ಡೇ ಸ್ಪೆಷಲ್‌: ಪೈನಾ ಕೊಲಡಾ ಡೇ

ಇತ್ತೀಚೆಗೆ ಜನಪ್ರಿಯವಾಗುತ್ತಿರುವ ಪೈನಾ ಕೊಲಡಾ ಎಂಬ ಕಾಕ್‌ಟೆಲ್‌ ಮೂಲತಃ ಅತ್ಯಂತ ಹಳೆಯ ತಂಪು ಪಾನೀಯ. ಪೊರ್ಟೊರಿಕೊ ಎಂಬ ಕೆರಿಬಿಯನ್‌ ದ್ವೀಪದ ಸಾಂಪ್ರದಾಯಿಕ ಪಾನೀಯವಾಗಿರುವ ಇದು ಈಗ ಯುವಜನರ, ಪಾರ್ಟಿ ಪ್ರಿಯರ ಮತ್ತು ಪಿಕ್ನಿಕ್‌ ಪ್ರಿಯರ ಮೆಚ್ಚಿನ ಕಾಕ್‌ಟೆಲ್‌ ಆಗಿದೆ. ಭಾರತದಲ್ಲೂ ಸಿಹಿ ಮತ್ತು ಹುಳಿ ರುಚಿಯ ಪೈನಾ ಕೊಲಡಾಕ್ಕೆ ಡಿಮಾಂಡ್‌ ಇದೆ. ಪೈನಾಪಲ್‌ ಜ್ಯೂಸ್‌, ರಮ್‌, ಕೋಕೊನಟ್‌ ಕ್ರೀಮ್‌ ಮತ್ತು ತೆಂಗಿನ ಹಾಲು ಬಳಸಿ ಮಾಡುವ ಇದನ್ನು ಗಾಜಿನ ಲೋಟದಲ್ಲಿ ಐಸ್‌ ಹಾಕಿ ಸರ್ವ್‌ ಮಾಡಲಾಗುತ್ತದೆ. ಗ್ಲಾಸ್‌ನ ಅಂಚಿಗೆ ಪೈನಾಪಲ್‌ ಹೋಳಿನ ಅಲಂಕಾರ ಮಾಡಿರುತ್ತಾರೆ.

ಹತ್ತೊಂಬತ್ತನೆ ಶತಮಾನದಲ್ಲಿ ಬಳಕೆಯಲ್ಲಿದ್ದ ಪೈನಾ ಕೊಲಡಾವನ್ನು 1954 ರಲ್ಲಿ ಬಾರ್ಸಿಲೋನಾದ ಮಿಕ್ಸಾಲಜಿಸ್ಟ್‌ ರಿಕಾರ್ಡೊ ಗಾರ್ಸಿಯ ಮರು ಅನ್ವೇಷಣೆ ಮಾಡಿದರು. ಈ ಕಾಕ್‌ಟೆಲ್‌ನಲ್ಲಿ ಪೈನಾಪಲ್‌ ಜ್ಯೂಸ್‌, ರಮ್‌ ಮತ್ತು ತೆಂಗಿನ ಹಾಲಿನ ಪರಿಪೂರ್ಣ ಮಿಕ್ಸಿಂಗ್‌ ಅತಿ ಪ್ರಮುಖವಾದದ್ದು. ಮಿಕ್ಸಿಂಗ್‌ ಸರಿಯಾದಾಗಲೇ ಇದರ ನೈಜ ರುಚಿ ಹೊರಹೊಮ್ಮುತ್ತದೆ. ಈ ಬಿಳಿ ಕಾಕ್‌ಟೆಲ್‌ನ ಜನಪ್ರಿಯತೆ ಎಷ್ಟಿದೆಯೆಂದರೆ ಇದಕ್ಕೂ ಒಂದು ವಿಶೇಷ ದಿನವಿದೆ. ಅದುವೇ ಜುಲೈ 10. ಇಂದು ವಿವಿಧ ದೇಶಗಳು ಪೈನಾ ಕೊಲಡಾ ದಿನ ಆಚರಿಸುತ್ತವೆ.