ಹಂಪಿಯಲ್ಲಿ ಮಿಸ್ ಮಾಡದೆ ನೋಡಬೇಕಾದ ಸ್ಮಾರಕಗಳಿವು

ಹಕ್ಕ-ಬುಕ್ಕರ ವಿಜಯನಗರ ಸಾಮ್ರಾಜ್ಯದ ವೈಭವದ ಬಗ್ಗೆ ಕೇಳಿರುತ್ತೀರಿ, ಆದರೆ ಆ ವೈಭವ ಹೇಗಿದ್ದಿರಬಹುದು? ಎಂಬುವುದರ ಒಂದು ಸ್ಪಷ್ಟ ಕಲ್ಪನೆ ಮೂಡಬೇಕೆಂದರೆ ನೀವು ಹಂಪಿಗೆ ಭೇಟಿ ನೀಡಲೇಬೇಕು.

ಹಂಪಿ ವಾಸ್ತುಶಿಲ್ಪ ಹಾಗೂ ಧಾರ್ಮಿಕ ಪರಂಪರೆಯಿಂದ ಮಹತ್ವವನ್ನು ಪಡೆದಿದ್ದು ಪ್ರತಿನಿತ್ಯ ಸಾವಿರಾರು ಪ್ರವಾಸಿಗರು ಭೇಟಿ ನೀಡಿ, ಇಲ್ಲಿಯ ಅದ್ಭುತ ಶಿಲ್ಪಕಲೆಯನ್ನು ಕಣ್ತುಂಬಿಕೊಳ್ಳುತ್ತಾರೆ.

ಹಂಪಿಯಲ್ಲಿ ನೀವು ನೋಡಲೇಬೇಕಾದ ಪ್ರಮುಖ ಸ್ಮಾರಕಗಳೆಂದರೆ

ಅಚ್ಯುತಾರಾಯ ದೇವಾಲಯ
ಈ ದೇವಾಲಯದ ಕಂಬಗಳಲ್ಲಿ ಆಕರ್ಷಕ ಕೆತ್ತನೆಯ ವಾಸ್ತುಶಿಲ್ಪಗಳನ್ನು ಕಾಣಬಹುದು. ಕೋದಂಡರಾಮ ದೇವಾಲಯದ ಬದಿಯಿಂದ ಈ ದೇವಾಲಯಕ್ಕೆ ಭೇಟಿ ನೀಡಬಹುದು.

ಕೋದಂಡರಾಮ ದೇವಾಲಯ
ಹಂಪಿಯ ಪೂರ್ವಕ್ಕೆ ಇರುವ ಈ ದೇವಾಲಯ ತುಂಗಭದ್ರೆ ನದಿಯ ತಟದಲ್ಲಿದೆ. ಈ ದೇವಸ್ಥಾನ ಶ್ರೀರಾಮ ಸುಗ್ರೀವನಿಗೆ ಪಟ್ಟ ಕಟ್ಟಿದ ಸ್ಥಳವೆಂಬ ನಂಬಿಕೆ ಇದೆ.

ವಿಠ್ಠಲ ದೇವಾಲಯ
ಹಂಪೆಯ ಉತ್ತರ ಪೂರ್ವಕ್ಕೆ, ಆನೆಗೊಂಡಿಯ ಎದುರು ವಿಜಯನಗರದ ಪ್ರಮುಖ ಸ್ಮಾರಕಗಳಲ್ಲೊಂದಾದ ವಿಜಯವಿಠ್ಠಲ ದೇಗುಲವಿದೆ. ಈ ದೇವಾಲಯದ ಎದುರು ಒಂದು ಪ್ರಸಿದ್ಧ ರಥವಿದ್ದು, ಈ ರಥವನ್ನು ಒಂದೇ ಕಲ್ಲಿನಿಂದ ಕಡೆದು ತಯಾರಿಸಲಾಗಿದೆ.

ರಾಮಚಂದ್ರ ದೇವಾಲಯ
ಇಲ್ಲಿ ರಾಮನ ಅನೇಕ ಪ್ರತಿಮೆಗಳಿವೆ, ಆದ್ದರಿಂದ ಇದನ್ನು ಹಜಾರ ರಾಮ ದೇವಸ್ಥಾನ (ಸಾವಿರ ರಾಮನ ದೇವಸ್ಥಾನ) ಎಂದು ಕೂಡ ಕರೆಯುತ್ತಾರೆ.

ವಿರೂಪಾಕ್ಷ ದೇವಾಲಯ
ದಕ್ಷಿಣ ಭಾರತದ ದ್ರಾವಿಡಿಯನ್ ಮಾದರಿಯ ವಾಸ್ತುಶಿಲ್ಪವನ್ನು ಹೊಂದಿರುವ ಈ ದೇವಾಲಯವು ಮಣ್ಣಿನ ಗೋಡೆಗಳಿಂದ ರಚಿಸಲ್ಪಟ್ಟಿದೆ. ಇದನ್ನು ಭೂಗತ ದೇವಸ್ಥಾನ, ಪಂಪಾವತಿ ದೇವಾಲಯ ಹೀಗೆ ವಿವಿಧ ಹೆಸರುಗಳಿಂದ ಕರೆಯುತ್ತಾರೆ.

ಲೋಟಸ್‌ ಮಹಲ್‌
ಮಹಾರಾಣಿಯ ಈ ಅರಮನೆ ಇಂಡೋ-ಇಸ್ಲಾಮಿಕ್ ಶೈಲಿಯಲ್ಲಿದ್ದು, ಮಹಾರಾಣಿಗಾಗಿ ವಿಶೇಷ ಕೊಳ ನಿರ್ಮಿಸಲಾಗಿತ್ತು.

ಆನೆ ಲಾಯಗಳು ಹಾಗೂ ಕುದುರೆ ಲಾಯಗಳುವಿಶಾಲವಾದ ಜಾಗದಲ್ಲಿ ನಿರ್ಮಿತವಾದ ಆನೆ ಹಾಗೂ ಕುದುರೆ ಲಾಯಗಳನ್ನು ನೋಡಿ ಆ ಕಾಲದಲ್ಲಿ ಸೈನ್ಯ ಎಷ್ಟು ಬಲಿಷ್ಠವಾಗಿತ್ತು ಎಂದು ಊಹಿಸಬಹುದಾಗಿದೆ.