ಕರ್ನಾಟಕದ ಸೀರೆ ಬ್ರಾಂಡ್ಸ್‌

ಮೈಸೂರು ಸಿಲ್ಕ್‌ ಸೀರೆ

Vijaya Karnataka Web

ಕರ್ನಾಟಕ ಎಂದರೆ ಮೈಸೂರು ಸಿಲ್ಕ್‌ ಸೀರೆ ಎನ್ನುವಷ್ಟು ಪ್ರಸಿದ್ಧವಾಗಿರುವ ಮೈಸೂರು ರೇಷ್ಮೆ ಸೀರೆಯ ಶ್ರೀಮಂತಿಕೆ ಮತ್ತು ರಾಯಲ್‌ ಬ್ಯೂಟಿಗೆ ಶತಮಾನಗಳ ಇತಿಹಾಸವಿದೆ. ಸುಮಾರು 15 ಮತ್ತು 16 ನೇ ಶತಮಾನದಲ್ಲಿ ಮೈಸೂರಿನ ಮಹಾರಾಜರಿಂದ ಅಭಿವೃದ್ಧಿಗೊಂಡ ರೇಷ್ಮೆ ಉದ್ಯಮ ಈಗ ಕೆಎಸ್‌ಐಸಿ ಒಡೆತನದಲ್ಲಿದೆ. ಮೈಸೂರು ಸಿಲ್ಕ್‌ ಬ್ರಾಂಡ್‌ನ ಸೀರೆಗಳು ಈಗಲೂ ದೇಶ, ವಿದೇಶಗಳಲ್ಲಿ ಪ್ರಸಿದ್ಧಿಯಾಗಿವೆ.

ಮೊಳಕಾಲ್ಮೂರು ಸೀರೆ

ಕನ್ನಡ ನಾಡಿನ ಇನ್ನೊಂದು ಹೆಮ್ಮೆಯ ಸೀರೆ ಬ್ರಾಂಡ್‌ ಅಂದರೆ ಮೊಳಕಾಲ್ಮೂರು ಸೀರೆ. ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ಎಂಬ ಪಟ್ಟಣದಲ್ಲಿ ನೇಯಲಾಗುವ ಈ ಸೀರೆ ಆ ಪ್ರದೇಶದ ಹೆಸರಿನ ಮೂಲಕವೇ ಪ್ರಸಿದ್ಧವಾಗಿದೆ. 2011ರಲ್ಲಿ ಜಿಐ ಮಾನ್ಯತೆ ಪಡೆದ ಈ ಸೀರೆಯ ವಿಶೇಷ ಅಂಚುಗಳೇ ಮನಮೋಹಕವಾಗಿರುತ್ತವೆ.

ಉಡುಪಿ ಸೀರೆ

ಅಳಿವಿನ ಅಂಚಿನಲ್ಲಿರುವ ಉಡುಪಿ ಸೀರೆಯೂ ಕರಾವಳಿ ಕರ್ನಾಟಕದ ಪ್ರಮುಖ ಸೀರೆ ಬ್ರ್ಯಾಂಡ್‌. ಜಿಐ ಮಾನ್ಯತೆ ಪಡೆದಿರುವ ಈ ಕೈಮಗ್ಗದ ಸೀರೆಗೆ ಕಾಯಕಲ್ಪ ಕೊಡುವ ಪ್ರಯತ್ನ ಜೋರಾಗಿಯೇ ನಡೆಯುತ್ತಿದೆ. ತಿಳಿ ಬಣ್ಣದ ಮೈ, ಗಾಢ ಬಣ್ಣದ ಅಂಚು ಮತ್ತು ಸೆರಗು ಹೊಂದಿರುವ ಉಡುಪಿ ಸೀರೆ ತನ್ನ ಸರಳ ಲುಕ್‌ನಿಂದಲೇ ಇಷ್ಟವಾಗುತ್ತದೆ.