ಸೀಸನ್ಗೆ ತಕ್ಕಂತೆ ನಮ್ಮ ಬ್ಯೂಟಿ ಹಾಗೂ ಫಿಟ್ನೆಸ್ ರೂಟಿನ್ ಬದಲಿಸಿಕೊಳ್ಳಬೇಕು ಎನ್ನುತ್ತಾರೆ ಮಾಡೆಲ್ ಕಮ್ ಬಾಲಿವುಡ್ ನಟಿ ಸ್ನೇಹಾ.
ಅವರ ಪ್ರಕಾರ, ಈ ಸೀಸನ್ನಲ್ಲಿ ಡಯಟ್ ಹೆಸರಲ್ಲಿ ಕ್ಯಾಲೋರಿ ಕಡಿಮೆ ಮಾಡಿಕೊಳ್ಳುವ ನೆಪದಲ್ಲಿ ಆರೋಗ್ಯ ಹಾಳು ಮಾಡಿಕೊಳ್ಳಬಾರದು. ಹೆಲ್ತಿ ಡಯಟ್ ರೂಢಿಸಿಕೊಳ್ಳಬೇಕು ಎನ್ನುತ್ತಾರೆ ಸ್ನೇಹಾ.
ನೀರಂದ್ರೆ ಬ್ಯೂಟಿ
ನೀರು ಎಂಬುದು ಕೇವಲ ಮಾಡಲ್ಗಳಿಗೆ ಮಾತ್ರ ಅಗತ್ಯವಾದ ಡಯಟ್ ಮಂತ್ರವಲ್ಲ, ನೀರು ನಮ್ಮ ಸ್ಕಿನ್ನನ್ನು ಹೊಳೆಯುವಂತೆ ಮಾಡುತ್ತದೆ. ಜೊತೆಗೆ ನೋಡಲು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ. ಸೋ, ಸುಂದರವಾಗಿ ಕಾಣಲು ಬಯಸುವವರು ನೀರನ್ನು ಪ್ರೀತಿಸಬೇಕು. ನೀರನ್ನು ತಮ್ಮ ದಿನನಿತ್ಯದ ಭಾಗವಾಗಿಸಿಕೊಳ್ಳಬೇಕು. ದಿನಕ್ಕೆ ತಮ್ಮ ದೇಹಕ್ಕೆ ಅಗತ್ಯವಿರುವ ನೀರನ್ನು ಕುಡಿಯಬೇಕು. ನೀರಿನ ಜೊತೆಗೆ ಹಣ್ಣಿನ ರಸವನ್ನು ಸೇವಿಸುವ ಅಭ್ಯಾಸವಿದ್ದಲ್ಲಿ ಮತ್ತಷ್ಟು ಓಕೆ. ಇದು ನಮ್ಮ ತ್ವಚೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಅಲ್ಲದೇ, ಈ ಸೀಸನ್ನಲ್ಲಿ ತ್ವಚೆಯಲ್ಲಿ ಬಿರುಕು ಮೂಡದಂತೆ ಕಾಪಾಡುತ್ತದೆ. ದೇಹದ ಉಷ್ಣಾಂಶವನ್ನು ಕಾಪಾಡುತ್ತದೆ ಎನ್ನುತ್ತಾರೆ.
ವಿಂಟರ್ ಫ್ರೂಟ್ ಲವ್
ವಿಂಟರ್ನಲ್ಲಿ ಆದಷ್ಟೂ ಸೀಸನ್ಗೆ ಸೂಟ್ ಆಗುವ ನಾನಾ ಬಗೆಯ ಫ್ರೂಟ್ಗಳು ಆಗಮಿಸುತ್ತವೆ. ವೆರೈಟಿ ಫ್ರೂಟ್ಗಳು ರುಚಿ ರುಚಿಯಾಗಿರುತ್ತವಲ್ಲದೇ, ನಮ್ಮ ಹೆಲ್ತಿ ಡಯಟ್ಗೆ ಸಹಕಾರಿಯಾಗುತ್ತವೆ. ಯಾವುದೇ ಸ್ಕಿನ್ ಪ್ರಾಬ್ಲಂ ಎದುರಿಸಬೇಕಾಗುವುದಿಲ್ಲ ಎಂಬುದು ಸ್ನೇಹಾ ಅಭಿಪ್ರಾಯ.
ಮನಸ್ಸು ಉಲ್ಲಾಸಿತವಾದಾಗ ತಂತಾನೇ ಸೌಂದರ್ಯ ವೃದ್ಧಿಸುತ್ತದೆ.
- ಸ್ನೇಹಾ, ಬಾಲಿವುಡ್ ನಟಿ