ಬೆಳಗಾವಿಯಲ್ಲಿ ಪ್ರೇಕ್ಷಣೀಯ ಸ್ಥಳಗಳಿವು

ಬೆಂಗಳೂರಿನಿಂದ 502 ಕಿ.ಮೀ.ದೂರದಲ್ಲಿರುವ ಬೆಳಗಾವಿ ಕರ್ನಾಟಕದ ಪ್ರಮುಖ ಜಿಲ್ಲೆ ಹಾಗೂ ಹಲವು ಪ್ರೇಕ್ಷಣೀಯ ತಾಣಗಳನ್ನು ಹೊಂದಿದೆ. ರಟ್ಟರ ರಾಜಧಾನಿಯಾಗಿದ್ದ ಬೆಳಗಾವಿಯ ಪ್ರಾಚೀನ ಹೆಸರು ವೇಣು ಗ್ರಾಮ. ವೇಣು ಎಂದರೆ ಬಿದಿರು ಎಂದರ್ಥ.

ಇಲ್ಲಿ ಹೇರಳವಾಗಿ ಬಿದಿರು ಬೆಳೆಯುತ್ತಿದ್ದುದರಿಂದ ಈ ಹೆಸರು ಬಂದಿರಬಹುದು ಎಂದು ಹೇಳಲಾಗಿದೆ. ಈ ಜಿಲ್ಲೆಯಲ್ಲಿ ಬೆಳಗಾವಿ, ಅಥಣಿ, ರಾಯಭಾಗ, ಚಿಕ್ಕೋಡಿ, ಗೋಕಾಕ್‌, ಬೈಲಹೊಂಗಲ, ರಾಮದುರ್ಗ, ಸವದತ್ತಿ, ಖಾನಾಪುರ ತಾಲೂಕುಗಳಿವೆ. ಮುಖ್ಯವಾಗಿ ಇಲ್ಲಿ ಕೃಷ್ಣ, ಘಟಪ್ರಭಾ, ಮಲಪ್ರಭಾ, ದೋಣಿ ನದಿಗಳು ಹರಿಯುತ್ತವೆ.

ಇಲ್ಲಿಯ ಪ್ರಮುಖ ಪ್ರೇಕ್ಷಣೀಯ ಸ್ಥಳಗಳೆಂದರೆ ಗೋಕಾಕ್‌ ಜಲಪಾತ, ಗೊಡಚಿನ ಮುಲ್ಕಿ, ನವಿಲುತೀರ್ಥ, ಐತಿಹಾಸಿಕ ಕೋಟೆ, ಕಪಿಲೇಶ್ವರ ದೇವಸ್ಥಾನ, ಅಸತ್‌ ಖಾನ್‌ ದರ್ಗಾ, ವೈಜಿನಾಥ್‌ ಬೆಟ್ಟ, ಕಣಬುರ್ಗಿಯ ರಾಮತೀರ್ಥ, ಮಿಲಿಟರಿ ಮಹಾದೇವ ದೇವಸ್ಥಾನ, ಕಮಲ ಬಸ್ತಿ, ವಜ್ರಪೋಹ ಫಾಲ್ಸ್‌, ಗೋಡಚಿನ್ನ ಮಲ್ಲಿ ಫಾಲ್ಸ್‌, ಪರಸಗಡ ಕೋಟೆ, ಕಲಮಲ ನಾರಾಯಣ ದೇವಾಲಯ, ಸೈಂಟ್‌ ಮೇರಿಸ್‌ ಚರ್ಚ್‌, ಸಫಾ ಮಸೀದಿ ಮುಂತಾದ ಪ್ರೇಕ್ಷಣೀಯ ಸ್ಥಳಗಳನ್ನು ನೋಡಬಹುದಾಗಿದೆ.