯವೇನಲ್ಲ!
ಪುರುಷರು ಧರಿಸಬಹುದಾದ ಸ್ಟಡ್ಸ್‌, ಇಯರಿಂಗ್ಸ್‌ ಎಲ್ಲ ಬಗೆಯ ವಿನ್ಯಾಸ, ಆಕಾರ, ಬಣ್ಣಗಳಲ್ಲಿ ಲಭ್ಯ. ಇವುಗಳಲ್ಲಿ 92.5 ಪರ್ಸೆಂಟ್‌ ಸ್ಟೆರ್ಲಿಂಗ್‌ ಸಿಲ್ವರ್‌ನಲ್ಲೂ ದೊರೆಯುತ್ತವೆ. ಸುಮಾರು 100 ರೂ. ಗಳಿಂದ 400 ರೂ. ಗಳವರೆಗೆ ಇವುಗಳ ಬೆಲೆಯಿದೆ.