ನನಗೆ ಯಾವಾಗ ಬಿಡುವು ಸಿಗುತ್ತದೆಂದು ಕಾಯುತ್ತಿರುತ್ತೇನೆ. ಯಾವುದಾರೊಂದು ಹೊಸ ಪ್ರದೇಶಗಳಿಗೆ ಹೋಗಲು ಮನಸ್ಸಿನಲ್ಲಿಯೇ ಸ್ಕೆಚ್ ಹಾಕಿಕೊಳ್ಳುತ್ತಿರುತ್ತೇನೆ. ಗೂಗಲ್ ಮ್ಯಾಪ್ನಲ್ಲಿ ಆ ಸ್ಥಳದ ಮಹತ್ವದ ಬಗೆಗೆ ತಿಳಿದುಕೊಂಡು ಟ್ರಿಪ್ ಹೊರಡಲು ಸಿದ್ಧಳಾಗುತ್ತೇನೆ. ಕೆಲವೊಮ್ಮೆ ಕಂಪನಿ ಸಿಗುತ್ತದೆ. ಇಲ್ಲವಾದರೆ ಒಬ್ಬಳೇ ಹೋಗಲೂ ಕೂಡ ನಾನು ರೆಡಿ. ನನಗೆ ಟ್ರಿಪ್ ಹೊಗೋದು ಒಂದು ಹಾಬಿ ಇದ್ದ ಹಾಗೆ. ಯಾರಿಗಾಗಿಯೂ ಕಾಯುವುದಿಲ್ಲ. ಒಬ್ಬಳೇ ರೆಡಿಯಾಗಿ ಒಂದು ವಾರ ಎಲ್ಲಾದರೂ ಹೊಸ ಜಾಗ ಸುತ್ತಿಕೊಂಡು ಬಂದಾಗಲೇ ನನ್ನ ಮನಸ್ಸಿಗೆ ಶಾಂತಿ ಸಿಗುತ್ತದೆ.
ನನಗೆ ವೈಲ್ಡ್ ಲೈಫ್ ಬಗ್ಗೆ ತಿಳಿದುಕೊಳ್ಳುವ ಕುತೂಹಲವಿದೆ. ಕಾಡು, ಮೇಡುಗಳೆನ್ನದೇ ಸುತ್ತುತ್ತೇನೆ.ಗ್ರೀನರಿ ಇರುವ ಪ್ಲೇಸ್ಗಳನ್ನೇ ಫಸ್ಟ್ ಸೆಲೆಕ್ಟ್ ಮಾಡಿಕೊಳ್ಳುವುದು ನಾನು. ಚಳಿಗಾಲ ಮತ್ತು ಮಳೆಗಾಲದಲ್ಲಿ ಊರನ್ನು ತಿರುಗಾಡಲು ಇಷ್ಟಪಡುತ್ತೇನೆ.
ಹಲವಾರು ದೇಶಗಳನ್ನು ಸುತ್ತಿದ್ದೇನೆ. ಸ್ವಿಜ್ಜರ್ಲ್ಯಾಂಡ್, ಗೋವಾ, ಅಮೆರಿಕಾಗೆ ಆಗಾಗ ಹೋಗಿ ಬರುತ್ತಿರುತ್ತೇನೆ. ಕರ್ನಾಟಕದಲ್ಲಿ ಬೆಂಗಳೂರು ನನಗೆ ಇಷ್ಟ. ಪ್ಯಾರೀಸ್ಗೆ ಜೀವನದಲ್ಲಿ ಒಮ್ಮೆಯಾದರೂ ಹೋಗಿ ಬರಬೇಕೆಂಬುದು ನನ್ನ ಕನಸು. ಅಲ್ಲಿಯ ಜಾಗಗಳ ಬಗ್ಗೆ ಹೊಗಳಿಕೆ ಕೇಳಿರುವುದರಿಂದ ನನಗೆ ಪದೇ ಪದೇ ಹೋಗಬೇಕೆಂದು ಕಾಡುತ್ತಿದೆ. ಬೇಸಿಗೆಯಲ್ಲಿ ಅಪ್ಪಿ ತಪ್ಪಿಯೂ ಟ್ರಾವೆಲ್ ಮಾಡಲು ಇಷ್ಟವಾಗುವುದಿಲ್ಲ. ಅದು ಅಷ್ಟು ಕಂಫರ್ಟ್ ಅನ್ನಿಸುವುದಿಲ್ಲ.
ನನ್ನದೊಂದು ಕೆಟ್ಟ ಅಭ್ಯಾಸವೆಂದರೆ ಹ್ಯಾವಿಯಾಗಿ ಲಗೇಜ್ ತೆಗೆದುಕೊಂಡು ಹೋಗುತ್ತೇನೆ. ಅಲ್ಲಿಯೂ ಕೂಡ ಶಾಪಿಂಗ್ ಮಾಡುತ್ತೇನೆ. ನೀವು ಕೂಡ ಹಾಗೆ ಮಾಡದಿದ್ದರೆ ಬೆಸ್ಟ್. ಟ್ರಾವೆಲ್ ಮಾಡುವಾಗ ಪ್ರಮುಖವಾಗಿ ಫೋನ್ ಜೊತೆಯಲ್ಲಿಯೇ ಇರಬೇಕು. ರೂಟ್ ಮ್ಯಾಪ್ ನೋಡಿಕೊಂಡಾದರೂ ಯಾರ ಸಹಾಯವಿಲ್ಲದೇ ಊರನ್ನು ಸುತ್ತಬಹುದು. ಜತೆಯಲ್ಲಿ ಕೋಟ್, ಕ್ಯಾಪ್, ವಾಟರ್ ಬಾಟಲ್, ಮಿನಿ ಮೇಕಪ್ ಕಿಟ್, ಅನ್ ಮ್ಯಾಚಿಂಗ್ ಫಂಕಿ ಡ್ರೆಸ್ ಕೋಡ್ ಇರಬೇಕು. ಆಗ ಫೋಟೋ ಕೂಡ ಸೂಪರ್ ಆಗಿ ಕ್ಲಿಕ್ಕಿಸಿಕೊಳ್ಳಬಹುದು. ಅಲ್ಲಿನ ಫುಡ್, ಲೈಫ್ಸ್ಟೈಲ್ ಅನ್ನು ತಿಳಿದುಕೊಳ್ಳುವ ಕುತೂಹಲ ಮನದಲ್ಲಿರಬೇಕು. ಪ್ರತಿಯೊಂದು ಕ್ಷಣವನ್ನು ಟ್ರಿಪ್ನಲ್ಲಿ ಎಂಜಾಯ್ ಮಾಡಬಹುದು.
ನೇಹಾ ನಬನಂಡಿ -ನಟಿ
ನಿರೂಪಣೆ: ನಂದು