ಚಳಿಗಾಲವನ್ನು ಪ್ರೀತಿಸುವ ಭಾವನಾ ಭಟ್‌

ಲವಲವಿಕೆಸುದ್ದಿಲೋಕ

Vijaya Karnataka Web

ಚಳಿಗಾಲವನ್ನು ಖುಷಿಯಿಂದಲೇ ಕಳೆಯುತ್ತೇನೆ ಎನ್ನುವ ಮಾಡೆಲ್‌ ಕಮ್‌ ನಟಿ ಭಾವನಾ ಭಟ್‌ ಚುಮು ಚುಮು ಚಳಿಯ ಸೀಸನ್‌ನನ್ನು ಇಷ್ಟಪಡುತ್ತಾರಂತೆ. ಸೀಸನ್‌ ಬಗ್ಗೆ ಮಾತನಾಡಿರುವ ಅವರು ಸಿಲೆಬ್ರಿಟಿ ಟಿಫ್ಸ್‌ ಕಾಲಂನಲ್ಲಿ ಒಂದಿಷ್ಟು ಸಿಂಪಲ್‌ ಸಲಹೆಗಳನ್ನು ನೀಡಿದ್ದಾರೆ.

ಆರೋಗ್ಯಕರ ರುಟೀನ್‌

ಚಳಿಗಾಲದಲ್ಲಿ ಬಿಸಿ ಬಿಸಿ ಊಟ ಹಾಗೂ ತಿನಿಸನ್ನು ಸೇವಿಸುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಅಲ್ಲದೇ ಜಿಮ್‌ ವರ್ಕೌಟ್‌ ಯಾವುದೇ ಕಾರಣಕ್ಕೂ ನಿಲ್ಲಿಸಬಾರದು ಎನ್ನುತ್ತಾರೆ ಅವರು. ನನಗಂತೂ ಚಳಿಯಲ್ಲಿ ಬೆಚ್ಚಗೆ ಮನೆಯಲ್ಲಿ ಹಾಟ್‌ ಫುಡ್‌ ಸವಿಯುತ್ತಾ ಟಿವಿ ನೋಡುವುದೆಂದರೇ ಬೆಸ್ಟ್‌ ಟೈಮ್‌ಪಾಸ್‌ ಎನ್ನುತ್ತಾರೆ ಭಾವನಾ.

ಈ ಸೀಸನ್‌ನಲ್ಲಿ ನನಗೆ ಹಿಲ್‌ಸ್ಟೇಷನ್‌ಗೆ ಹೋಗುವುದೆಂದರೆ ಬಲು ಇಷ್ಟ. ನನ್ನ ಪೆರೇಂಟ್ಸ್‌ ಜತೆಗೆ ಹೋಗುವುದೆಂದರೇ ನನಗೆ ಇಷ್ಟ. ಟ್ರಾವೆಲ್‌ ಮಾಡುವ ಸಂದರ್ಭದಲ್ಲಿ ಹೊರಗಿನ ಪ್ರಪಂಚದ ಜತೆ ನೆಟ್‌ವರ್ಕ್‌ ಕಟ್‌ ಮಾಡಿಕೊಳ್ಳುತ್ತೇನೆ. ಟ್ರಾವೆಲ್‌ ಸಮಯವನ್ನು ಕಂಪ್ಲೀಟ್‌ ಎಂಜಾಯ್‌ ಮಾಡುತ್ತೇನೆ ಎನ್ನುವ ಅವರು, ಟ್ರಾವೆಲ್‌ ಮಾಡುವವರು ಆದಷ್ಟೂ ಸಿಕ್ಕ ಅಮೂಲ್ಯ ಸಮಯವನ್ನು ಸದಪಯೋಗಪಡಿಸಿಕೊಳ್ಳಬೇಕು ಎಂದು ಸಲಹೆ ನೀಡುತ್ತಾರೆ.

ಪರ್ಫೆಕ್ಟ್ ಔಟ್‌ಫಿಟ್‌

ವಿಂಟರ್‌ಗೆ ಬೆಚ್ಚಗಿನ ಉಡುಪು ಧರಿಸುವದುಉ ಸೂಕ್ತ. ಗ್ಲಾಮರ್‌ ಹೆಸರಲ್ಲಿ ಸೂಕ್ತ ಔಟ್‌ಫಿಟ್‌ ಧರಿಸದಿದ್ದರೆ ಅನಾರೋಗ್ಯಕ್ಕೀಡಾಗಬಹುದು ಎನ್ನುತ್ತಾರೆ ಭಾವನಾ.

ಅಧಿಕ ನೀರು

ಚಳಿಗಾಲದಲ್ಲೂ ದೇಹಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ನೀರಿನಂಶ ಬೇಕು. ಚಳಿಗಾಲದಲ್ಲಿ ಕಡಿಮೆ ನೀರು ಕುಡಿಯುವುದರಿಂದ ಆರೋಗ್ಯವು ಹದಗೆಡುತ್ತದೆ. ಯಾಕೆಂದರೆ ವಾತಾವರಣವು ಶೀತಗಾಳಿಯಿಂದ ಕೂಡಿರುವುದರಿಂದ ನೀರು ಸೇರುವುದಿಲ್ಲ. ಕನಿಷ್ಠ 2 ರಿಂದ 3 ಲೀಟರ್‌ ನೀರು ಕುಡಿಯುವುದನ್ನು ಮರೆಯಬೇಡಿ. ಆದಷ್ಟೂ ಉಗುರು ಬೆಚ್ಚಗಿನ ಬಿಸಿನೀರನ್ನು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ ಎನ್ನುತ್ತಾರೆ.