*ಸದಾಶಿವ್‌ ಸೊರಟೂರು
ಸೀರೆ, ಡ್ರೆಸ್‌ ಅಥವಾ ಜೀನ್ಸ್‌ಗೆ ಹೋಲುವಂತಹÜ ಬ್ಯಾಗನ್ನು ಬಗಲಿಗೇರಿಸಿಕೊಂಡು ಕಂಕುಳಿಗೆ ತಬ್ಬಿಕೊಳ್ಳುವಂತೆ ಕಾಪಾಡಿಕೊಂಡು ಓಡಾಡುವ ಹುಡುಗಿಯರಿಗೆ ಬ್ಯಾಗ್‌ ಅಂದರೆ ವಿಶೇಷ ಮೋಹ. ಅದು ಅವರವರ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಅಥವಾ ಫ್ಯಾಷನ್‌ಗೆ ಸಂಬಂಧಿಸಿದ ಸಂಗತಿ ಇರಬಹುದು. ಬ್ಯಾಗ್‌ನಿಂದ ಸದಾ ಆಚೆ ಬರುತ್ತಿದ್ದ ಐಟಮ್‌ಗಳು ಚಿಕ್ಕ ಕನ್ನಡಿ, ಪೌಡ್ರು, ಕ್ರೀಮ್‌, ಒಂದಿಷ್ಟು ತಿನಿಸುಗಳು, ಹಣ ಮಡುಗುವ ಚಿಕ್ಕ ಪರ್ಸ್‌ ಇದುವರೆಗೂ ಇವಿಷ್ಟೇ ನಾವು ನೋಡಿದ್ದು. ಆದರೆ ಅಷ್ಟು ದೊಡ್ಡ ಬ್ಯಾಗಿನಲ್ಲಿ ಇಷ್ಟೇ ಐಟಮ್‌ಗಳಾ? ಇನ್ನೂ ಏನಾದರೂ ಇರಲೇಬೇಕು. ಅವರ ಪರ್ಮಿಷನ್‌ ಇಲ್ಲದೇ ಅವರ ಬ್ಯಾಗ್‌ ಮುಟ್ಟೋದು ಒಳ್ಳೆಯ ಲಕ್ಷ ಣ ಅಲ್ಲ. ಅದು ಅವಳಿಗೊಂದು ಪ್ರೈವೆಸಿ. ಅದು ಅವಳ ಹಕ್ಕು. ಗೌರವಿಸಬೇಕಾದ್ದು ನಮ್ಮ ಕರ್ತವ್ಯ. ಫ್ಯಾಷನ್‌ ಹೊರತಾಗಿಯೂ ಹೆಣ್ಣು ಮಕ್ಕಳು ತಮ್ಮ ಬ್ಯಾಗ್‌ ಅನ್ನು ರಕ್ಷೆಯ ಸೂತ್ರವನ್ನಾಗಿ ಬದಲಿಸಿಕೊಳ್ಳುವ ಅನಿವಾರ‍್ಯ ಇತ್ತೀಚೆಗೆ ಹೆಚ್ಚಿದೆ. ಸೇಫ್ಟಿ ಪಿನ್‌ ಕಡ್ಡಾಯವಾಗಿರಲಿ. ಗುಂಡುಪಿನ್‌ಗಳನ್ನು ಇಟ್ಟುಕೊಳ್ಳಿ. ಪರದಾಡುವುದು ತಪ್ಪ್ಪುತ್ತದೆ. ನೀವು ಒಂಟಿಯಾಗಿ ಓಡಾಡುವ ಸಮಯದಲ್ಲಿ ನಿಮ್ಮ ಅಪತ್ಕಾಲಕ್ಕೆ ಸಹಾಯಕ್ಕೆ ಬರುವುದು ಪೆಪ್ಪರ್‌ ಸ್ಪ್ರೇ. ಅದು ನಿಮ್ಮ ಬ್ಯಾಗಿನ ಕಾಯಂ ಮೆಂಬರ್‌ ಆಗಲಿ. ಚೆಂದ ಕಾಣಲು ಯಾರಿಗೆ ತಾನೇ ಇಷ್ಟವಿಲ್ಲ? ಹಾಗಂತ ಕಾಸ್ಮೆಟಿಕ್‌ ಮೂಟೆಯನ್ನು ಹೊತ್ತುಕೊಂಡು ಓಡಾಡುವುದಲ್ಲ. ಅವಶ್ಯಕ ಮತ್ತು ಲೈಟ್‌ ಮೇಕಪ್‌ ಕಿಟ್‌ ಇರಲಿ. ಬ್ಯಾಂಡೆಡ್‌ ನಿಮ್ಮ ಬ್ಯಾಗ್‌ನಲ್ಲಿರಲಿ. ತುರ್ತು ಸಮಯದಲ್ಲಿ ಗಾಯಗಳಾದಾಗ, ರಕ್ತ ಒಸರಿದಾಗ ಸಹಾಯಕ್ಕೆ ಬಂದೀತು. ಬಸ್‌ನ ರಶ್‌ನಲ್ಲೋ, ಜನಜಂಗುಳಿ ಮಧ್ಯದಲ್ಲೋ ಕಿವಿಯ ಒಂದು ಓಲೆ ಬಿದ್ದು ಹೋದಾಗ ತಕ್ಷ ಣ ಬದಲಾಯಿಸಲು ಇಯರಿಂಗ್ಸ್‌ ಇರಲಿ. ಬ್ಲಾಟಿಂಗ್‌ ಪೇಪರ್‌ ಇದ್ದರೆ ಧೂಳು, ಬೆವರುಗಳಿಂದ ಮುಖ ಸೋತು ಹೋದಾಗ ಒರಸಿಕೊಂಡು ಫ್ರೆಶ್‌ ಆಗಿ ಕಾಣಬಹುದು. ಫೈಲ್‌ಗಳನ್ನು ಈಜಿಯಾಗಿ ಕ್ಯಾರಿ ಮಾಡಲು ಸುಲಭವಾಗುವಂತೆ ಒಂದು ಪೆನ್‌ ಡ್ರೈವ್‌ ಸದಾ ನಿಮ್ಮ ಬ್ಯಾಗ್‌ನಲ್ಲಿರಲಿ. ಎಟಿಎಮ್‌ ಕಾರ್ಡ್‌, ಕ್ರೆಡಿಟ್‌ ಕಾರ್ಡ್‌, ಆಧಾರ್‌ ಕಾರ್ಡ್‌ ಮುಂತಾದವುಗಳನ್ನು ಇಡಲು ಕಾರ್ಡ್‌ ಹೋಲ್ಡರ್‌ ಒಂದನ್ನು ಖರೀದಿಸಿ ಅದರಲ್ಲಿಟ್ಟುಕೊಳ್ಳಿ. ಆರೋಗ್ಯಕರ ತಿನಿಸುಗಳು ವಿರಾಮ ವೇಳೆ, ಸಣ್ಣ ಹಸಿವು, ಬೇಜಾರು ಕಳೆಯಲು ಇವು ಸಹಾಯಕ್ಕೆ ಬರುತ್ತವೆ. ಎಲ್ಲಕ್ಕಿಂತ ಮುಖ್ಯವಾಗಿ ಸೆಲ್‌ಫೋನ್‌ನ ಚಾರ್ಜ್‌ ಇಂದಿನ ಪ್ರಥಮ ಆದ್ಯತೆ. ಅದಕ್ಕಾಗಿ ಒಂದು ಚಾರ್ಜರ್‌ ಸದಾ ನಿಮ್ಮ ಬ್ಯಾಗಿನಲ್ಲಿರಲಿ. ತಂತ್ರಜ್ಞಾನ ಅಧರಿತ ಸುರಕ್ಷೆ ನೀಡುವ ಆ್ಯಕ್ಸೆಸರೀಸ್‌ ನಿಮ್ಮ ಜತೆಗಿರಲಿ.