ವಿಮಾನ ಪ್ರಯಾಣಕ್ಕೆ ಮುನ್ನ...

ವಿಮಾನ ಪ್ರಯಾಣಕ್ಕೆ ಮುನ್ನ ಪ್ರಯಾಣಿಕರು ಒಂದಿಷ್ಟು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು.

ಇತ್ತೀಚಿನ ಸಂಶೋಧನೆಯ ವರದಿ ಪ್ರಕಾರ ವಿಮಾನದಲ್ಲಿ ಕೆಲವು ಪ್ರಯಾಣಿಕರ ಕೆಟ್ಟ ವರ್ತನೆಗಳು ಸಹ ಪ್ರಯಾಣಿಕರಿಗೆ ಕಿರಿಕಿರಿಯನ್ನು ಉಂಟುಮಾಡುತ್ತದೆ. ಉದಾಹರಣೆಗೆ, ಕೆಲವು ಪ್ರಯಾಣಿಕರು ಕುಡಿದು ಪ್ರಯಾಣಿಸುವುದು, ಕಾಲಿನಿಂದ ಮುಂದಿನ ಸೀಟುಗಳಿಗೆ ಒದೆಯುವುದು, ಮಕ್ಕಳ ಮೇಲೆ ಗಮನ ನೀಡದಿರುವದು ಎಲ್ಲವನ್ನು ಕಾಣಬಹುದು. ಈ ಕುರಿತಂತೆ ಎಕ್ಸ್‌ಪರ್ಟ್‌ ವಿಲಿಯಮ್‌ ಹಾನ್ಸನ್‌ ಒಂದಿಷ್ಟು ಟಿಫ್ಸ್‌ ನೀಡಿದ್ದಾರೆ.

1. ಸಿದ್ಧರಾಗಿರಿ

ಪ್ರಯಾಣದಲ್ಲಿ ಪ್ಲಾಸ್ಟಿಕ್‌ ಬಳಕೆಯನ್ನು ಬಳಸದಂತೆ ಮುಂಜಾಗ್ರತೆ ವಹಿಸಬೇಕು. ಪ್ರಯಾಣಕ್ಕೆ ಮೊದಲೇ ನಾವು ಎಲ್ಲಿ ಇಳಿಯಬೇಕು, ಎಲ್ಲಿ ಶಾಪಿಂಗ್‌ ಮಾಡಬೇಕು, ಯಾವ ಜಾಗಕ್ಕೆ ತಲುಪಬೇಕು ಎನ್ನುವುದನ್ನು ಮೊದಲೇ ಪ್ಲಾನ್‌ ಮಾಡಿಕೊಂಡಿರಬೇಕು.

2.ಸೋಂಕು ತಡೆಗಟ್ಟಿ

ಶೀತ-ನೆಗಡಿ ಆದವರು ಕಿಟಕಿ ಸೈಡಿನ ಸೀಟಿನಲ್ಲಿ ಕುಳಿತುಕೊಳುವುದು ಒಳ್ಳೆಯದು. ಡಿಹೈಡ್ರೇಷನ್‌ನಿಂದ ಪಾರಾಗಲು ಹೆಚ್ಚು ನೀರು ಕುಡಿಯಬೇಕು. ಕಡಿಮೆ ನಿದ್ರೆಯಿಂದ ಆರೋಗ್ಯ ಹದಗೆಡುತ್ತದೆ. ಹಾಗಾಗಿ ಪ್ರಯಾಣಿಕರು ಹಾಯಾಗಿ ನಿದ್ರಿಸಬೇಕು.

3.ರೂಲ್ಸ್‌ ಫಾಲೋ ಮಾಡಿ

ವಿಮಾನಕ್ಕೆ ಹತ್ತುವ ಮೊದಲು ಎಲ್ಲಿ ಮತ್ತು ಯಾವಾಗ ಹೊರಡುತ್ತದೆ, ಎನ್ನುವುದನ್ನು ಖಚಿತ ಪಡಿಸಿಕೊಳ್ಳಬೇಕು. ಮೊಬೈಲ್‌ನಲ್ಲಿ ಟ್ರಾವೆಲ್‌ ಆ್ಯಪ್‌ಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳುವುದರಿಂದ ಅಪ್‌ಡೇಟ್‌ಗಳನ್ನು ಮೊಬೈಲ್‌ ಮುಖಾಂತರವೇ ತಿಳಿಯಬಹುದು. ವಿಮಾನ ನಿಲ್ದಾನದಲ್ಲಿ ಸರಿಯಾಗಿ ಅನೌನ್ಸ್‌ಮೆಂಟ್‌ಗಳನ್ನು ಕೇಳಿಸಿಕೊಂಡು ಫಾಲೋ ಮಾಡಬೇಕು.

4.ಲಗೇಜುಗಳ ಮಿತಿ

ವಿಮಾನ ನಿಲ್ದಾಣಕ್ಕೆ ತಲುಪುವ ಮುನ್ನ ಲಗೇಜುಗಳ ಭಾರ ಮತ್ತು ಮಿತಿಯನ್ನು ಪರೀಕ್ಷಿಸಿಕೊಳ್ಳಬೇಕು. ಕೈಯಲ್ಲಿ ಕೊಂಡೊಯ್ಯುವ ಬ್ಯಾಗ್‌ಗಳ ಪ್ರಮಾಣ ತಿಳಿದಿರಲಿ ಹಾಗು ಯಾವ ವಸ್ತುಗಳನ್ನು ತೆಗೆದುಕೊಂಡು ಹೋಗಬಾರದು ಎಂಬುದನ್ನು ಮೊದಲೇ ತಿಳಿದುಕೊಳ್ಳಬೇಕು.

5.ಸಿಟ್ಟಿಂಗ್‌ ಮ್ಯಾನರ್ಸ್‌

ವಿಮಾನ ಪ್ರಯಾಣದಲ್ಲಿ ಸಿಟ್ಟಿಂಗ್‌ ಬಗ್ಗೆ ತಿಳಿದುಕೊಂಡಿರಬೇಕಾದ್ದು ಅತ್ಯಾವಶ್ಯಕ. ಉದಾಹರಣೆಗೆ, ಫುಡ್‌ ಸೇವಿಸುವ ಸಂದರ್ಭದಲ್ಲಿ ಹಿಂದೆ-ಮುಂದೆ ಇರುವ ಪ್ರಯಾಣಿಕರಿಗೆ ತೊಂದರೆಯಾಗದಂತೆ ಕುಳಿತುಕೊಳ್ಳಬೇಕು. ಯಾಕೆಂದರೆ, ನಮ್ಮ ಬಾಗಿದ ಸೀಟು ಬೇರೆಯವರಿಗೆ ಕಿರಿ-ಕಿರಿ ಉಂಟುಮಾಡಬಹುದು.