ಅಂಗೈಯಲ್ಲಿ ಅರಮನೆ
ಬಾಲಿವುಡ್ನ ಖ್ಯಾತ ನಿರ್ಮಾಪಕ, ನಿರ್ದೇಶಕ ಕರಣ್ ಜೋಹರ್ ತಮ್ಮ ಮನೆಗೆ ಹೊಸ ಸ್ಪರ್ಶ ನೀಡಿದ್ದಾರೆ. ಮನೆಯ ಟೆರೇಸ್ನ ಮೇಕ್ ಓವರ್ ಮಾಡಿದವರು ನಟ ಶಾರೂಕ್ ಪತ್ನಿ, ಖ್ಯಾತ ಇಂಟೀರಿಯರ್ ವಿನ್ಯಾಸಗಾರ್ತಿ ಗೌರಿ ಖಾನ್. ಇಲ್ಲಿದೆ ಕೆಜೆಒ ಮನೆಯ ಟೆರೇಸ್ ವೈಭವ.
ಬಾಲಿವುಡ್ ನಟ, ನಿರ್ಮಾಪಕರ ಮನೆಯೆಂದರೆ ಒಂದು ರೀತಿಯಲ್ಲಿ ಅದು ಅರಮನೆಯೇ ಸರಿ. ಒಬ್ಬೊಬ್ಬರೂ ತಮ್ಮ ತಮ್ಮ ಅಭಿರುಚಿಗೆ ಅನುಗುಣವಾಗಿ ಮನೆಯನ್ನು ವಿನ್ಯಾಸಗೊಳಿಸಿದ್ದಾರೆ. ಇದಕ್ಕೆ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ ಕೂಡ ಹೊರತಲ್ಲ. ತಮ್ಮ ಮನೆಯ ಟೆರೇಸ್ಗೆ ಹೊಸ ವಿನ್ಯಾಸ ನೀಡಲು ಅವರು ಆಯ್ಕೆ ಮಾಡಿಕೊಂಡಿದ್ದು, ಬಾಲಿವುಡ್ ನಟ ಶಾರೂಕ್ ಖಾನ್ ಪತ್ನಿ ಗೌರಿ ಖಾನ್. ಈಗಾಗಲೇ ಗೌರಿ ತಮ್ಮ ಮಕ್ಕಳಿಗಾಗಿ ಸುಂದರ ನರ್ಸರಿ ಡಿಸೈನ್ ಮಾಡಿದ್ದು, ಕರಣ್ ಆಕರ್ಷಣೆಗೆ ಕಾರಣವಾಗಿತ್ತು. ಇದರಿಂದ ಆಕರ್ಷಿತರಾಗಿರುವ ಕರಣ್, ಗೌರಿ ಖಾನ್ ಅವರನ್ನು ಖುದ್ದು ಭೇಟಿಯಾಗಿ ತಮ್ಮ ಮನೆಯ ವಿನ್ಯಾಸಕ್ಕೆ ಹೊಸ ರೂಪ ನೀಡುವಂತೆ ಕೋರಿಕೊಂಡಿದ್ದರು.
ಬಾಲಿವುಡ್ ಬಾದ್ಶಾ ಶಾರೂಕ್ ಖಾನ್ ಪತ್ನಿ ಗೌರಿ ಖಾನ್ ಇತ್ತೀಚೆಗೆ ತಮ್ಮ ಮಕ್ಕಳಿಗಾಗಿ ಅತ್ಯಂತ ಸುಂದರ ನರ್ಸರಿ ಡಿಸೈನ್ ಮಾಡಿದ್ದರು. ಅದರ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಟ್ಟಿದ್ದರು. ಈಗ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ ಮನೆಯ ಟೆರೇಸ್ಗೆ ಹೊಸ ರೂಪವನ್ನು ನೀಡಿ ಇನ್ನಷ್ಟು ಅಂದವಾಗುವಂತೆ ಮಾಡಿದ್ದಾರೆ. ಇದರ ಚಿತ್ರಗಳನ್ನು ಇಬ್ಬರೂ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಇಡೀ ಟೆರೇಸ್ನ್ನು ಅತ್ಯಂತ ಸುಂದರವಾಗಿ ರಿ ಡಿಸೈನ್ ಮಾಡಿದ್ದಾರೆ ಗೌರಿ ಖಾನ್. ತಾವು ಮತ್ತು ಮಗ ಅಬ್ರಾಮ್ ನಿಂತಿರುವ ಫೋಟ್ವನ್ನು ಹಂಚಿಕೊಂಡಿದ್ದಾರೆ. ಇದಕ್ಕೆ ಪ್ರತಿ ಟ್ವೀಟ್ ಮಾಡಿರುವ ಕರಣ್, 'ಮುದ್ದಾದ ಅಬ್ರಾಮ್ ಉತ್ತಮ ಪೋಸ್ ನೀಡಿದ್ದಾರೆ. ಅವನ ಪ್ರತಿಭೆ ಮತ್ತು ಸುಂದರ ತಾಯಿ ಇಬ್ಬರೂ ಕಣ್ಮನ ಸೆಳೆಯುತ್ತಿದ್ದಾರೆ' ಎಂದು ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಉತ್ತರ ನೀಡಿರುವ ಗೌರಿ, 'ಗ್ರಾಹಕನೊಬ್ಬ ಸ್ಫೂರ್ತಿದಾಯಕವಾಗಿದ್ದರೆ ಆಗ ಫಲಿತಾಂಶ ಅತ್ಯಂತ ಸುಂದರವಾಗಿರುತ್ತದೆ, ಥ್ಯಾಂಕ್ಯೂ ಕರಣ್ ಜೋಹರ್' ಎಂದು ಹೊಗಳಿದ್ದಾರೆ.
ಇತ್ತೀಚೆಗಷ್ಟೇ ಗೌರಿ ಖಾನ್, ನಾನು ಯಾರ ಜೊತೆಗೂ ಗುರುತಿಸಿಕೊಳ್ಳಲು ಅಥವಾ ಹೊಗಳಿಸಿಕೊಳ್ಳಲು ಬಯಸುವುದಿಲ್ಲ. ನನಗೆ ಅತಿಯಾಸೆ ಕೂಡ ಇಲ್ಲ. ಬೆಳಗ್ಗೆದ್ದು ಜಿಮ್ಗೆ ಹೋಗಿ ಕೆಲಸಕ್ಕೆ ಹೋಗುತ್ತೇನೆ. ಅಲ್ಲಿ ಸೃಜನಶೀಲ ಚಿಂತನೆ ಮಾಡುತ್ತಿರುತ್ತೇನೆ. ಬಳಿಕ ಸಂಜೆಯಾಗುತ್ತಿದ್ದಂತೆ ಮನೆಗೆ ಬಂದು ಮಕ್ಕಳ ಜೊತೆ ಸೇರುತ್ತೇನೆ. ಇದುವೇ ನನ್ನ ಕೆಲಸದ ಹಿಂದಿನ ರಹಸ್ಯ ಎಂದು ಹೇಳಿದ್ದರು.
ನಾನು ವಿಶ್ವಖ್ಯಾತಿ ಡಿಸೈನರ್ ಆಗಿಲ್ಲದಿರಬಹುದು. ಆದರೆ ಕೆಲಸವನ್ನು ಉತ್ತಮವಾಗಿ ಮಾಡಲು ಬಯಸುತ್ತೇನೆ. 20 ವರ್ಷ ವಯಸ್ಸಿನವಳಿರುವಾಗಲೇ ಡಿಸೈನಿಂಗ್ ಕೆಲಸ ಮಾಡಲು ಆರಂಭಿಸಿದ್ದೆ. ಮನೆಯಾಗಲಿ ಕಚೇರಿಯಾಗಲಿ ಯಾವುದೇ ವಿನ್ಯಾಸಕ್ಕೆ ಕುಳಿತರೆ ಮನೆಯ ವಿಷಯಗಳನ್ನು ತಲೆಯಲ್ಲಿ ಇಟ್ಟುಕೊಳ್ಳುವುದೇ ಇಲ್ಲ ಎಂದು ಹೇಳಿದ್ದಾರೆ. ಒಟ್ಟಿನಲ್ಲಿ ಗೌರಿ ಖಾನ್ ಅವರ ಸೃಜನಶೀಲತೆ ಕರಣ್ ಜೋಹರ್ ಮನೆಯ ಅಂದವನ್ನು ನೂರ್ಮಡಿಗೊಳಿಸಿರುವುದಂತೂ ನಿಜ.
ಒಟ್ಟಿನಲ್ಲಿ ಸೆಲೆಬ್ರೆಟಿಗಳು ಕೇವಲ ಮನೆ ಕಟ್ಟಿಸಿಕೊಳ್ಳುವುದಷ್ಟೇ ಅಲ್ಲ. ವಿನ್ಯಾಸವನ್ನು ಕೂಡ ಮಾಡುತ್ತಿದ್ದಾರೆ. ತಮ್ಮ ಬಿಝಿ ಶೆಡ್ಯೂಲ್ನಲ್ಲಿ ಅದನ್ನು ಕೂಡ ವೃತ್ತಿಯಾಗಿ ಸ್ವೀಕರಿಸಿರುವ ಗೌರಿ ಖಾನ್ ಅವರ ಸೃಜನಶೀಲತೆ ಈಗ ಎಲ್ಲಾ ಬಾಲಿವುಡ್ ನಟ ನಟಿಯನ್ನು ಕೈಬೀಸಿ ಕರೆಯುತ್ತಿದೆಯಂತೆ.