ಡಾರ್ಜಿಲಿಂಗ್‌ನಲ್ಲಿ ಪ್ರವಾಸಿಗರನ್ನು ಸೆಳೆಯುವ ಪ್ರಮುಖ ಆಕರ್ಷಣೆಗಳು

'ಬೆಟ್ಟಗಳ ರಾಣಿ'ಯೆಂದೇ ಕರೆಯಲ್ಪಡುವ ಡಾರ್ಜಿಲಿಂಗ್ ತನ್ನ ನೈಸರ್ಗಿಕ ಚೆಲುವಿನಿಂದ ನೋಡುಗರನ್ನು ಮೋಡಿ ಮಾಡಿ ಬಿಡುತ್ತಾಳೆ. ಮಳೆಗಾಲ ಹಾಗೂ ಚಳಿಗಾಲದಲ್ಲಿ ದಟ್ಟವಾಗಿ ಆವರಿಸುವ ಮಂಜು ಡಾರ್ಜಿಲಿಂಗ್‌ ಸೌಂದರ್ಯಕ್ಕೆ ಮತ್ತಷ್ಟು ಮೆರಗು ನೀಡುವುದು.

ಡಾರ್ಜಿಲಿಂಗ್‌ ಬೆಸ್ಟ್‌ ಹನಿಮೂನ್‌ ಸ್ಪಾಟ್‌ ಕೂಡ ಆಗಿದ್ದು, ಡಾರ್ಜಿಲಿಂಗ್‌ನಲ್ಲಿರುವ ಪ್ರಮುಖ ಆಕರ್ಷಣೆಗಳೆಂದರೆ:

ಟೈಗರ್ ಬೆಟ್ಟ: ಸೂರ್ಯೋದಯದ ಚೆಲುವು ಕಣ್ತುಂಬಿಕೊಳ್ಳಲು ಪ್ರವಾಸಿಗರು ಈ ಬೆಟ್ಟಕ್ಕೆ ಭೇಟಿ ನೀಡುತ್ತಾರೆ. ಈ ಬೆಟ್ಟದ ಮೇಲೆ ಬೀಲುವ ಸೂರ್ಯಕಿರಣಗಳಿಂದ ಬದಲಾಗುವ ಆ ಬೆಟ್ಟದ ಸೌಂದರ್ಯ ವರ್ಣಾತೀತವಾಗಿದೆ.


ಡೊವಾರ್ಸ್ ಟ್ರಿಪ್‌: ಡಾರ್ಜಿಲಿಂಗ್‌ ಟೀ ಬೆಳೆಗೆ ಪ್ರಸಿದ್ಧ. ಇಲ್ಲಿಗೆ ಭೇಟಿ ನೀಡಿದರೆ ಟೀ ತೋಟದ ಸೌಂದರ್ಯ ಸವಿದು, ಸ್ವಾದಿಷ್ಟ ಟೀ ಹೀರಲು ಡೊವಾರ್ಸ್ ಟ್ರಿಪ್‌ ಮಾಡಿ.

ಕಾಲೀಂಪಾಂಗ್‌
ಇದೊಂದು ದೈವಿಕ ಕ್ಷೇತ್ರವಾಗಿದೆ. ಇಲ್ಲಿಯ ದೇವಾಲಯದಲ್ಲಿರುವ ಅಪರೂಪದ ಕೆತ್ತನೆಗಳು ಮನಸೂರೆಗೊಳ್ಳುವುದು.

ಪಗೋಡಾ
ವಿಶ್ವದಲ್ಲಿರುವ 30 ಪಗೋಡಾಗಳಲ್ಲಿ ಒಂದು ಡಾರ್ಜಿಲಿಂಗ್‌ನಲ್ಲಿದೆ. ಜಪಾನಿನ ಬೌದ್ಧ ಸಂನ್ಯಾಸಿ ಶಾಂತಿ, ಸಾಮರಸ್ಯ ಸಾರಲು ಇದನ್ನು ಸ್ಥಾಪಿಸಿದರು. ಡಾರ್ಜಿಲಿಂಗ್‌ಗೆ ಹೋದರೆ ಈ ಸ್ಥಳಕ್ಕೆ ಭೇಟಿ ನೀಡಿದರೆ ಅಲ್ಲಿಯ ಪಾಸಿಟಿವ್ ವಾತಾವರಣ ನಿಮ್ಮಲ್ಲಿ ನವ ಚೈತನ್ಯ ತುಂಬುವುದು.


ಬಟಾಸಿಯಾ ಲೂಪ್‌
ಈ ಸ್ಥಳ ಐತಿಹಾಸಿಕವಾಗಿ ಹಾಗೂ ನೈಸರ್ಗಿಕ ಸೌಂದರ್ಯದಿಂದಲೂ ತುಂಬಾ ಪ್ರಸಿದ್ಧಿ ಪಡೆದಿದೆ. ಇಲ್ಲಿಯ ಸರ್ಕಲ್‌ನಲ್ಲಿರುವ ಗೂರ್ಖಾ ಯುದ್ಧ ಸ್ಮಾರಕವನ್ನು ಒಂದನೇ ಹಾಗೂ ಎರಡನೇ ಮಹಾಯುದ್ಧದಲ್ಲಿ ಮರಣವನ್ನಪ್ಪಿದ ವೀರ ಸೈನಿಕರ ನೆನಪಿಗಾಗಿ ನಿರ್ಮಿಸಲಾಗಿದೆ. ಟೈಗರ್‌ ಬೆಟ್ಟದಿಂದ ಹಿಂತಿರುಗುವಾಗ ಅಥವಾ ಟಾಯ್‌ ಟ್ರೈನ್‌ನಲ್ಲಿ ಹೋಗುವಾದ ಈ ಸರ್ಕಲ್‌ ನೋಡಲು ತುಂಬಾ ಆಕರ್ಷಕವಾಗಿ ಕಾಣುವುದು.

ಪ್ರವಾಸಿಗರನ್ನು ಸೆಳೆಯಲು ಇರುವ ಆಕರ್ಷಣೆಗಳು
ರಿವರ್‌ ರ‍್ಯಾಫ್ಟಿಂಗ್
ಟ್ರೆಕ್ಕಿಂಗ್‌
ಟಾಯ್ ಟ್ರೈನ್‌ ಪ್ರಯಾಣ
ಹಿಮಾಲಯ ಮೌಂಟೆರಿಂಗ್‌ ಇನ್ಸಿಟ್ಯೂಟ್‌: ರಾಕ್‌ ಕ್ಲೈಬಿಂಗ್ ಇಲ್ಲಿಯ ಪ್ರಮುಖ ಆಕರ್ಷಣೆ.