ಮನೆಯಲ್ಲಿ ಧವಳ ವರ್ಣವು ರಾರಾಜಿಸಿದರೆ ಆಗ ನಿವಾಸದ ಇನ್ನಷ್ಟು ಬೆಳಗುವುದರಲ್ಲಿ ಸಂದೇಹವಿಲ್ಲ. ಅಷ್ಟೇ ಅಲ್ಲ ಪೇಂಟ್, ಬಟ್ಟೆಗಳು ಸೇರಿದಂತೆ ಬಿಳಿ ಬಣ್ಣದ ಹೆಚ್ಚು ಬಳಕೆಯು ಶಾಂತಿ, ನೆಮ್ಮದಿ, ಶುಚಿತ್ವದ ಸ್ಪರ್ಶವನ್ನು ನೀಡುತ್ತದೆ. ಈ ಹಿನ್ನೆಲೆಯಲ್ಲಿ ಎಲ್ಲೆಲ್ಲಿ ಶ್ವೇತ ವರ್ಣದ ಛಾಯೆಯನ್ನು ಮನೆಯಲ್ಲಿ ತುಂಬಬಹುದು ಎಂಬ ಬಗ್ಗೆ ವಿವರ ಇಲ್ಲಿದೆ.
ಒಂದು ಕಾಲದಲ್ಲಿ ಬಿಳಿ ಬಣ್ಣವನ್ನು ಡಲ್ ಮತ್ತು ಬೋರಿಂಗ್ ಎಂದೇ ಪರಿಗಣಿಸಲಾಗುತ್ತಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ಶ್ವೇತ ವರ್ಣಕ್ಕೆ ಇಂಟೀರಿಯರ್ನಲ್ಲಿ ಹೆಚ್ಚು ಜಾಗ ಸಿಗುತ್ತಿದೆ. ಮನೆಯನ್ನು ಇನ್ನಷ್ಟು ದೊಡ್ಡದಾಗಿ ಕಾಣಿಸುವಂತೆ ಮಾಡುವುದರ ಜೊತೆಗೆ ಬ್ರೈಟ್ ಆಗುವಂತೆ ಮಾಡುವುದು ಕೂಡ ಇದರ ಹಿಂದಿನ ಪ್ರಮುಖ ಕಾರಣ.
ಸ್ಟೈಲ್ ಮತ್ತು ಶಾಂತಿ: ಮನೆ ಮಾಲೀಕರು ಈಗ ಮನೆಯ ಸ್ಟೈಲ್ ಸ್ಟೇಟ್ಮೆಂಟ್ಗೆ ವಿಭಿನ್ನ ರೂಪ ನೀಡುತ್ತಿದ್ದಾರೆ. ಬಿಳಿ ಬಣ್ಣದ ಫಿನಿಶಿಂಗ್ ಹೊಂದಿರುವ ಫರ್ನಿಚರ್ಗಳು ಇದರಲ್ಲಿ ಪ್ರಮುಖ ಪಾಲು ಪಡೆದಿದೆ. ಆಧುನಿಕ ಫರ್ನಿಚರ್ಗೆ ಸ್ಟೈಟ್ ಬಿಳಿ ಲೈನ್ ಇಡೀ ಇಂಟೀರಿಯರ್ನ ಅಂದಕ್ಕೆ ಮತ್ತಷ್ಟು ಮೆರುಗು ನೀಡುತ್ತದೆ. ಶುಚಿತ್ವ, ಶಾಂತಿ, ನೆಮ್ಮದಿಯನ್ನು ನಗರದ ಜನರು ಹೆಚ್ಚು ಹೆಚ್ಚು ಬಯಸುವುದು ಬಿಳಿ ಬಣ್ಣ ಮುನ್ನಲೆಗೆ ಬರಲು ಇರುವ ಕಾರಣಗಳ ಪೈಕಿ ಒಂದಾಗಿದೆ. ಕೇವಲ ಇಂಟೀರಿಯರ್ನ ಅಂದ ಹೆಚ್ಚಿಸುವುದರ ಜೊತೆಗೆ ಅದಕ್ಕೆ ಕಲಾತ್ಮಕ ಸ್ಪರ್ಶವನ್ನೂ ಬಿಳಿ ಬಣ್ಣ ನೀಡುತ್ತದೆ. ಇಂಟೀರಿಯರ್ ಡಿಸೈನರ್ಗಳ ಮಾತಿನಂತೆ ಕೇವಲ ಗಾಢ ವರ್ಣದ ಶೇಡ್ಗಳಿಂದಲೇ ಮನೆ ಬ್ರೈಟ್ ಆಗಿ ಕಾಣುವುದಿಲ್ಲ. ಬಿಳಿ ಬಣ್ಣವು ಮನೆಗೆ ರಾಜ ಕಳೆಯನ್ನು ನೀಡುವುದರ ಜೊತೆಗೆ ಇಂಚಿಂಚೂ ಜಾಗ ಹೊಳೆಯುವಂತೆ ಮಾಡುತ್ತದೆ.
ಆಯ್ಕೆಗೆ ಮಹತ್ವ: ಯಾವುದೇ ವಸ್ತುವಿರಲಿ ಬಿಳಿ ಬಣ್ಣದ್ದಾಗಿದ್ದರೆ ಅನನ್ಯವಾಗಿ ಕಾಣಿಸಿಕೊಂಡು ಆಕರ್ಷಣೆಯ ಕೇಂದ್ರ ಬಿಂದುವಾಗುತ್ತದೆ. ಆದರೆ ಇದರ ಬಳಕೆ ಮಾತ್ರ ತುಂಬಾ ಅಚ್ಚುಕಟ್ಟಾಗಿರಬೇಕಾಗುತ್ತದೆ. ಹೀಗಾಗಿ ಬಿಳಿ ಬಣ್ಣ ಬಳಿಯುವಿಕೆ, ಅದರ ಟೋನ್, ಟೆಕ್ಸ್ಚರ್ ಇದ್ದರೆ ಕೊಠಡಿಯೊಂದು ವೈವಿಧ್ಯಮಯವಾಗಿ ಕಾಣುತ್ತದೆ. ಉದಾಹರಣೆಗೆ ಲೀವಿಂಗ್ ರೂಂನತ್ತ ಗಮನ ಹರಿಸಿದರೆ ಬಿಳಿ ಬಣ್ಣ ಹಿನ್ನೆಲೆಯಲ್ಲಿದ್ದರೆ, ಅಕ್ವಾ ಬ್ಲೂನ ಕುಶನ್, ಕರ್ಟನ್, ಆಕ್ಸೆಸರಿಗಳು ಕೋಣೆಗೆ ಹೊಸ ರೂಪ ನೀಡುತ್ತದೆ. ಆದ್ದರಿಂದ ಸಾಫ್ಟ್ಫರ್ನಿಶಿಂಗ್, ಫೋಟೋ ಫ್ರೇಂ, ಪೇಂಟ್ ಮಾಡಿದ ಚಿಪ್ಪು, ಮೃದುವಾದ ಫ್ಲೋರ್ ರಗ್ ಮೊದಲಾದವುಗಳು ಕೂಡ ಬಿಳಿ ಬಣ್ಣದ ಹಿನ್ನೆಲೆಯಲ್ಲಿ ಇನ್ನಷ್ಟು ಕಣ್ಮನ ಸೆಳೆಯುತ್ತದೆ.
ಬಿಳಿ ಫರ್ನಿಚರ್: ಕೋಣೆಯ ಕನಿಷ್ಠ ಒಂದು ಗೋಡೆಯ ಬಣ್ಣವಾದರೂ ಗಾಢವಾಗಿದ್ದರೆ ಆಗ ಬಿಳಿ ಬಣ್ಣದ ಪೀಠೋಪಕರಣಗಳು ಅಂದವಾಗಿ ಒಪ್ಪುತ್ತದೆ. ಇದಕ್ಕೆ ಪೂರಕವಾಗಿ ಗಾಢ ವರ್ಣದ ಫ್ಲೋರ್ ರಗ್ ಕೂಡ ಇರಬೇಕಾಗುತ್ತದೆ. ಟೇಬಲ್ ಟಾಪ್, ಡೆಕೋರ್ ಸಾಮಗ್ರಿಗಳತ್ತ ಗಮನ ಹರಿಸಿದರೆ ಈಗ ಬಿಳಿ ಬಣ್ಣಕ್ಕೆ ಹೆಚ್ಚು ಆದ್ಯತೆ ನೀಡುತ್ತಾರೆ. ಇದಕ್ಕೆ ಬಣ್ಣ ಬಣ್ಣದ ಲೈಟ್ಗಳಿಂದ ಇನ್ನಷ್ಟು ಮೆರುಗು ಸಿಗುತ್ತದೆ.
ಅದರಲ್ಲೂ ಮೂಲೆಯಲ್ಲಿ ಇಡುವ ಫರ್ನಿಚರ್ ಆಗಿದ್ದರೆ ಸಾಫ್ಟ್ ಲೈಟಿಂಗ್ ಅದನ್ನು ಎದ್ದು ಕಾಣುವಂತೆ ಮಾಡುತ್ತದೆ. ಇದಲ್ಲದೆ ಟಾಪ್ ಟೇಬಲ್, ಪ್ಯಾನಲ್ ಡ್ರಾವರ್ ಸೇರಿದಂತೆ ಮರದ ಬಳಕೆ ಕೂಡ ಕೊಠಡಿಗೆ ಇನ್ನಷ್ಟು ಸೌಂದರ್ಯ ತುಂಬಲು ನೆರವಾಗುತ್ತದೆ. ಆದುನಿಕ ಲುಕ್ ಬೇಕಾದರೆ ಗ್ಲಾಸ್ ಸೆಂಟರ್ ಟೇಬಲ್ ಅಥವಾ ಕ್ರಿಸ್ಟಲ್ ಕ್ಯಾಂಡ್ಲಿಯರ್ ಬಳಸಬಹುದು.
ಆಕ್ಸೆಸರಿ: ಇದರ ಜೊತೆಗೆ ಕ್ಯಾಂಡಲ್ ಸ್ಟ್ಯಾಂಡ್, ವೇಸ್, ಟೆಕ್ಸ್ಚರ್ಡ್ ರಗ್, ಕಾರ್ಪೆಟ್ ಕೂಡ ಬಿಳಿ ಬಣ್ಣದ್ದನ್ನು ಆಯ್ಕೆ ಮಾಡಿಕೊಳ್ಳಬಹುದು. ಲೆದರ್, ಲೆನಿಸ್, ಫರ್, ಮಾರ್ಬಲ್ ಕೂಡ ವೈಟ್ ಶೇಡ್ನದ್ದಾಗಿದ್ದರೆ ಚೆನ್ನಾಗಿ ಕಾಣುತ್ತದೆ. ಕಪ್ಪು, ಕೆಂಪು, ಗಾಢ ಗುಲಾಬಿ, ಕಿತ್ತಳೆ ಬಣ್ಣಗಳಿಗೆ ಕೂಡ ಬಿಳಿ ಬಣ್ಣದ ಮಿಶ್ರಣದ ಟೆಕ್ಸ್ಚರ್ ಅಥವಾ ಪಟ್ಟಿಗಳನ್ನು ಹಾಕಬಹುದು. ಇಷ್ಟೇ ಚಾಕಲೇಟ್ ಕಲರ್ಗೆ ಕೂಡ ಬಿಳಿ ಶೇಡ್ ತುಂಬಾ ಚೆನ್ನಾಗಿ ಒಪ್ಪುತ್ತದೆ.
ಈಗಿರುವ ಹೊಸ ಟ್ರೆಂಡ್ ಅಂದರೆ ಬಿಳಿ ಬಣ್ಣ ಮತ್ತು ಮೆಟಾಲಿಕ್ ಬಣ್ಣಗಳ ಮಿಶ್ರಣ. ಇನ್ನು ಬೆಳ್ಳಿ ಅಥವಾ ಚಿನ್ನದ ಬಣ್ಣದ ವಾಲ್ ಪೇಪರ್ ಕೂಡ ಬಳಕೆ ಮಾಡಬಹುದು. ಬಿಳಿ ಬಣ್ಣದ ಬಳಕೆ ಹೆಚ್ಚು ಮಾಡಿದ್ದರೆ ಆಗ ಮರ, ಬೆತ್ತ ಅಥವಾ ಬಿದಿರಿನ ಫರ್ನಿಚರ್ಗೆ ಆದ್ಯತೆ ನೀಡಿ. ಇವು ಬಿಳಿ ಬಣ್ಣದ ಹಿನ್ನೆಲೆಯಲ್ಲಿ ಇನ್ನಷ್ಟು ಅಂದವಾಗಿ ಕಾಣುತ್ತವೆ. ಇನ್ನಷ್ಟು ಆಧುನಿಕ ಲುಕ್ ಬೇಕಾದರೆ ಗಾಜು ಮತ್ತು ವೈಟ್ ಮೆಟಲ್ ಕೂಡ ಬಳಸಬಹುದು.
ಒಂದು ಕಾಲದಲ್ಲಿ ಬಿಳಿ ಬಣ್ಣವನ್ನು ಡಲ್ ಮತ್ತು ಬೋರಿಂಗ್ ಎಂದೇ ಪರಿಗಣಿಸಲಾಗುತ್ತಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ಶ್ವೇತ ವರ್ಣಕ್ಕೆ ಇಂಟೀರಿಯರ್ನಲ್ಲಿ ಹೆಚ್ಚು ಜಾಗ ಸಿಗುತ್ತಿದೆ. ಮನೆಯನ್ನು ಇನ್ನಷ್ಟು ದೊಡ್ಡದಾಗಿ ಕಾಣಿಸುವಂತೆ ಮಾಡುವುದರ ಜೊತೆಗೆ ಬ್ರೈಟ್ ಆಗುವಂತೆ ಮಾಡುವುದು ಕೂಡ ಇದರ ಹಿಂದಿನ ಪ್ರಮುಖ ಕಾರಣ.
ಸ್ಟೈಲ್ ಮತ್ತು ಶಾಂತಿ: ಮನೆ ಮಾಲೀಕರು ಈಗ ಮನೆಯ ಸ್ಟೈಲ್ ಸ್ಟೇಟ್ಮೆಂಟ್ಗೆ ವಿಭಿನ್ನ ರೂಪ ನೀಡುತ್ತಿದ್ದಾರೆ. ಬಿಳಿ ಬಣ್ಣದ ಫಿನಿಶಿಂಗ್ ಹೊಂದಿರುವ ಫರ್ನಿಚರ್ಗಳು ಇದರಲ್ಲಿ ಪ್ರಮುಖ ಪಾಲು ಪಡೆದಿದೆ. ಆಧುನಿಕ ಫರ್ನಿಚರ್ಗೆ ಸ್ಟೈಟ್ ಬಿಳಿ ಲೈನ್ ಇಡೀ ಇಂಟೀರಿಯರ್ನ ಅಂದಕ್ಕೆ ಮತ್ತಷ್ಟು ಮೆರುಗು ನೀಡುತ್ತದೆ. ಶುಚಿತ್ವ, ಶಾಂತಿ, ನೆಮ್ಮದಿಯನ್ನು ನಗರದ ಜನರು ಹೆಚ್ಚು ಹೆಚ್ಚು ಬಯಸುವುದು ಬಿಳಿ ಬಣ್ಣ ಮುನ್ನಲೆಗೆ ಬರಲು ಇರುವ ಕಾರಣಗಳ ಪೈಕಿ ಒಂದಾಗಿದೆ. ಕೇವಲ ಇಂಟೀರಿಯರ್ನ ಅಂದ ಹೆಚ್ಚಿಸುವುದರ ಜೊತೆಗೆ ಅದಕ್ಕೆ ಕಲಾತ್ಮಕ ಸ್ಪರ್ಶವನ್ನೂ ಬಿಳಿ ಬಣ್ಣ ನೀಡುತ್ತದೆ. ಇಂಟೀರಿಯರ್ ಡಿಸೈನರ್ಗಳ ಮಾತಿನಂತೆ ಕೇವಲ ಗಾಢ ವರ್ಣದ ಶೇಡ್ಗಳಿಂದಲೇ ಮನೆ ಬ್ರೈಟ್ ಆಗಿ ಕಾಣುವುದಿಲ್ಲ. ಬಿಳಿ ಬಣ್ಣವು ಮನೆಗೆ ರಾಜ ಕಳೆಯನ್ನು ನೀಡುವುದರ ಜೊತೆಗೆ ಇಂಚಿಂಚೂ ಜಾಗ ಹೊಳೆಯುವಂತೆ ಮಾಡುತ್ತದೆ.
ಆಯ್ಕೆಗೆ ಮಹತ್ವ: ಯಾವುದೇ ವಸ್ತುವಿರಲಿ ಬಿಳಿ ಬಣ್ಣದ್ದಾಗಿದ್ದರೆ ಅನನ್ಯವಾಗಿ ಕಾಣಿಸಿಕೊಂಡು ಆಕರ್ಷಣೆಯ ಕೇಂದ್ರ ಬಿಂದುವಾಗುತ್ತದೆ. ಆದರೆ ಇದರ ಬಳಕೆ ಮಾತ್ರ ತುಂಬಾ ಅಚ್ಚುಕಟ್ಟಾಗಿರಬೇಕಾಗುತ್ತದೆ. ಹೀಗಾಗಿ ಬಿಳಿ ಬಣ್ಣ ಬಳಿಯುವಿಕೆ, ಅದರ ಟೋನ್, ಟೆಕ್ಸ್ಚರ್ ಇದ್ದರೆ ಕೊಠಡಿಯೊಂದು ವೈವಿಧ್ಯಮಯವಾಗಿ ಕಾಣುತ್ತದೆ. ಉದಾಹರಣೆಗೆ ಲೀವಿಂಗ್ ರೂಂನತ್ತ ಗಮನ ಹರಿಸಿದರೆ ಬಿಳಿ ಬಣ್ಣ ಹಿನ್ನೆಲೆಯಲ್ಲಿದ್ದರೆ, ಅಕ್ವಾ ಬ್ಲೂನ ಕುಶನ್, ಕರ್ಟನ್, ಆಕ್ಸೆಸರಿಗಳು ಕೋಣೆಗೆ ಹೊಸ ರೂಪ ನೀಡುತ್ತದೆ. ಆದ್ದರಿಂದ ಸಾಫ್ಟ್ಫರ್ನಿಶಿಂಗ್, ಫೋಟೋ ಫ್ರೇಂ, ಪೇಂಟ್ ಮಾಡಿದ ಚಿಪ್ಪು, ಮೃದುವಾದ ಫ್ಲೋರ್ ರಗ್ ಮೊದಲಾದವುಗಳು ಕೂಡ ಬಿಳಿ ಬಣ್ಣದ ಹಿನ್ನೆಲೆಯಲ್ಲಿ ಇನ್ನಷ್ಟು ಕಣ್ಮನ ಸೆಳೆಯುತ್ತದೆ.
ಬಿಳಿ ಫರ್ನಿಚರ್: ಕೋಣೆಯ ಕನಿಷ್ಠ ಒಂದು ಗೋಡೆಯ ಬಣ್ಣವಾದರೂ ಗಾಢವಾಗಿದ್ದರೆ ಆಗ ಬಿಳಿ ಬಣ್ಣದ ಪೀಠೋಪಕರಣಗಳು ಅಂದವಾಗಿ ಒಪ್ಪುತ್ತದೆ. ಇದಕ್ಕೆ ಪೂರಕವಾಗಿ ಗಾಢ ವರ್ಣದ ಫ್ಲೋರ್ ರಗ್ ಕೂಡ ಇರಬೇಕಾಗುತ್ತದೆ. ಟೇಬಲ್ ಟಾಪ್, ಡೆಕೋರ್ ಸಾಮಗ್ರಿಗಳತ್ತ ಗಮನ ಹರಿಸಿದರೆ ಈಗ ಬಿಳಿ ಬಣ್ಣಕ್ಕೆ ಹೆಚ್ಚು ಆದ್ಯತೆ ನೀಡುತ್ತಾರೆ. ಇದಕ್ಕೆ ಬಣ್ಣ ಬಣ್ಣದ ಲೈಟ್ಗಳಿಂದ ಇನ್ನಷ್ಟು ಮೆರುಗು ಸಿಗುತ್ತದೆ.
ಅದರಲ್ಲೂ ಮೂಲೆಯಲ್ಲಿ ಇಡುವ ಫರ್ನಿಚರ್ ಆಗಿದ್ದರೆ ಸಾಫ್ಟ್ ಲೈಟಿಂಗ್ ಅದನ್ನು ಎದ್ದು ಕಾಣುವಂತೆ ಮಾಡುತ್ತದೆ. ಇದಲ್ಲದೆ ಟಾಪ್ ಟೇಬಲ್, ಪ್ಯಾನಲ್ ಡ್ರಾವರ್ ಸೇರಿದಂತೆ ಮರದ ಬಳಕೆ ಕೂಡ ಕೊಠಡಿಗೆ ಇನ್ನಷ್ಟು ಸೌಂದರ್ಯ ತುಂಬಲು ನೆರವಾಗುತ್ತದೆ. ಆದುನಿಕ ಲುಕ್ ಬೇಕಾದರೆ ಗ್ಲಾಸ್ ಸೆಂಟರ್ ಟೇಬಲ್ ಅಥವಾ ಕ್ರಿಸ್ಟಲ್ ಕ್ಯಾಂಡ್ಲಿಯರ್ ಬಳಸಬಹುದು.
ಆಕ್ಸೆಸರಿ: ಇದರ ಜೊತೆಗೆ ಕ್ಯಾಂಡಲ್ ಸ್ಟ್ಯಾಂಡ್, ವೇಸ್, ಟೆಕ್ಸ್ಚರ್ಡ್ ರಗ್, ಕಾರ್ಪೆಟ್ ಕೂಡ ಬಿಳಿ ಬಣ್ಣದ್ದನ್ನು ಆಯ್ಕೆ ಮಾಡಿಕೊಳ್ಳಬಹುದು. ಲೆದರ್, ಲೆನಿಸ್, ಫರ್, ಮಾರ್ಬಲ್ ಕೂಡ ವೈಟ್ ಶೇಡ್ನದ್ದಾಗಿದ್ದರೆ ಚೆನ್ನಾಗಿ ಕಾಣುತ್ತದೆ. ಕಪ್ಪು, ಕೆಂಪು, ಗಾಢ ಗುಲಾಬಿ, ಕಿತ್ತಳೆ ಬಣ್ಣಗಳಿಗೆ ಕೂಡ ಬಿಳಿ ಬಣ್ಣದ ಮಿಶ್ರಣದ ಟೆಕ್ಸ್ಚರ್ ಅಥವಾ ಪಟ್ಟಿಗಳನ್ನು ಹಾಕಬಹುದು. ಇಷ್ಟೇ ಚಾಕಲೇಟ್ ಕಲರ್ಗೆ ಕೂಡ ಬಿಳಿ ಶೇಡ್ ತುಂಬಾ ಚೆನ್ನಾಗಿ ಒಪ್ಪುತ್ತದೆ.
ಈಗಿರುವ ಹೊಸ ಟ್ರೆಂಡ್ ಅಂದರೆ ಬಿಳಿ ಬಣ್ಣ ಮತ್ತು ಮೆಟಾಲಿಕ್ ಬಣ್ಣಗಳ ಮಿಶ್ರಣ. ಇನ್ನು ಬೆಳ್ಳಿ ಅಥವಾ ಚಿನ್ನದ ಬಣ್ಣದ ವಾಲ್ ಪೇಪರ್ ಕೂಡ ಬಳಕೆ ಮಾಡಬಹುದು. ಬಿಳಿ ಬಣ್ಣದ ಬಳಕೆ ಹೆಚ್ಚು ಮಾಡಿದ್ದರೆ ಆಗ ಮರ, ಬೆತ್ತ ಅಥವಾ ಬಿದಿರಿನ ಫರ್ನಿಚರ್ಗೆ ಆದ್ಯತೆ ನೀಡಿ. ಇವು ಬಿಳಿ ಬಣ್ಣದ ಹಿನ್ನೆಲೆಯಲ್ಲಿ ಇನ್ನಷ್ಟು ಅಂದವಾಗಿ ಕಾಣುತ್ತವೆ. ಇನ್ನಷ್ಟು ಆಧುನಿಕ ಲುಕ್ ಬೇಕಾದರೆ ಗಾಜು ಮತ್ತು ವೈಟ್ ಮೆಟಲ್ ಕೂಡ ಬಳಸಬಹುದು.