ಕಾಶ್ಮೀರ ಗ್ರೇಟ್‌ ಲೇಕ್ಸ್‌ನಲ್ಲಿ 8 ದಿನಗಳ ಟ್ರೆಕ್ಕಿಂಗ್‌ ಅನುಭವ

ಬ್ಯುಸಿ ಶೆಡ್ಯೂಲ್‌ನಿಂದ ಒಂದು ಪುಟ್ಟ ಬ್ರೇಕ್‌ ತಗೊಂಡು ಒಂದು ವಾರದ ಮಟ್ಟಿಗೆ ಒಂದು ಸುಂದರ ತಾಣಕ್ಕೆ ಟ್ರೆಕ್ಕಿಂಗ್ ಹೋಗ ಬಯಸುವುದಾದರೆ ಅದಕ್ಕೆ ಸೂಕ್ತ ತಾಣವೇ ಕಾಶ್ಮೀರ ಗ್ರೇಟ್‌ ಲೇಕ್‌.

ಟ್ರೆಕ್ಕಿಂಗ್‌ ಪ್ರಿಯರಿಗೆ ಈ ತಾಣ ಸ್ವರ್ಗವೆಂದೇ ಹೇಳಬಹುದು. ಟ್ರೆಕ್ಕಿಂಗ್‌ ಹೋಗುವಾಗ ಸಾಕಷ್ಟು ಸುಂದರ ಕೆರೆಗಳು ಎದುರಾಗುವ ಕೆಲವೇ ಕೆಲ ತಾಣಗಳಲ್ಲೊಂದು ಈ ಕಾಶ್ಮೀರ ಗ್ರೇಟ್‌ ಲೇಕ್‌.

ಈ ಟ್ರೆಕ್ಕಿಂಗ್‌ನಲ್ಲಿ ಸಿಗುವ ಒಂದೊಂದು ಕೆರೆಯ ಸೌಂದರ್ಯವೂ ನಯನ ಮನೋಹರ. ಮಳೆಗಾಲದಲ್ಲಂತೂ ಈ ಪ್ರದೇಶ ಹಚ್ಚ ಹಸಿರಿನಿಂದ ಕಂಗೊಳಿಸಿ ನೋಡಲು ಮತ್ತಷ್ಟು ಸೊಗಸಾಗಿರುತ್ತದೆ.

ಇಲ್ಲಿಗೆ ಭೇಟಿ ನೀಡುವುದಾದರೆ ಒಬ್ಬರೇ ಹೋಗುವುದಕ್ಕಿಂತ ಒಂದಿಷ್ಟು ಸ್ನೇಹಿತರ ದಂಡು ಕಟ್ಟಿಕೊಂಡು ಹೋದರೆ ಸಕತ್‌ ಮಜವಾಗಿರುತ್ತದೆ.

ಟ್ರೆಕ್ಕಿಂಗ್‌ ಹೋಗಿ ಅಭ್ಯಾಸ ಇರುವವರಿಗೆ ಈ ಬೆಟ್ಟವನ್ನು ಆರಾಮವಾಗಿ ಹತ್ತಿಕೊಂಡು ಹೋಗಬಹುದು. ಟ್ರಾವೆಲ್ ಏಜೆನ್ಸಿ ಮೂಲಕ ಹೋದರೆ ನಿಮಗೆ ಊಟ-ತಿಂಡಿಯ ವ್ಯವಸ್ಥೆ ಎಲ್ಲವೂ ಅವರೇ ಮಾಡುತ್ತಾರೆ. ಇಲ್ಲಿ ರಾತ್ರಿ ಟೆಂಟ್‌ನಲ್ಲಿ ತಂಗಲಾಗುವುದು. ಇನ್ನು ಮೊಬೈಲ್ ನೆಟ್‌ವರ್ಕ್ ಸಿಗುವುದಿಲ್ಲ. ಫೋನ್‌, ಮೆಸೇಜ್‌, ವಾಟ್ಸಾಪ್‌ ಕಿರಿಕಿರಿ ಇಲ್ಲದೆ ನೆಮ್ಮದಿಯಿಂದ ಪ್ರಕೃತಿಯ ಸೌಂದರ್ಯ ಕಣ್ತುಂಬಿಕೊಳ್ಳಬಹುದು.

ತಾಪಮಾನ: ಹಗಲಿನಲ್ಲಿ- 17°C-20°C
ರಾತ್ರಿಯಲ್ಲಿ- 3°C-4°C
ಎತ್ತರ: 13,000 ಅಡಿ
ದಿನ : 8