ನಾನು ಎಲ್ಲೇ ಹೋದರೂ ಅಲ್ಲಿರುವ ವಿಶೇಷತೆಯನ್ನು ತಿಳಿದುಕೊಳ್ಳುತ್ತೇನೆ. ಹಸಿರಿರುವ ಪ್ರದೇಶ, ಐತಿಹಾಸಿಕ ಸ್ಮಾರಕಗಳು, ರಾಫ್ಟಿಂಗ್, ರೋಪ್ವೇ, ಪ್ಯಾರಗ್ಲೈಡಿಂಗ್, ಟ್ರಕ್ಕಿಂಗ್ ಸೇರಿದಂತೆ ಎಲ್ಲಾ ಸಾಹಸಕ್ಕೂ ಸಿದ್ಧಳಿರುತ್ತೇನೆ. ಅಲ್ಲಿನ ಜನಜೀವನವನ್ನು ತಿಳಿಯುವ ಕುತೂಹಲ ನನ್ನಲ್ಲಿದೆ. ಶಾಂತಿಯುತ ತಾಣಗಳು ಇಷ್ಟ. ಫ್ಯಾಮಿಲಿ ಜತೆ ಆಗಾಗ ಟ್ರಿಪ್ಗೆ ಹೋಗುತ್ತೇನೆ. ಹೊಸವರ್ಷ ಹಾಗೂ ದೀಪಾವಳಿ ಸಮಯದಲ್ಲಿ 5 ದಿನಗಳ ಕಾಲ ಚಿಕ್ಕಮಗಳೂರು, ಊಟಿ, ಮೈಸೂರು ಸುತ್ತಮುತ್ತ ಹೋಗಿ ಎಂಜಾಯ್ ಮಾಡಿಕೊಂಡು ಬರುತ್ತೇವೆ. ಕುಟುಂಬದವರೊಡನೆ ಸಮಯ ಕಳೆಯಬಹುದು. ಯಾವುದಾದರೊಂದು ಹೊಸ ಸ್ಥಳಕ್ಕೆ ಹೋಗುವ ಮೊದಲು ಗೂಗಲ್ಕ್ಕಿಂತ ಟ್ರಾವೆಲ್ ಬ್ಲಾಗ್ ನೋಡಿಕೊಂಡು ಪ್ರಯಾಣಿಸುವೆ. ಅಲ್ಲಿ ಟ್ರಾವೆಲ್ ಮಾಡಿರುವವರು ಪ್ರತಿಯೊಂದು ಸಂಗತಿ, ಸ್ಥಳದ ಬಗ್ಗೆ ಕಣ್ಣಿಗೆ ಕಟ್ಟಿದಂತೆ ಬರೆದಿರುತ್ತಾರೆ. ಅವರ ಅನುಭವವೇ ನನಗೆ ಸ್ಫೂರ್ತಿ. ಅದನ್ನು ನೋಡಿದಾಗ ಆ ಸ್ಥಳಕ್ಕೆ ಹೋಗಬೇಕು ಎನಿಸುತ್ತದೆ. ಮೊದಲಿಗೆ ರಿಸರ್ಚ್ ಮಾಡಿ ಪ್ರಯಾಣ ಮುಂದುವರಿಸಬೇಕು. ನಾನು ಎಲ್ಲೇ ಹೋದರೂ ಹೆಚ್ಚು ಲಗೇಜ್ ಕ್ಯಾರಿ ಮಾಡುತ್ತೇನೆ. ಯಾಕೆಂದರೆ ಆ ಸ್ಥಳಕ್ಕೆ ಹೋದಾಗ ಆ ಜಾಗ ಇಷ್ಟವಾದರೆ ಇನ್ನೆರಡು ದಿನ ಅಲ್ಲಿಯೇ ಉಳಿದುಕೊಳ್ಳಲು ಪ್ಲಾನ್ ಮಾಡುತ್ತೇನೆ. ಬಾಗ್ನಲ್ಲಿ ಕ್ಯಾಮೆರಾ, ವಾಟರ್ ಬಾಟಲ್, ಜರ್ಕಿನ್ ಇದ್ದೆ ಇರುತ್ತದೆ. ಹೋದಂತಹ ಸ್ಥಳಗಳಲ್ಲಿ ತಪ್ಪದೇ ಶಾಪಿಂಗ್ ಮಾಡುವೆ. ಸೀಸನಲ್ ಟ್ರಾವೆಲ್ ಮಾಡಿದಾಗ ಅಲ್ಲಿರುವ ಸಂಗತಿ, ಪ್ರಕೃತಿ ವಿಸ್ಮಯಗಳನ್ನು ತಿಳಿದುಕೊಳ್ಳಲು ಸಾಧ್ಯ. ದುಬೈ ನನ್ನ ಅಚ್ಚುಮೆಚ್ಚಿನ ತಾಣ. ಬ್ಯಾಂಕಾಕ್, ಯುರೋಪ್, ಇಂಡೋನೇಷ್ಯಾ, ಭಾರತದಲ್ಲಿ ಗುಜರಾತಿನ ಸುತ್ತಮುತ್ತಲ ತಾಣಗಳಿಗೆ ಭೇಟಿ ನೀಡಬೇಕು ಎಂದುಕೊಂಡಿದ್ದೇನೆ.
ಸೀಸನಲ್ ಟ್ರಾವೆಲ್ ಬೆಸ್ಟ್
ಟ್ರಾವೆಲ್ ಎಂದರೆ ಎಲ್ಲಿಲ್ಲದ ಕ್ರೇಝ್ ನನಗೆ ಸದಾ ಎಲ್ಲಾದರೂ ಸಂಚರಿಸುತ್ತಲೇ ಇರುತ್ತೇನೆ.
Vijaya Karnataka 4 Mar 2018, 5:00 am
*ನಟಿ ರಕ್ಷಾ ಸೋಮಶೇಖರ್