ನೋಡಲೇಬೇಕಾದ ಸ್ಥಳಗಳ ಪಟ್ಟಿಯಿಂದ ಹಂಪಿ ಕೈ ಬಿಟ್ಟ ಪುರಾತತ್ವ ಇಲಾಖೆ!

ಬೆಂಗಳೂರು: 'ಯುನೆಸ್ಕೋ ವರ್ಲ್ಡ್ ಹೆರಿಟೇಜ್‌ ಟ್ಯಾಗ್(ವಿಶ್ವ ಪಾರಂಪರಿಕ ತಾಣ)' ಪಡೆಯುವ ಮೂಲಕ ವಿಶ್ವ ಮನ್ನಣೆ ಪಡೆದಿರುವ ಹಂಪಿಯನ್ನು ಭಾರತದಲ್ಲಿ ನೋಡಲೇಬೇಕಾದ 98 ಸ್ಥಳಗಳ ಪಟ್ಟಿಯಿಂದ ಭಾರತೀಯ ಪುರಾತತ್ವ ಸಮೀಕ್ಷೆ(Archaeological Survey of India) ಕೈ ಬಿಟ್ಟಿದೆ.

ಎಎಸ್‌ಐ ಪ್ರಕಾರ ಸಂಸ್ಕೃತಿ ಸಚಿವಾಲಯ ಈ ಪಟ್ಟಿಯನ್ನು ಸಿದ್ಧಪಡಿಸಿದ್ದು,ಕಲೆ, ಶಿಲ್ಪಕಲೆ, ಕಟ್ಟಡ ವಿನ್ಯಾಸ, ನಾಗರಿಕತೆ ಇವುಗಳ ಆಧಾರದ ಮೇಲೆ ಸ್ಮಾರಕಗಳನ್ನು ಗುರುತಿಸಲಾಗಿದೆ. ಹಂಪಿಯನ್ನು ಕೈ ಬಿಟ್ಟಿರುವುದರ ಕುರಿತು ಮರುಪರಿಶೀಲನೆ ಮಾಡಲಾಗುವುದು ಎಂದಿದೆ. ಹಂಪಿಯನ್ನು ಪಟ್ಟಿಯಿಂದ ಕೈ ಬಿಟ್ಟಿರುವುದರ ಕುರಿತು ಲೋಕಸಭೆಯಲ್ಲಿ ಪ್ರಸ್ತಾಪಿಸಲಾಯಿತು.

ಈ ಪಟ್ಟಿಯನ್ನು 2015ರಲ್ಲಿ ಸಿದ್ಧಪಡಿಸಿದ್ದು, ಪ್ರವಾಸೋದ್ಯಮ ಅಭಿವೃದ್ಧಿಗಾಗಿ ಈ ಪಟ್ಟಿಯನ್ನು ತಯಾರಿಸಲಾಗಿತ್ತು. 1986ರಲ್ಲಿ ಯುಸೆಸ್ಕೋ ಹಂಪಿಯನ್ನು ವಿಶ್ವ ಪಾರಂಪಾರಿಕ ಸ್ಥಳವೆಂದು ಗುರುತಿಸಿತ್ತು.

ಕರ್ನಾಟಕ ಇತಿಹಾಸ ಅಕಾಡೆಮಿಯ ಉಪಾಧ್ಯಕ್ಷ ಎಚ್‌ಎಸ್‌ ಗೋಪಾಲರಾವ್‌ 'ಹಂಪಿ ಹಾಗೂ ನಳಂದಾವನ್ನು ಪಟ್ಟಿಯಿಂದ ಕೈ ಬಿಟ್ಟರುವುದು ನೋಡಿ ಶಾಕ್‌ ಆಗಿದೆ. ಅವರು ಪ್ರವಾಸೋದ್ಯಮ ಅಭಿವೃದ್ಧಿಗೆ ಆ ಪಟ್ಟಿ ತಯಾರಿ ಮಾಡಿದ್ದರೆ ಸಾವಿರಾರು ವರ್ಷಗಳ ಪಾರಂಪರೆ ಇರುವ ಐತಿಹಾಸಿಕ ಹಂಪಿಯನ್ನು ಆ ಪಟ್ಟಿಯಿಂದ ಬಿಟ್ಟಿದ್ದೇಕೆ? ಈ ಬಗ್ಗೆ ಪ್ರಶ್ನೆ ಮಾಡಲಾಗುವುದು' ಎಂದಿದ್ದಾರೆ.

ವಿಶ್ವ ಮನ್ನಣೆ ಪಡೆದಿರುವ 22 ಸ್ಥಳಗಳಲ್ಲಿ ಹಂಪಿ, ಬಿಹಾರದ ನಳಂದಾ ಮಹಾವೀರ, ರಾಜಾಸ್ಥಾನದ ಹಿಲ್‌ ಫೋರ್ಟ್‌, ಮೆಜೆಸ್ಟಿಕ್‌ ಕೋಟೆ ಮುಂತಾದವುಗಳನ್ನು ಈ ಪಟ್ಟಿಯಿಂದ ಕೈ ಬಿಡಲಾಗಿದೆ.