ಟ್ರೆಂಡಿಯಾದ ಟೀನೇಜ್‌ ಟ್ವಿಂಕಲ್ಸ್‌

ಟೂತ್‌ ಟ್ವಿಂಕಲ್‌ ಫ್ಯಾಷನ್‌ ಲೋಕದಲ್ಲಿ ಟ್ರೆಂಡಿಯಾಗಿದೆ. ನಿಮ್ಮ ನಗುವಿನ ಸೌಂದರ್ಯವನ್ನು ಹೆಚ್ಚಿಸುವ ಇವುಗಳ ಬಗ್ಗೆ ಇಲ್ಲಿದೆ ವಿವರ.

- ನಂದಿನಿ.ಕೆ.ಎಲ್‌ ಗೌಡ

ಟೂತ್‌ ಆಭರಣ ಟ್ವಿಂಕಲ್ಸ್‌ ಇತ್ತೀಚಿನ ಮಾಡರ್ನ್‌ ಹೆಣ್ಣುಮಕ್ಕಳ ಮನಗೆದ್ದಿದೆ. ನಕ್ಕಾಗ ಮತ್ತಷ್ಟು ನಗುವನ್ನು ಸುಂದರಗೊಳಿಸಿ, ಮಂದಹಾಸವನ್ನು ಇದು ಮೆರಗುಗೊಳಿಸುತ್ತದೆ. ಹೊಸ ಲುಕ್‌ ಕೊಡುವುದಲ್ಲದೇ ನೋಡುಗರನ್ನು ಕೂಡ ಆಕರ್ಷಿಸಿ ನಿಮ್ಮತ್ತ ಸೆಳೆಯುತ್ತದೆ. ಟ್ವಿಂಕಲ್ಸನ್ನು ನಮಗೆ ಬೇಡವೆಂದಾಗ ತೆಗೆದು, ಬೇಕಾದಾಗ ಪುನಃ ಹಾಕಿಸಿಕೊಳ್ಳಬಹುದು. ಕೆಲವೊಂದನ್ನು ಹಲ್ಲಿನ ಮೇಲೆ ನಾವೇ ಸ್ವತಃ ಅಂಟಿಸಿಕೊಳ್ಳಬಹುದು.

ಮೌತ್‌ ಸ್ಟ್ರಕ್ಚರ್‌ಗೆ ತಕ್ಕಂತೆ

ಅವರವರ ತುಟಿ, ಹಲ್ಲಿನ ಆಕಾರಕ್ಕೆ ತಕ್ಕಂತಹ ಟ್ವಿಂಕಲ್ಸನ್ನು ಹಾಕಿಸಿಕೊಳ್ಳಬೇಕು. ಸಣ್ಣ ಹಲ್ಲಿರುವವರು ಸಣ್ಣಗಿರುವ ಡೈಮಂಡ್‌ ಆಕಾರದ ಟ್ವಿಂಕಲ್‌ ಸೂಟ್‌ ಆಗುತ್ತದೆ. ಅಗಲವಾದ ಬಾಯಿ ಮತ್ತು ಹಲ್ಲು ಹೊಂದಿದವರಿಗೆ ಸ್ವಲ್ಪ ದಪ್ಪಗಿರುವ ಸ್ಟಾರ್‌ ಆಕಾರದ ಟ್ವಿಕಂಲ್ಸ್‌ ಓಕೆ. ಎರಡು ಹಲ್ಲುಗಳಿಗೆ ಸೆಟ್‌ ಮಾಡಿಕೊಂಡರೆ ಇನ್ನು ಉತ್ತಮ ಮೆರಗು ನೀಡುತ್ತದೆ. ಬೇಕಾದರೆ ಒಂದೇ ಬದಿ, ಇಲ್ಲವಾದರೆ ಎರಡು ಬದಿಯಲ್ಲಿ ಬೇರೆ ಬೇರೆ ಟ್ವಿಂಕಲ್ಸ್‌ ಹಾಕಿಸಿಕೊಳ್ಳಬಹುದು.

ಕಲರ್‌ಫುಲ್‌ ನಗು

ಬಿಡಿ ಬಿಡಿಯಾದ ಹಲ್ಲಿನವರು ವಿವಿಧ ಬಣ್ಣದಿಂದ ಕೂಡಿದ ಟಿಂಕಲ್ಸ್‌ ಉತ್ತಮ. ಏಕೆಂದರೆ ಹಲ್ಲು ಬಿಡಿಯಾಗಿರುವುದರಿಂದ ನಕ್ಕಾಗ ಬಣ್ಣದ ಟಿಂಕಲ್ಸ್‌ ಎದ್ದು ಹೊಳಪಿನಿಂದ ಕಾಣಿಸುವುದು. ತಮ್ಮಿಷ್ಟದಂತೆ ಯಾವ ಹಲ್ಲಿಗಾದರೂ ಸೆಟ್‌ಮಾಡಿಕೊಳ್ಳಬಹುದು.ಒಂದಕ್ಕಿಂತ ಹೆಚ್ಚು ಹಾಕಿಕೊಂಡರೆ ಅಷ್ಟೊಂದು ಲುಕ್‌ ಕಾಣುವುದಿಲ್ಲ. ಮಲ್ಟಿ ಕಲರ್‌, ಪಿಂಕ್‌, ಗೋಲ್ಡ್‌, ಸಿಲ್ವರ್‌ ವಿವಿಧ ಬಣ್ಣದ ಟ್ವಿಂಕಲ್ಸ್‌ ಬೆಸ್ಟ್‌.

ಓರೆಕೋರೆ ಹಲ್ಲಿನವರು ವೃತ್ತಾಕಾರದ ಟ್ವಿಂಕಲ್ಸನ್ನು ಮುಂದಿರುವ ನಾಲ್ಕು ಹಲ್ಲಿನಲ್ಲಿ ಒಂದಕ್ಕೆ ಹಾಕಿಸಿಕೊಂಡರೆ ಉತ್ತಮ. ಬಣ್ಣವು ಸಾಧ್ಯವಾದಷ್ಟು ಸಿಲ್ವರ್‌ ಕಲರ್‌ ಚೂಸ್‌ ಮಾಡಿದರೆ ನಕ್ಕಾಗ ಹೊಳೆಯುತ್ತದೆ.

ಡೆಂಟಲ್‌ ಬ್ಯೂಟಿ ವೈದ್ಯರ ಸಲಹೆ ಪಡೆದರೆ ಬೆಸ್ಟ್‌.ಇದರಿಂದ ಹಲ್ಲುಗಳಿಗೆ ಯಾವುದೇ ರೀತಿಯ ಕೆಟ್ಟಪರಿಣಾಮ ಬೀರುವುದಿಲ್ಲ. ಬಿಗ್‌ ಲಿಫ್ಸ್‌ಗೆ ಎಲ್ಲ ತರದ ಟ್ವಿಂಕಲ್ಸ್‌ ಸೂಟ್‌ ಆಗುತ್ತದೆ. ಸ್ಮಾಲ್‌ ಲಿಫ್ಸ್‌ಗೆ ಆದಷ್ಟು ಸಣ್ಣ ವೃತ್ತಾಕಾರದ ಅಥವಾ ಡೈಮೆಂಡ್‌ ಶೇಪ್‌ ಉತ್ತಮ. ಚಂದ್ರ, ನಕ್ಷತ್ರ, ವೃತ್ತ, ವಜ್ರ, ಚೇಳು, ಹೃದಯ, ಡಾಲಿಧಿನ್‌, ಸ್ಕಾರ್ಪಿಯೋ ಮುಂತಾದ ಆಕಾರಗಳ ಟ್ವಿಂಕಲ್ಸ್‌ ಆಯ್ಕೆ ಮಾಡಿಕೊಳ್ಳಬಹುದು.

ಸಲಹೆಗಳು

-ಟ್ವಿಂಕಲ್ಸ್‌ ಡೆಂಟಲ್‌ ವೈದ್ಯರ ಸಲಹೆಯ ಮೇರೆಗೆ ಹಾಕಿಸಿಕೊಂಡರೆ ಉತ್ತಮ. ನಮಗೆ ಯಾವ ರೀತಿ ಸೆಟ್‌ ಆಗುತ್ತದೆಂದು ತಿಳಿಯುತ್ತದೆ.

- ಇದನ್ನು ಹಾಕಿಸಿಕೊಂಡ ನಂತರ ಹರಳಿನ ಸುತ್ತ ಯಾವುದೇ ರೀತಿಯ ಕಲೆ ಇರುವುದಿಲ್ಲ. ಇದಕ್ಕೆ ಹೆದರುವ ಅವಶ್ಯಕತೆಯು ಇಲ್ಲ.

-ನಿಮ್ಮ ವಸಡು, ಹಲ್ಲಿನ ಮೇಲೆ ಯಾವುದೇ ಬಗೆಯ ಕೆಟ್ಟ ಪರಿಣಾಮ ಬೀರುವುದಿಲ್ಲ.

-ಟ್ವಿಂಕಲ್ಸ್‌ ಹಾಕಿಕೊಂಡ ಹಲ್ಲಿನಿಂದ ಗಟ್ಟಿಯಾದ ಪದಾರ್ಥವನ್ನು ಜಗಿದರೆ ಉದುರಿ ಹೋಗುವ ಅನಿವಾರ್ಯತೆ ಇದೆ. ಹಾಗಾಗಿ ತಿನ್ನುವಾಗ ಆ ಹಲ್ಲಿನ ಮೇಲೆ ಬಲಕೊಟ್ಟು ಯಾವುದೇ ಪದಾರ್ಥವನ್ನು ಜಗಿಯಬೇಡಿರಿ.

-ಅದು ಬೇಡ ಎಂದಾಗ ನೀವೇ ಕಿತ್ತು ಹಾಕಲು ಪ್ರಯತ್ನ ಪಡದಿರಿ. ಮುಖದ ಬಣ್ಣ, ಹಲ್ಲಿನ ಆಕಾರ, ತುಟಿಗೆ ತಕ್ಕಂತೆ ಟ್ವಿಂಕಲ್ಸ್‌ ಬಳಸಿ. ಇಲ್ಲವಾದರೆ ಅಂದ ನೀಡುವುದಕ್ಕಿಂತ ಅಸಹ್ಯ ಕಾಣಬಹುದು.

- ಸಾಮಾನ್ಯವಾಗಿ ಎರಡಕ್ಕಿಂತ ಹೆಚ್ಚಿಗೆ ಟ್ವಿಂಕಲ್ಸ್‌ ಹಾಕಿಸಿಕೊಳ್ಳಲು ಹೋಗಬೇಡಿ. ಕಡಿಮೆ ಇದ್ದಷ್ಟು ಚೆಂದ ಕಾಣುತ್ತದೆ.

-ಪ್ರತಿದಿನ ಹಲ್ಲುಜ್ಜುವಾಗ ನಿಧಾನವಾಗಿ ಆ ಹಲ್ಲನ್ನು ಉಜ್ಜಿರಿ. ಜೋರಾಗಿ ಉಜ್ಜಬೇಡಿ. ನಕ್ಕಾಗ ಕಾಣಿಸುವ ಹಲ್ಲುಗಳಿಗೆ ಮಾತ್ರ ಹಾಕಿಸಿಕೊಂಡರೆ ಬೆಸ್ಟ್‌. ಇಲ್ಲವಾದರೆ ಹಿಂಬದಿಯ ಹಲ್ಲಿಗೆ ಹಾಕಿಸಿಕೊಂಡರೆ ಕಾಣಿಸುವುದಿಲ್ಲ.

-ಯಾವುದೇ ಕಾರಣಕ್ಕೂ ಮಕ್ಕಳಿಗೆ ಹಾಕಿಸಬೇಡಿ.ಯಾಕೆಂದರೆ ಅವರಿಗೆ ಯಾವ ರೀತಿ ಮ್ಯಾನೇಜ್‌ ಮಾಡಬೇಕೆಂದು ಗೊತ್ತಾಗುವುದಿಲ್ಲ.

---

ಟೂತ್‌ ಟ್ವಿಂಕಲ್ಸ್‌ : ಟೀತ್‌ ಟ್ವಿಂಕಲ್ಸ್‌ ಅಂದರೆ ಇದು ಒಂದು ಬಗೆಯ ಆಭರಣವಾಗಿದ್ದು. ಮಹಿಳೆಯರು ತಮ್ಮಿಷ್ಟದಂತೆ ಹಲ್ಲುಗಳಿಗೆ ಹಾಕಿಸಿಕೊಳ್ಳುವ ಒಡವೆಯಾಗಿದೆ. ಈ ಜ್ಯುವೆಲ್‌ ಸಣ್ಣ ಮತ್ತು ಹೊಳಪಿನ ಹರಳಿನದಾಗಿದ್ದೂ, ವಿವಿಧ ವಿನ್ಯಾಸ, ಆಕಾರ, ಬಣ್ಣಗಳಿಂದ ಕೂಡಿದೆ. ಅಳವಡಿಸಿಕೊಳ್ಳ ಬಯಸುವವರು ಅವರವರ ಹಲ್ಲಿನ ಗಾತ್ರ, ಆಕಾರ, ಮುಖದ ಬಣ್ಣಕ್ಕೆ ತಕ್ಕಂತೆ ಆಯ್ಕೆ ಮಾಡಿಕೊಂಡರೆ ಬೆಸ್ಟ್‌.