ಮನೆ ಖರೀದಿಗೆ ಪ್ಲಾನ್ ಮಾಡಿ
ವೇತನದಾರ ಉದ್ಯೋಗಿಗಳು ತಮ್ಮ ಗಳಿಕೆಯ ಬಹುದೊಡ್ಡ ಅಂಶವನ್ನು ಸೂಕ್ತ ಕಡೆ ಹೂಡಿಕೆ ಮಾಡಿದರೆ ಆಗ ಲಾಭ ಮಾಡಿಕೊಳ್ಳಲು ಸಾಧ್ಯವಿದೆ. ಇದಕ್ಕೆ ಅತ್ಯುತ್ತಮ ಮಾರ್ಗವೆಂದರೆ ಮನೆ ಖರೀದಿ.
Agencies 19 May 2019, 3:18 pm
ಹೊಸ ಹಣಕಾಸು ವರ್ಷ ಆರಂಭವಾಗಿ ಬಹುತೇಕ ಎರಡು ತಿಂಗಳು ಕಳೆದಿದೆ. ಆದಾಯ ತೆರಿಗೆ ವಿನಾಯಿತಿಯನ್ನು ಪಡೆಯಲು ಮನೆ ಖರೀದಿ ಅತ್ಯುತ್ತಮ ಮಾರ್ಗ. ಆದ್ದರಿಂದ ತಡೆ ಮಾಡದೆ ಈಗಲೇ ಈ ಬಗ್ಗೆ ಪ್ಲಾನ್ ಮಾಡಿಕೊಳ್ಳುವುದು ಉತ್ತಮ.
ಹಣಕಾಸು ವರ್ಷ ಆರಂಭವಾಗುತ್ತಿದ್ದಂತೆ ಆದಾಯ ತೆರಿಗೆ ಲೆಕ್ಕಾಚಾರ ಆರಂಭವಾಗುತ್ತದೆ. ಅದರಲ್ಲೂ ಮುಖ್ಯವಾಗಿ ವೇತನದಾರ ಉದ್ಯೋಗಿಗಳು ತಮ್ಮ ಗಳಿಕೆಯ ಬಹುದೊಡ್ಡ ಅಂಶವನ್ನು ಸೂಕ್ತ ಕಡೆ ಹೂಡಿಕೆ ಮಾಡಿದರೆ ಆಗ ಲಾಭ ಮಾಡಿಕೊಳ್ಳಲು ಸಾಧ್ಯವಿದೆ. ಇದಕ್ಕೆ ಅತ್ಯುತ್ತಮ ಮಾರ್ಗವೆಂದರೆ ಮನೆ ಖರೀದಿ. ಆದಾಗ್ಯೂ, ಆತುರಾತುರವಾಗಿ ತೀರ್ಮಾನ ತೆಗೆದುಕೊಳ್ಳದೆ ಸಾಕಷ್ಟು ಪೂರ್ವ ಸಿದ್ಧತೆಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ. ಇದರಿಂದ ಇಡೀ ಖರೀದಿ ಪ್ರಕ್ರಿಯೆ ನೀರು ಕುಡಿದಷ್ಟು ಸುಲಭವಾಗುತ್ತದೆ.
ಉತ್ತಮ ಅವಕಾಶ
ಈಗಾಗಲೇ ಗೃಹ ಸಾಲದ ಮೇಲಿನ ಬಡ್ಡಿ ದರ ದಾಖಲೆ ಮಟ್ಟಕ್ಕೆ ಇಳಿಕೆಯಾಗಿದೆ. ಹಲವು ಬ್ಯಾಂಕುಗಳು ಇನ್ನಷ್ಟು ದರ ಕಡಿತವನ್ನು ಕೆಲವು ದಿನಗಳ ಹಿಂದೆಯಷ್ಟೇ ಘೋಷಿಸಿವೆ. ಒಂದು ವೇಳೆ ಕಡಿಮೆ ಮಾಡದಿದ್ದರೂ, ಈಗಿನ ಬಡ್ಡಿ ದರವೇ ಖರೀದಿಗೆ ಅತ್ಯಂತ ಸೂಕ್ತವಾಗಿದೆ. ನೋಟು ಅಮಾನ್ಯ ಮತ್ತು ಮನೆ ಪೂರೈಕೆ ಸಾಕಷ್ಟಿರುವುದು ಗ್ರಾಹಕರಿಗೆ ಸ್ಪರ್ಧಾತ್ಮಕ ಬೆಲೆಯಲ್ಲಿ ಮನೆ ಸಿಗುವಂತೆ ಮಾಡಿದೆ.
ಇನ್ನು ಸರಕಾರದ ವತಿಯಿಂದ ಅಫರ್ಡೆಬಲ್ ಮನೆ ಕ್ಷೇತ್ರಕ್ಕೆ ಉತ್ತೇಜನ ಸಿಕ್ಕಿದ್ದು, ಕಡಿಮೆ ಬೆಲೆಯ ಮನೆಗಳಿಗೆ ತೆರಿಗೆ ವಿನಾಯಿತಿಯನ್ನು ಘೋಷಿಸಿದೆ. ಆದ್ದರಿಂದ ವಸತಿ ವಿಭಾಗ ಅದರಲ್ಲೂ ಸ್ವಂತ ವಾಸ್ತವ್ಯಕ್ಕೆ ಮನೆ ಖರೀದಿ ಮಾಡುವವರಿಗೆ ಆಕರ್ಷಕ ಬೆಲೆಯಲ್ಲಿ ಮನೆ ಸಿಗುವಂತಾಗಿದೆ. ಇದರ ದೀರ್ಘಾವಧಿ ದೃಷ್ಟಿಕೋನದಿಂದ ಹೂಡಿಕೆ ಮಾಡುವುದಿದ್ದರೂ ಲಾಭದಾಯಕ ಸನ್ನಿವೇಶ ಈಗಿದೆ.
ಹಣಕಾಸು ವ್ಯವಸ್ಥೆ
ಬ್ಯಾಂಕುಗಳು ಮತ್ತು ಗೃಹ ಸಾಲ ನೀಡಿಕೆ ಸಂಸ್ಥೆಗಳು ಅತ್ಯಂತ ದೊಡ್ಡ ಪ್ರಮಾಣದಲ್ಲಿ ಸ್ಪರ್ಧೆಗಿಳಿದಿವೆ. ಪ್ರೊಸೆಸಿಂಗ್ ಶುಲ್ಕ ಇಲ್ಲ, ತ್ವರಿತ ಅನುಮೋದನೆ, ಉಚಿತ ವಿಮೆ ಇತ್ಯಾದಿ ವಿನೂತನ ಯೋಜನೆಗಳನ್ನು ಅವರು ಜನರಿಗೆ ನೀಡಿ ಆಕರ್ಷಿಸುತ್ತಿವೆ. ಒಮ್ಮೆ ಮನೆ ಖರೀದಿ ತೀರ್ಮಾನವನ್ನು ಅಂತಿಮಗೊಳಿಸಿದ ಬಳಿಕ ಹಣದ ವ್ಯವಸ್ಥೆ ಮಾಡಿಕೊಳ್ಳಬೇಕು. ಈಗ ಬ್ಯಾಂಕುಗಳು ಶೇ. 80ರಷ್ಟು ಸಾಲ ನೀಡುತ್ತವೆ.
ಉಳಿದ ಹಣವನ್ನು ಗ್ರಾಹಕರೇ ಹೊಂದಿಸಿಕೊಳ್ಳಬೇಕಾಗುತ್ತದೆ. ಉದಾಹರಣೆ ಪ್ರಾಪರ್ಟಿಯ ರಿಜಿಸ್ಪ್ರೇಷನ್ ವೆಚ್ಚ 25 ಲಕ್ಷ ರೂ.ಗಳಾಗಿದ್ದರೆ, ಬ್ಯಾಂಕು ಕೇವಲ 20 ಲಕ್ಷ ರೂ. ಸಾಲ ಮಾತ್ರ ನೀಡುತ್ತದೆ. ಉಳಿದ 5 ಲಕ್ಷ ರೂ.ವನ್ನು ಗ್ರಾಹಕರೇ ಹೊಂದಿಸಿಕೊಳ್ಳಬೇಕಾಗುತ್ತದೆ. ಇದರ ಹೊರತಾಗಿ ಸ್ಟ್ಯಾಂಪ್ಡ್ಯೂಟಿ, ರಿಜಿಸ್ಪ್ರೇಷನ್ ಶುಲ್ಕ ಮತ್ತಿತರ ವೆಚ್ಚಗಳನ್ನೂ ಗಮನದಲ್ಲಿಟ್ಟುಕೊಳ್ಳಬೇಕು. ಇವುಗಳಲ್ಲದೆ ಮನೆಗೆ ಇತರ ಫಿಕ್ಸ್ಚರ್, ಫಿಟ್ಟಿಂಗ್, ವಿಮೆ ಮೊದಲಾದ ವೆಚ್ಚಗಳೂ ಇರುತ್ತವೆ.
ಸಾಲದ ಅರ್ಹತೆ
ಕೇವಲ ಒಂದು ಬ್ಯಾಂಕಿಗೆ ಮಾತ್ರ ಭೇಟಿ ಕೊಡದೆ ನಾಲ್ಕು-ಐದು ಕಡೆ ಪ್ರಯತ್ನಿಸಬೇಕು. ಜೊತೆಗೆ ನಿಮ್ಮ ಸಾಲದ ಅರ್ಹತೆಯನ್ನು ತಿಳಿದುಕೊಳ್ಳಬೇಕು. ಇದಕ್ಕಾಗಿ ಬೇಕಾದ ಎಲ್ಲಾ ದಾಖಲೆಗಳನ್ನು ಸಿದ್ಧಪಡಿಸಿಟ್ಟುಕೊಳ್ಳಬೇಕು. ಇದು ಗೃಹ ಸಾಲದ ಹೊರತಾಗಿ ಎಷ್ಟು ಹಣ ಬೇಕಾಗುತ್ತದೆ ಎಂಬ ಬಗ್ಗೆ ಸ್ಥೂಲ ಅರಿವು ನೀಡುತ್ತದೆ. ಯಾವಾಗಲೂ ಒಟ್ಟು ವೆಚ್ಚದ ಶೇ. 20ರಷ್ಟು ಹೆಚ್ಚುವರಿ ಹಣವನ್ನು ಎತ್ತಿಡುವುದು ಉತ್ತಮ. ಇದಕ್ಕಾಗಿ ಫಿಕ್ಸೆಡ್ ಡೆಪಾಸಿಟ್ ಮತ್ತು ಸೇವಿಂಗ್ ಅಕೌಂಟ್ನಲ್ಲಿರುವ ಹಣವನ್ನು ಲೆಕ್ಕ ಹಾಕಬೇಕು.
ಉದ್ಯೋಗದಾತರಿಂದ ಸಿಗಬಹುದಾದ ಸಾಲ, ವಿಮೆ ಮೇಲಿನ ಸಾಲ, ಶೇರುಗಳ ಮಾರಾಟದಿಂದ ಬರುವ ಲಾಭ ಮೊದಲಾದ ಮೊತ್ತವನ್ನು ಲೆಕ್ಕಾಚಾರ ಮಾಡಬೇಕು. ಈ ಹಣವನ್ನು ಅಲ್ಪಾವಧಿ ಫಿಕ್ಸೆಡ್ ಡೆಪಾಸಿಟ್ ಅಥವಾ ಸೇವಿಂಗ್ ಅಕೌಂಟ್ನಲ್ಲಿಡುವುದು ಉತ್ತಮ. ದೀರ್ಘಾವಧಿ ಹೂಡಿಕೆಯನ್ನು ತಕ್ಷಣಕ್ಕೆ ತೆಗೆಯಲು ಬರುವುದಿಲ್ಲ. ಹೀಗಾಗಿ ಅಂತಹ ಹಣವನ್ನು ನಿಮ್ಮ ಲೆಕ್ಕಕ್ಕೆ ಸೇರಿಸಿಕೊಳ್ಳಬಾರದು. ಒಟ್ಟಿನಲ್ಲಿ ಹಬ್ಬದ ಸಂದರ್ಭದಲ್ಲಿ ಮನೆ ಖರೀದಿಗೆ ಬೇಕಾದ ಸಿದ್ಧತೆಗಳನ್ನು ಸಾಕಷ್ಟು ಮುಂಚಿತವತಾಗಿಯೇ ಮಾಡಿಕೊಂಡು ಮುಂದುವರಿಯುವುದು ಉತ್ತಮ.
ಹಣಕಾಸು ವರ್ಷ ಆರಂಭವಾಗುತ್ತಿದ್ದಂತೆ ಆದಾಯ ತೆರಿಗೆ ಲೆಕ್ಕಾಚಾರ ಆರಂಭವಾಗುತ್ತದೆ. ಅದರಲ್ಲೂ ಮುಖ್ಯವಾಗಿ ವೇತನದಾರ ಉದ್ಯೋಗಿಗಳು ತಮ್ಮ ಗಳಿಕೆಯ ಬಹುದೊಡ್ಡ ಅಂಶವನ್ನು ಸೂಕ್ತ ಕಡೆ ಹೂಡಿಕೆ ಮಾಡಿದರೆ ಆಗ ಲಾಭ ಮಾಡಿಕೊಳ್ಳಲು ಸಾಧ್ಯವಿದೆ. ಇದಕ್ಕೆ ಅತ್ಯುತ್ತಮ ಮಾರ್ಗವೆಂದರೆ ಮನೆ ಖರೀದಿ. ಆದಾಗ್ಯೂ, ಆತುರಾತುರವಾಗಿ ತೀರ್ಮಾನ ತೆಗೆದುಕೊಳ್ಳದೆ ಸಾಕಷ್ಟು ಪೂರ್ವ ಸಿದ್ಧತೆಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ. ಇದರಿಂದ ಇಡೀ ಖರೀದಿ ಪ್ರಕ್ರಿಯೆ ನೀರು ಕುಡಿದಷ್ಟು ಸುಲಭವಾಗುತ್ತದೆ.
ಉತ್ತಮ ಅವಕಾಶ
ಈಗಾಗಲೇ ಗೃಹ ಸಾಲದ ಮೇಲಿನ ಬಡ್ಡಿ ದರ ದಾಖಲೆ ಮಟ್ಟಕ್ಕೆ ಇಳಿಕೆಯಾಗಿದೆ. ಹಲವು ಬ್ಯಾಂಕುಗಳು ಇನ್ನಷ್ಟು ದರ ಕಡಿತವನ್ನು ಕೆಲವು ದಿನಗಳ ಹಿಂದೆಯಷ್ಟೇ ಘೋಷಿಸಿವೆ. ಒಂದು ವೇಳೆ ಕಡಿಮೆ ಮಾಡದಿದ್ದರೂ, ಈಗಿನ ಬಡ್ಡಿ ದರವೇ ಖರೀದಿಗೆ ಅತ್ಯಂತ ಸೂಕ್ತವಾಗಿದೆ. ನೋಟು ಅಮಾನ್ಯ ಮತ್ತು ಮನೆ ಪೂರೈಕೆ ಸಾಕಷ್ಟಿರುವುದು ಗ್ರಾಹಕರಿಗೆ ಸ್ಪರ್ಧಾತ್ಮಕ ಬೆಲೆಯಲ್ಲಿ ಮನೆ ಸಿಗುವಂತೆ ಮಾಡಿದೆ.
ಇನ್ನು ಸರಕಾರದ ವತಿಯಿಂದ ಅಫರ್ಡೆಬಲ್ ಮನೆ ಕ್ಷೇತ್ರಕ್ಕೆ ಉತ್ತೇಜನ ಸಿಕ್ಕಿದ್ದು, ಕಡಿಮೆ ಬೆಲೆಯ ಮನೆಗಳಿಗೆ ತೆರಿಗೆ ವಿನಾಯಿತಿಯನ್ನು ಘೋಷಿಸಿದೆ. ಆದ್ದರಿಂದ ವಸತಿ ವಿಭಾಗ ಅದರಲ್ಲೂ ಸ್ವಂತ ವಾಸ್ತವ್ಯಕ್ಕೆ ಮನೆ ಖರೀದಿ ಮಾಡುವವರಿಗೆ ಆಕರ್ಷಕ ಬೆಲೆಯಲ್ಲಿ ಮನೆ ಸಿಗುವಂತಾಗಿದೆ. ಇದರ ದೀರ್ಘಾವಧಿ ದೃಷ್ಟಿಕೋನದಿಂದ ಹೂಡಿಕೆ ಮಾಡುವುದಿದ್ದರೂ ಲಾಭದಾಯಕ ಸನ್ನಿವೇಶ ಈಗಿದೆ.
ಹಣಕಾಸು ವ್ಯವಸ್ಥೆ
ಬ್ಯಾಂಕುಗಳು ಮತ್ತು ಗೃಹ ಸಾಲ ನೀಡಿಕೆ ಸಂಸ್ಥೆಗಳು ಅತ್ಯಂತ ದೊಡ್ಡ ಪ್ರಮಾಣದಲ್ಲಿ ಸ್ಪರ್ಧೆಗಿಳಿದಿವೆ. ಪ್ರೊಸೆಸಿಂಗ್ ಶುಲ್ಕ ಇಲ್ಲ, ತ್ವರಿತ ಅನುಮೋದನೆ, ಉಚಿತ ವಿಮೆ ಇತ್ಯಾದಿ ವಿನೂತನ ಯೋಜನೆಗಳನ್ನು ಅವರು ಜನರಿಗೆ ನೀಡಿ ಆಕರ್ಷಿಸುತ್ತಿವೆ. ಒಮ್ಮೆ ಮನೆ ಖರೀದಿ ತೀರ್ಮಾನವನ್ನು ಅಂತಿಮಗೊಳಿಸಿದ ಬಳಿಕ ಹಣದ ವ್ಯವಸ್ಥೆ ಮಾಡಿಕೊಳ್ಳಬೇಕು. ಈಗ ಬ್ಯಾಂಕುಗಳು ಶೇ. 80ರಷ್ಟು ಸಾಲ ನೀಡುತ್ತವೆ.
ಉಳಿದ ಹಣವನ್ನು ಗ್ರಾಹಕರೇ ಹೊಂದಿಸಿಕೊಳ್ಳಬೇಕಾಗುತ್ತದೆ. ಉದಾಹರಣೆ ಪ್ರಾಪರ್ಟಿಯ ರಿಜಿಸ್ಪ್ರೇಷನ್ ವೆಚ್ಚ 25 ಲಕ್ಷ ರೂ.ಗಳಾಗಿದ್ದರೆ, ಬ್ಯಾಂಕು ಕೇವಲ 20 ಲಕ್ಷ ರೂ. ಸಾಲ ಮಾತ್ರ ನೀಡುತ್ತದೆ. ಉಳಿದ 5 ಲಕ್ಷ ರೂ.ವನ್ನು ಗ್ರಾಹಕರೇ ಹೊಂದಿಸಿಕೊಳ್ಳಬೇಕಾಗುತ್ತದೆ. ಇದರ ಹೊರತಾಗಿ ಸ್ಟ್ಯಾಂಪ್ಡ್ಯೂಟಿ, ರಿಜಿಸ್ಪ್ರೇಷನ್ ಶುಲ್ಕ ಮತ್ತಿತರ ವೆಚ್ಚಗಳನ್ನೂ ಗಮನದಲ್ಲಿಟ್ಟುಕೊಳ್ಳಬೇಕು. ಇವುಗಳಲ್ಲದೆ ಮನೆಗೆ ಇತರ ಫಿಕ್ಸ್ಚರ್, ಫಿಟ್ಟಿಂಗ್, ವಿಮೆ ಮೊದಲಾದ ವೆಚ್ಚಗಳೂ ಇರುತ್ತವೆ.
ಸಾಲದ ಅರ್ಹತೆ
ಕೇವಲ ಒಂದು ಬ್ಯಾಂಕಿಗೆ ಮಾತ್ರ ಭೇಟಿ ಕೊಡದೆ ನಾಲ್ಕು-ಐದು ಕಡೆ ಪ್ರಯತ್ನಿಸಬೇಕು. ಜೊತೆಗೆ ನಿಮ್ಮ ಸಾಲದ ಅರ್ಹತೆಯನ್ನು ತಿಳಿದುಕೊಳ್ಳಬೇಕು. ಇದಕ್ಕಾಗಿ ಬೇಕಾದ ಎಲ್ಲಾ ದಾಖಲೆಗಳನ್ನು ಸಿದ್ಧಪಡಿಸಿಟ್ಟುಕೊಳ್ಳಬೇಕು. ಇದು ಗೃಹ ಸಾಲದ ಹೊರತಾಗಿ ಎಷ್ಟು ಹಣ ಬೇಕಾಗುತ್ತದೆ ಎಂಬ ಬಗ್ಗೆ ಸ್ಥೂಲ ಅರಿವು ನೀಡುತ್ತದೆ. ಯಾವಾಗಲೂ ಒಟ್ಟು ವೆಚ್ಚದ ಶೇ. 20ರಷ್ಟು ಹೆಚ್ಚುವರಿ ಹಣವನ್ನು ಎತ್ತಿಡುವುದು ಉತ್ತಮ. ಇದಕ್ಕಾಗಿ ಫಿಕ್ಸೆಡ್ ಡೆಪಾಸಿಟ್ ಮತ್ತು ಸೇವಿಂಗ್ ಅಕೌಂಟ್ನಲ್ಲಿರುವ ಹಣವನ್ನು ಲೆಕ್ಕ ಹಾಕಬೇಕು.
ಉದ್ಯೋಗದಾತರಿಂದ ಸಿಗಬಹುದಾದ ಸಾಲ, ವಿಮೆ ಮೇಲಿನ ಸಾಲ, ಶೇರುಗಳ ಮಾರಾಟದಿಂದ ಬರುವ ಲಾಭ ಮೊದಲಾದ ಮೊತ್ತವನ್ನು ಲೆಕ್ಕಾಚಾರ ಮಾಡಬೇಕು. ಈ ಹಣವನ್ನು ಅಲ್ಪಾವಧಿ ಫಿಕ್ಸೆಡ್ ಡೆಪಾಸಿಟ್ ಅಥವಾ ಸೇವಿಂಗ್ ಅಕೌಂಟ್ನಲ್ಲಿಡುವುದು ಉತ್ತಮ. ದೀರ್ಘಾವಧಿ ಹೂಡಿಕೆಯನ್ನು ತಕ್ಷಣಕ್ಕೆ ತೆಗೆಯಲು ಬರುವುದಿಲ್ಲ. ಹೀಗಾಗಿ ಅಂತಹ ಹಣವನ್ನು ನಿಮ್ಮ ಲೆಕ್ಕಕ್ಕೆ ಸೇರಿಸಿಕೊಳ್ಳಬಾರದು. ಒಟ್ಟಿನಲ್ಲಿ ಹಬ್ಬದ ಸಂದರ್ಭದಲ್ಲಿ ಮನೆ ಖರೀದಿಗೆ ಬೇಕಾದ ಸಿದ್ಧತೆಗಳನ್ನು ಸಾಕಷ್ಟು ಮುಂಚಿತವತಾಗಿಯೇ ಮಾಡಿಕೊಂಡು ಮುಂದುವರಿಯುವುದು ಉತ್ತಮ.