ಸ್ಕೂಬಾ ಡೈವ್‌ ಹಾಗೂ ಜಲಕ್ರೀಡೆಗೆ ಈ 5 ಸ್ಥಳಗಳು ಬೆಸ್ಟ್

ಜಲಕ್ರೀಡೆಗಳು ಎಲ್ಲರಿಗೂ ಖುಷಿ ಕೊಡುವಂಥದ್ದು. ಅದೊಂದು ರೀತಿಯ ರೋಚಕ ಅನುಭವ ನೀಡುತ್ತದೆ. ಸಾಹಸಿಗಳಿಗಾಗಿಯೇ ಭಾರತದಲ್ಲಿ ಹಲವೆಡೆ ಸ್ಕೂಬಾ ಡೈವಿಂಗ್‌ ತಾಣಗಳಿವೆ. ಒಂದಿಷ್ಟು ಥ್ರಿಲ್‌ ಅನುಭವಿಸಲು ನೀವು ಕೆಲವು ತಾಣಗಳಿಗೆ ಭೇಟಿ ನೀಡಲೇಬೇಕು. ಭಾರತದಲ್ಲಿ ಸ್ಕೂಬಾ ಡೈವಿಂಗ್‌ಗಾಗಿ ಖ್ಯಾತವಾಗಿರುವ ಕೆಲವು ತಾಣಗಳು ಇಲ್ಲಿವೆ.

ಕರ್ನಾಟಕ: ಕರ್ನಾಟಕದ ಕೆಲವು ಕಡಲ ತೀರಗಳು ಜಲಕ್ರೀಡೆಗಳಿಗೆ ಹೆಸರುವಾಸಿಯಾಗಿದ್ದು, ಮುರುಡೇಶ್ವರ, ಕಾರವಾರ, ಉಡುಪಿ ಸುತ್ತಮುತ್ತಲ ಕಡಲ ತೀರಗಳಲ್ಲಿ ಮೋಜು ಮಾಡಬಹುದು.

ಅಂಡಮಾನ್‌ ಮತ್ತು ನಿಕೋಬಾರ್‌ ದ್ವೀಪಗಳು: ಭಾರತದಲ್ಲಿ ಸ್ಕೂಬಾ ಡೈವಿಂಗ್‌ಗೆ ಇದು ಅತ್ಯಂತ ಆಕರ್ಷಕ ತಾಣ. ಆಳವಾದ ಶುದ್ಧ ನೀರಿನ ಮೂಲಕ ಅಂಡಮಾನ್‌ ಮತ್ತು ನಿಕೋಬಾರ್‌ ದ್ವೀಪಗಳು ಸುಂದರ ಸಮುದ್ರ ಜೀವನವನ್ನು ಉತ್ತೇಜಿಸುತ್ತವೆ. ಪೋರ್ಟ್‌ ಬ್ಲೇರ್‌ ಸುತ್ತಮುತ್ತ ಪ್ರವಾಸಕ್ಕೆ ಹೋಗಿ ಬರಬಹುದು.

ಗೋವಾ: ಬೀಚ್‌, ಚರ್ಚ್‌ಗಳ ಮೂಲಕ ಎಲ್ಲಾ ಸೀಸನ್‌ನಲ್ಲೂ ಪ್ರವಾಸಿಗರನ್ನು ಆಕರ್ಷಿಸುವ ಗೋವಾ ಜಲಕ್ರೀಡೆಗಳಿಗೂ ಫೇಮಸ್‌. ಇಲ್ಲಿ ಹಲವಾರು ಡೈವಿಂಗ್‌ ತಾಣಗಳಿವೆ.

ಲಕ್ಷ ದ್ವೀಪ : ಮಲಬಾರ್‌ ಕರಾವಳಿಯ ದ್ವೀಪ ಸಮೂಹ ಒಳಗೊಂಡಿರುವ ಲಕ್ಷ ದ್ವೀಪವು ಹವಳ ದಿಬ್ಬಗಳು, ವಿಭಿನ್ನ ಕಡಲ ಪ್ರಾಣಿಗಳೊಂದಿಗೆ ಗಮನ ಸೆಳೆಯುತ್ತದೆ. ನೀಲಿ ಬಣ್ಣದ ಸರೋವರ, ವಿಭಿನ್ನ ಬಗೆಯ ದ್ವೀಪಗಳು ಇಲ್ಲಿನ ವಿಶೇಷ. ಅಗಟ್ಟಿ ದ್ವೀಪವು ಸ್ಕೂಬಾ ಡೈವಿಂಗ್‌ ಮೂಲಕವೂ ಗಮನ ಸೆಳೆಯುತ್ತದೆ.

ಪುದುಚೇರಿ: ಪುದುಚೆರಿ ಫ್ರೆಂಚ್‌ ವಾಸ್ತುಶಿಲ್ಪ ಮತ್ತು ಇತಿಹಾಸಕ್ಕೆ ಹೆಸರುವಾಸಿ. ಇದು ಶಾಂತಿಯನ್ನು ಪಡೆಯುವ ಸ್ಥಳವಾಗಿದೆ. ಪಟ್ಟಣವು ಆಧುನಿಕ ಪರಂಪರೆ ಮತ್ತು ಆಧ್ಯಾತ್ಮಿಕ ಸಂಸ್ಕೃತಿಯ ಮಿಶ್ರಣ. ಶಾರ್ಕ್‌ ರೀಫ್‌ ಸೇರಿದಂತೆ ಇಲ್ಲಿನ ಹಲವು ಕಡಲ ತೀರಗಳಲ್ಲಿ ಜಲಕ್ರೀಡೆಗಳನ್ನು ಆಡಬಹುದು.