ಬೇಸಿಗೆಯೂ ಚಂದ ಎಂದ ಅನುಪಮಾ ಹೆಗಡೆ

ಲವಲವಿಕೆಸುದ್ದಿಲೋಕ

ಉರಿ ಬಿಸಿಲಿನಲ್ಲಿರುವಾಗ ತಲೆಗೆ ಕ್ಯಾಪ್‌ ಧರಿಸುವುದನ್ನು ಮರೆಯಬೇಡಿ. ಮುಖಕ್ಕೆ ನೆರಳು ಬೀಳುವಂತಿರಲಿ. ಬಿಸಿಲಿನಲ್ಲೇ ಇರಬೇಕಾದ ಸಂದರ್ಭವಿದ್ದಾಗ, ಆದಷ್ಟು ನೆರಳಿರುವ ಜಾಗವನ್ನೇ ಆಯ್ದುಕೊಳ್ಳಿ ಎನ್ನುತ್ತಾರೆ ನಟಿ, ಮಾಡೆಲ್‌ ಅನುಪಮಾ ಹೆಗಡೆÜ. ಸಮ್ಮರ್‌ನಲ್ಲಿ ಪಾಲಿಸಬೇಕಾದ ಒಂದಿಷ್ಟು ಸಲಹೆಗಳನ್ನು ಲವಲವಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ.

ತಂಪಾಗಿರಿ

ಈ ಸೀಸನ್‌ನಲ್ಲಿ ಸಾಧ್ಯವಾದರೆ, ಹೊರಗಿನ ಫೀಲ್ಡ್‌ ಕೆಲಸವನ್ನು ಬೆಳಗಿನ ಸಮಯ ಅಥವಾ ಸಂಜೆ ಸಮಯವನ್ನು ಆಯ್ಕೆ ಮಾಡಿಕೊಳ್ಳಿ. ಬಿಸಿಲಿನಲ್ಲಿರುವಾಗ ತಣ್ಣನೆಯ ನೀರನ್ನು ಸೇವಿಸುವ ಅಭ್ಯಾಸ ಮಾಡಿಕೊಳ್ಳಿ ಎನ್ನುತ್ತಾರೆ ಅನುಪಮಾ.

ನೀರಿನಂಶ ಹೆಚ್ಚಿಸಿಕೊಳ್ಳಿ.

ಬೇಸಿಗೆಯಲ್ಲಿ ನೀರಿನಿಂದ, ಗಾಳಿಯಿಂದ ಹರಡುವಂತಹ ಖಾಯಿಲೆಗಳು ಬರದಂತೆ ಎಚ್ಚರಿಕೆ ವಹಿಸಬೇಕು. ಇದಕ್ಕಾಗಿ ಕಾಯಿಸಿ ಆರಿಸಿದಂತಹ ನೀರನ್ನು ಕುಡಿಯುವುದು ಉತ್ತಮ. ಹೆಚ್ಚು ನೀರನ್ನು ಕುಡಿಯುವುದರಿಂದ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದನ್ನು ತಡೆಯಬಹುದು. ನೀರಿನೊಂದಿಗೆ ಎಳನೀರು, ಮಜ್ಜಿಗೆ ಮುಂತಾದ ರಾಸಾಯನಿಕ ಮಿಶ್ರಣವಿಲ್ಲದ ತಂಪು ಪಾನೀಯಗಳನ್ನು ಆಗಾಗ್ಗೆ ಸೇವಿಸುತ್ತಿರಬೇಕು ಎನ್ನುತ್ತಾರೆ ಅನುಪಮಾ.

ಬೇಸಿಗೆಗೆ ಕಂಫರ್ಟಬಲ್‌ ಡ್ರೆಸ್‌ಕೋಡ್‌

ಹೆಚ್ಚು ಭಾರವಿಲ್ಲದ, ಹಗುರವಾದ ಕಾಟನ್‌ ಬಟ್ಟೆಗಳನ್ನು ಬೇಸಿಗೆಯಲ್ಲಿ ಧರಿಸಬೇಕು. ಹಾಗೂ ಲೈಟ್‌ ಕಲರ್‌ ಬಟ್ಟೆಗಳನ್ನು ಧರಿಸಬೇಕು. ಹೆಚ್ಚು ಗಾಢವಾದ ಕಲರ್‌ನ ಬಟ್ಟೆಗಳಾದ ಕೆಂಪು, ಕಂಪು ಮುಂತಾದ ಬಣ್ಣದ ಬಟ್ಟೆಗಳನ್ನು ಧರಿಸುವುದರಿಂದ ಸೆಖೆ ಹೆಚ್ಚಾಗುತ್ತದೆ ಎಂಬುದು ಅವರ ಅಭಿಪ್ರಾಯ