ಆಹ್ಲಾದಕರವಾಗಿರಲಿ ಬೇಸಿಗೆ ದಿನಗಳು

ಬೇಸಿಗೆಯಲ್ಲಿ ಏರ್‌ ಕಂಡೀಷನರ್‌ ಇಲ್ಲದಿದ್ದರೆ ಸೆಕೆಯನ್ನು ಸಹಿಸಿಕೊಳ್ಳುವುದು ಬಲು ಕಷ್ಟ. ಹೀಗಿದ್ದರೂ ಮನೆಯಲ್ಲಿ ತಂಪು ಹವೆಯನ್ನು ಸೃಷ್ಟಿಸಿ ಎಂಜಾಯ್‌ ಮಾಡಬಹುದು. ಸುಡು ಬೇಸಿಗೆಯ ದಿನಗಳಲ್ಲಿಯೂ ಆರಾಮವಾಗಿರಬಹುದು. ಇದು ಹೇಗೆ ಅಂತೀರಾ. ಇಲ್ಲಿದೆ ಕೆಲವು ಟಿಪ್ಸ್.

ಹೀಗೆ ಮಾಡಿ ನೋಡಿ

ನಿಮ್ಮ ಕೊಠಡಿಯಲ್ಲಿ ಕೆಳಮಟ್ಟದಲ್ಲಿರುವ ಫ್ಯಾನ್‌ಗಳನ್ನು ಬಳಸುವುದರಿಂದ ಬೇಗ ಕೂಲ್‌ ಆಗಬಹುದು. ಯಾಕೆಂದರೆ, ಆಗ ಗಾಳಿ ನೇರವಾಗಿ ಬೀಸುತ್ತಿರುತ್ತದೆ. ಒಂದು ವೇಳೆ ಮಲಗಿ ನಿದ್ರಿಸುವಾಗ ನೇರವಾಗಿ ಬೀಸುವ ಗಾಳಿ ಇಷ್ಟವಾಗದಿದ್ದರೆ, ಕಿಟಕಿಯ ಬಳಿ ಫ್ಯಾನ್‌ ಇಡಿ. ಫ್ರೆಶ್‌ ಗಾಳಿ ಬೀಸುತ್ತದೆ. ವಾತಾವರಣದಲ್ಲಿನ ಹವೆ ಬದಲಾಗುತ್ತದೆ.

ತಣ್ಣೀರು ಬಳಕೆ

ಕೆಲವರು ಸದಾ ಬಿಸಿ ನೀರಿನಲ್ಲಿ ಸ್ನಾನ ಮಾಡುತ್ತಾರೆ. ಬೇಸಿಗೆ ಬಂದ ತಕ್ಷಣ ಏಕಾಏಕಿ ತಣ್ಣೀರು ಸ್ನಾನ ಮಾಡಲಾರಂಭಿಸುತ್ತಾರೆ. ಈ ದಿಢೀರ್‌ ಬದಲಾವಣೆಯಿಂದ
ಅಲ್ಪ ದಿನಗಳ ಅನಾರೋಗ್ಯವಾದರೂ ಆಗಬಹುದು. ಆದ್ದರಿಂದ ಕ್ರಮೇಣ ಬಿಸಿ ನೀರನ್ನು ಕಡಿಮೆ ಮಾಡುತ್ತಾ ತಣ್ಣೀರಿಗೆ ಹೊಂದಿಕೊಳ್ಳುವುದು ಸೂಕ್ತ.

ತಲೆಗೂದಲಿನ ಸೂಕ್ತ ಆರೈಕೆಯೂ ಬಿಸಿಲಿನ ಕಾಲದಲ್ಲಿ ಮುಖ್ಯ. ಸಾಯಂಕಾಲದ ಹೊತ್ತು ಕನಿಷ್ಠ ಅರ್ಧ ಗಂಟೆಯಾದರೂ ಮನೆಯ ತಾರಸಿಯ ಮೇಲೆ ವಿರಮಿಸಿ. ತಂಗಾಳಿಗೆ ಮೈಮನ ಆಹ್ಲಾದವಾಗುತ್ತದೆ. ಬಕೆಟ್‌ನಲ್ಲಿ ನೀರು ತುಂಬಿ ಕಾಲುಗಳನ್ನು ಅದರೊಳಗೆ ಇಡಿ. ಈಜುವಿಕೆಯಿಂದ ಆಯಾಸ ದೂರವಾಗುತ್ತದೆ.