ಟೂರ್ ಮಾಡುವಾಗ ನೋ ಶಾಪಿಂಗ್

ನಾನು ಟ್ರಾವೆಲ್ ಫ್ರೀಕ್ ಆಗಿರುವುದಕ್ಕೂ, ಸಿನಿಮಾ ಇಂಡಸ್ಟ್ರಿಯಲ್ಲಿ ಇರುವುದಕ್ಕೂ ಸರಿ ಹೋಗಿದೆ. ಶೂಟಿಂಗ್ ನೆಪದಲ್ಲಿ ಜಗತ್ತಿನ ಬಹುತೇಕ ಎಲ್ಲ ಜಾಗಗಳನ್ನು ಸುತ್ತಾಡುವ ಅದ್ಭುತ ಅವಕಾಶ ಸಿಕ್ಕಿದೆ. ಎಲ್ಲೆಲ್ಲೆ ಸುತ್ತಿದ್ದೀನಿ ಅಂತ ನೆನಪಿಲ್ಲ. ಆದ್ರೆ ನನ್ನ ಪ್ರೊಫೆಷನಲ್ ಲೈಫ್‌ನ ಬಹುತೇಕ ಸಮಯವನ್ನು ಟ್ರಾವೆಲ್ ಮಾಡುತ್ತಲೇ ಕಳೆದಿದ್ದೇನೆ ಎಂದು ಹೇಳಬಲ್ಲೆ. ಯುರೋಪ್‌ನ ಪ್ರವಾಸಿ ತಾಣಗಳು ನನ್ನ ಫೇವರಿಟ್.

ನಾವು ಶೂಟಿಂಗ್‌ಗೆ ಎಂದು ಸ್ವಿಡ್ಜರ್‌ಲ್ಯಾಂಡ್‌ಗೆ ಹೋಗಿದ್ದೆವು. ಆ ಸಮಯದಲ್ಲಿ ಆದಂತಹ ಒಂದು ಅನುಭವ ನನ್ನ ಲೈಫ್ ಟೈಮ್ ಮೆಮೊರಿ. ಶೂಟಿಂಗ್ ಪ್ಯಾಕ್ ಅಪ್ ಮಾಡಿ ಎಲ್ಲರೂ ಹೊರಟು ಹೋಗಿದ್ದರು. ನಾನೊಬ್ಬಳೇ ಬೇರೆ ದಾರಿಯಲ್ಲಿ ಸಾಗಿದೆ. ನನಗೆ ಎತ್ತರದ ಜಾಗಗಳೆಂದರೆ ಬಹಳ ಭಯ. ಪರ್ವತ, ಬೆಟ್ಟ ಗುಡ್ಡ ಅಷ್ಟೆ ಅಲ್ಲ, 4ನೇ ಅಂತಸ್ತಿನ ಮನೆಯಲ್ಲಿ ನಿಂತರೂ ಕೆಳಗೆ ನೋಡಲು ಆಗದಷ್ಟು ಹೈಟ್ ಫೋಬಿಯ ನನಗೆ. ಆದರೆ ಪ್ಯಾರಾ ಗ್ಲೈಡಿಂಗ್ ಮಾಡಬೇಕೆಂಬ ಆಸೆ ಆಯಿತು. ಆದರೆ ನನ್ನ ಜತೆ ಪೇರೆಂಟ್ಸ್, ಫ್ರೆಂಡ್ಸ್, ಶೂಟಿಂಗ್‌ಗೆ ಬಂದವರು ಯಾರೂ ಇರಲಿಲ್ಲ. ಕೊನೆಗೂ ಧೈರ್ಯ ಮಾಡಿ ಆಕಾಶದಿಂದ ಜಿಗಿದೇ ಬಿಟ್ಟೆ. ನೀವು ನಂಬಲ್ಲ 10 ಫೀಟ್ ಅಡಿ ಎತ್ತರದಿಂದ ನಿಂತು ನೋಡಿದರೂ ತಲೆ ಗಿರ್ರ‌್‌ ಅನ್ನುವ ನಾನು ಸಮುದ್ರ ಮಟ್ಟದಿಂದ 10 ಸಾವಿರ ಅಡಿ ಎತ್ತರದಲ್ಲಿ ಹಾರಾಡುತ್ತಿದ್ದೆ. ಇದು ನಿಜಕ್ಕೂ ನಾನೇನಾ ಇಷ್ಟು ಸಾಹಸ ಮಾಡಿದ್ದು ಅಂತ ಅನಿಸಿತ್ತು ಅವತ್ತು. ಆವತ್ತಿಂದ ನನಗೆ ಹೈಟ್ ಫೋಬಿಯಾ ಇಲ್ಲ.

ಎರಡು ಮೂರು ಬಾರಿ ಸ್ಪೇನ್ ಟೂರ್ ತಪ್ಪಿ ಹೋಯ್ತು. ಹಾಗಾಗಿ ಅಲ್ಲಿಗೆ ಹೋಗಬೇಕು ಎಂದು ಆಸೆ ಇದೆ. ಇನ್ನು ನಾನು ಟ್ರಾವೆಲ್ ಮಾಡುವಾಗ ಸಡಿಲವಾದ, ಹೇಗೆ ಕುಂತರು ನಿಂತರೂ ಅನ್‌ಕಂಫರ್ಟ್ ಅನಿಸದ ಉಡುಪನ್ನು ಧರಿಸುತ್ತೇನೆ. ನನ್ನದೊಂದು ಕೆಟ್ಟ ಹವ್ಯಾಸ ಅಂದರೆ ಪ್ರವಾಸಕ್ಕೆ ಹೋಗುವಾಗ ಒಂದು ದೊಡ್ಡ ಲಗೇಜ್ ಎತ್ತಿಕೊಂಡು ಹೋಗುವುದು. ಆದರೆ ಹುಡುಗಿಯರಿಗೆ ನನ್ನ ಸಲಹೆ ಅಂದರೆ ಸಣ್ಣ ಬ್ಯಾಗ್ ತೆಗೆದುಕೊಂಡು ಹೋದರೆ ಆರಾಮಾಗಿ ಊರು ಸುತ್ತಬಹುದು. ನಾನು ಹೊರಗಡೆ ಹೋದಾಗ ಶಾಪಿಂಗ್ ಮಾಡಲ್ಲ. ಜಗ್ತತಿನ ಪ್ರತಿ ವಸ್ತುವೂ ಆನ್‌ಲೈನ್ ಶಾಪಿಂಗಲ್ಲಿ ಸಿಗುವಾಗ ವಿದೇಶಿ ಶಾಪಿಂಗ್‌ನ ಕ್ರೇಝ್ ಯಾಕೆ? ಶಾಪಿಂಗ್‌ಗೆ ದುಡ್ಡು ಹಾಕುವ ಬದಲು ವಿ ಶುಡ್ ಎಕ್ಸ್‌ಪ್ಲೋರ್ ದ ಪ್ಲೇಸ್, ಅದು ನಿಜವಾದ ಪ್ರವಾಸ ನನ್ನ ಪಾಲಿಗೆ.

- ಪಾರುಲ್ ಯಾದವ್

- ನಿರೂಪಣೆ: ಪದ್ಮಿನಿ ಜೈನ್