ಹೀಗೆ ಮಾಡಿದರೆ ಗೃಹ ಸಾಲ ಸುಲಭವಾಗಿ ಸಿಗುವುದು

ಗೃಹ ಸಾಲ ನೀಡಲು ಬ್ಯಾಂಕುಗಳು ಅವಲಂಬಿಸುವ ಮಾನದಂಡಗಳ ಪೈಕಿ ಕ್ರೆಡಿಟ್‌ ಸ್ಕೋರ್‌ ಕೂಡ ಒಂದು. ಆದ್ದರಿಂದ ಮನೆ ಖರೀದಿಗೆ ಗೃಹ ಸಾಲ ಮಾಡುವವರು ಮೊದಲು ತಮ್ಮ ಕ್ರೆಡಿಟ್‌ ಸ್ಕೋರ್‌ ಹೆಚ್ಚಿಸಿಕೊಳ್ಳಬೇಕು. 750ಕ್ಕಿಂತ ಹೆಚ್ಚು ಸಿಬಿಲ್‌ ಇಐಆಐಔ) ಅಂಕವಿದ್ದರೆ ಮಾತ್ರ ಆಗ ಗೃಹ ಸಾಲ ಕಡಿಮೆ ಬಡ್ಡಿದರದಲ್ಲಿ ಮತ್ತು ಸುಲಭವಾಗಿ ಸಿಗುತ್ತದೆ. ಕ್ರೆಡಿಟ್‌ ಸ್ಕೋರ್‌ ಹೆಚ್ಚಿಸಿಕೊಳ್ಳುವುದು ಹೇಗೆ ? ಇಲ್ಲಿದೆ ಒಂದಿಷ್ಟು ಟಿಪ್ಸ್.

* ಕ್ರೆಡಿಟ್‌ ಕಾರ್ಡ್‌ ಇರಬಹುದು ಅಥವಾ ಗೃಹ ಸಾಲವೇ ಇರಬಹುದು ಶೇ. 79ರಷ್ಟು ಪ್ರಕರಣಗಳಲ್ಲಿ ಸಿಬಿಲ್‌ ಸ್ಕೋರ್‌ ಇದಕ್ಕೆ ಮಾನದಂಡವಾಗಿರುತ್ತದೆ.

* ಸಿಬಿಲ್‌ ಸ್ಕೋರ್‌ 750ಕ್ಕಿಂತ ಹೆಚ್ಚಿದ್ದರೆ ಸಾಲ ಸುಲಭವಾಗಿ ಸಿಗುತ್ತದೆ. ಬಡ್ಡಿ ಸೇರಿದಂತೆ ಬೇರೆ ಪ್ರಕ್ರಿಯೆಗಳಲ್ಲಿ ಚೌಕಾಸಿ ಕೂಡ ಮಾಡಬಹುದು.

* ಕ್ರೆಡಿಟ್‌ ಸ್ಕೋರ್‌ ನೀಡುವ ಸಂಸ್ಥೆಗೆ ಸದಸ್ಯರಾಗಿ ನಿಮ್ಮ ಸ್ಕೋರ್‌ ವಿವರನ್ನು ನಿಯಮಿತವಾಗಿ ತಿಳಿದುಕೊಳ್ಳಿ.

* ಹೆಸರು, ವಿಳಾಸ, ಫೋನ್‌ ನಂಬರ್‌ ಮೊದಲಾದ ಅಂಶಗಳಲ್ಲಿ ತಪ್ಪುಗಳಿದ್ದರೆ ಕೂಡಲೇ ಸಂಸ್ಥೆಯ ಗಮನಕ್ಕೆ ತಂದು ಸರಿಪಡಿಸಿಕೊಳ್ಳಿ.

* ಸಾಲವನ್ನು ಮಾಡಿ ಅದನ್ನು ಸರಿಯಾಗಿ ಮರುಪಾವತಿ ಮಾಡುವುದು ಉತ್ತಮ. ಇಲ್ಲವಾದರೆ ಕ್ರೆಡಿಟ್‌ ಸ್ಕೋರ್‌ ಅಂಕಿ ಏರಿಕೆಯಾಗುವುದಿಲ್ಲ.

* ಗೃಹ ಸಾಲಕ್ಕೆ ಅರ್ಜಿ ಸಲ್ಲಿಸುವ ಆರು ತಿಂಗಳ ಮೊದಲೇ ಹೊಸ ಕ್ರೆಡಿಟ್‌ ಕಾರ್ಡ್‌ಗೆ ಅಪ್ಲೈ ಮಾಡಬೇಡಿ.

* ಪ್ರತಿಯೊಂದರ ಖರೀದಿಗೂ ಕ್ರೆಡಿಟ್‌ ಕಾರ್ಡ್‌ ಬಳಕೆ ಮಾಡಬೇಡಿ.

* ಗೃಹ ಸಾಲಕ್ಕೆ ಒಂದು ವರ್ಷ ಮುನ್ನ ಬ್ಯಾಂಕಿನಲ್ಲಿ ಭಾರೀ ಮೊತ್ತ ಉಳಿಸಿಕೊಳ್ಳಬೇಡಿ. ಇದರಿಂದ ಸಾಲ ನೀಡುವವರಿಗೆ ಬೇರೆ ಅನುಮಾನಗಳು ಉದ್ಭವವಾಗುತ್ತವೆ.