ಸಮ್ಮರ್‌ಗೆ ಬದಲಾಗುವ ಅಥಿಯಾ ಲೈಫ್‌ಸ್ಟೈಲ್‌

ವರ್ಷದಲ್ಲಿ ಬರುವ ಎಲ್ಲಾ ಸೀಸನ್‌ಗೂ ತಕ್ಕಂತೆ ಬದಲಾಗುವುದು ನನ್ನ ಲೈಫ್‌ಸ್ಟೈಲ್‌. ಆಯಾ ಹವಾಮಾನಕ್ಕೆ ತಕ್ಕಂತೆ ಆರೈಕೆ ಹಾಗೂ ಲೈಫ್‌ಸ್ಟೈಲ್‌ ರೂಢಿಸಿಕೊಂಡಿದ್ದೇನೆ ಎನ್ನುತ್ತಾರೆ ನಟಿ ಅಥಿಯಾ.

ಅಥಿಯಾಗೆ ಟ್ರಾವೆಲ್‌ ಮಾಡುವುದು ಕೂಡ ಬಹಳ ಇಷ್ಟವಂತೆ. ಹೋದ ಕಡೆಯೆಲ್ಲಾ ಅಲ್ಲಿನ ಸಂಸ್ಕೃತಿ ಹಾಗೂ ಟ್ರೆಂಡ್‌ಗಳನ್ನು ತಿಳಿದುಕೊಳ್ಳುತ್ತಾರಂತೆ. ಟ್ರಾವೆಲ್‌ ಮಾಡುವುದು ವ್ಯಕ್ತಿಯ ಜ್ಞಾನವನ್ನು ಹೆಚ್ಚಿಸುವುದು ಮಾತ್ರವಲ್ಲ, ಲೈಫ್‌ಸ್ಟೈಲ್‌ ಬದಲಾವಣೆಗೆ ಕಾರಣವಾಗುತ್ತದೆ ಎನ್ನುತ್ತಾರೆ.

ಪೆಟ್‌ ಅನಿಮಲ್‌ಗಳನ್ನು ಕೇರ್‌ ಮಾಡಿ
ಬೇಸಿಗೆಯಲ್ಲಿ ಶ್ವಾನಗಳನ್ನು ಆದಷ್ಟೂ ನೆರಳಿನ ಪ್ರದೇಶದಲ್ಲಿರಿಸಿ. ಶ್ವಾನಗಳಿಗಾಗಿಯೇ ನೆರಳಿರುವಂತಹ ಜಾಗ, ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ ಮಾಡಿ. ಸುಡು ಬಿಸಿಲಿಗೆಬಹಳ ಬೇಗ ನಿತ್ರಾಣಗೊಳ್ಳುತ್ತವೆ. ವಾಕಿಂಗ್‌ಗೆ ಸೂರ್ಯ ನೆತ್ತಿಗೆರುವ ಮುನ್ನ ಕರೆದುಕೊಂಡು ಹೋಗಿ. ಸೂರ್ಯ ಮುಳುಗಿದ ನಂತರ ಕರೆದುಕೊಂಡು ಹೋಗುವುದು ಉತ್ತಮ ಎನ್ನುತ್ತಾರೆ.

ಅಥಿಯಾ ಅಭಿರುಚಿ
ಅಥಿಯಾ ಹೋಂ ಬರ್ಡ್‌ ಅಂತೆ, ಮನೆ ಪಾರ್ಟಿಗಳಿಗೆ ಹೆಚ್ಚಿನ ಒತ್ತು ನೀಡುತ್ತಾರಂತೆ. ಸಾಮಾಜಿಕ ತಾಣಗಳಲ್ಲಿ ಹೆಚ್ಚು ಕಾಲ ಕಳೆಯುತ್ತೇನೆ ಎನ್ನುವ ಅಥಿಯಾಗೆ ಕೊಂಚ ಫ್ರೀ ಟೈಮ್‌ ಸಿಕ್ಕರೂ ಮ್ಯೂಸಿಕ್‌ ಕೇಳುತ್ತಾರಂತೆ. ಇನ್ನುಳಿದ ಸಮಯ ಸಿಕ್ಕಗಾಲೆಲ್ಲ ಸ್ನೇಹಿತರೊಂದಿಗೆ ಹರಟೆ ಹೊಡೆಯುವುದು ಒತ್ತಡ ನಿವಾರಿಸಿಕೊಳ್ಳಲು ಕಂಡು ಕೊಂಡ ಸುಲಭದ ದಾರಿಯಂತೆ.

ಮನೆ ಊಟಕ್ಕೆ ಹೆಚ್ಚಿನ ಒತ್ತು ಕೊಡುತ್ತೇನೆ. ಟಿಪಿಕಲ್‌ ಮಂಗಳೂರಿನ ಫುಡ್‌ ಇಷ್ಟ. ಅದರ ಜೊತೆಗೆ ಡಯಟ್‌ ಫುಡ್‌ ಫಾಲೋ ಮಾಡುತ್ತೇನೆ. ಹೋಮ್‌ಮೇಡ್‌ ಫುಡ್ಡನ್ನು ಇಷ್ಟ ಪಟ್ಟು ಸವಿಯುತ್ತೇನೆ ಎನ್ನುವ ಅಥಿಯಾ ಸೀಸನ್‌ಗೆ ಸೂಟ್‌ ಆಗುವ ಐಸ್‌ಕ್ರೀಮ್‌ ಹಾಗೂ ತಂಪಾಗಿರಿಸುವ ತಿನಿಸುಗಳನ್ನು ಸವಿಯುತ್ತಾರಂತೆ. ಈ ಸೀಸನ್‌ನಲ್ಲಿ ಇವು ಕೂಲಾಗಿರಿಸಲು ಸಹಕಾರಿ ಎನ್ನುತ್ತಾರೆ.

ಸಮ್ಮರ್‌ ಮಸಾಜ್‌
ನಿಯಮಿತವಾಗಿ ಹೆಡ್‌ ಮಸಾಜ್‌ ಹಾಗೂ ಸ್ಪಾ ಗಳಲ್ಲಿ ಬಾಡಿ ಮಸಾಜ್‌ಗೊಳಗಾಗುವುದು ಅಥಿಯಾ ಅಭ್ಯಾಸಗಳಲ್ಲೊಂದು. ಈ ಸೀಸನ್‌ನಲ್ಲಿ ಹೆಡ್‌ ಮಸಾಜ್‌ ಮಾಡಿಕೊಳ್ಳಿ ಎನ್ನುತ್ತಾರೆ.

ಫಿಟ್ನೆಸ್‌ಗೆ ಡಾನ್ಸ್‌ ಸಾಥ್‌
ಡಾನ್ಸ್‌ ಮಾಡುವುದು ಮೆಚ್ಚಿನ ಹವ್ಯಾಸಗಳಲ್ಲೊಂದು ಎನ್ನುವ ಅಥಿಯಾ ಸಮಯ ಸಿಕ್ಕಾಗಲೆಲ್ಲಾ ಹಾಡುತ್ತಿರುತ್ತಾರಂತೆ. ಡಾನ್ಸ್‌ ವರ್ಕೌಟ್‌ ಅಷ್ಟೇ ಪರಿಣಾಮಕಾರಿ ಎನ್ನುವ ಅವರಿಗೆ ಟ್ರಾವೆಲ್‌ ಮಾಡುವುದು ಇಷ್ಟವಂತೆ.

ಬೇಸಿಗೆಯಲ್ಲಿ ನಮ್ಮ ಜೀವನಶೈಲಿ ಬದಲಾಗುತ್ತದೆ. ಡಯಟ್‌ನಲ್ಲೂ ಏರುಪೇರಾಗುತ್ತದೆ. ಹಾಗಾಗಿ ಆರೋಗ್ಯಕರ ಡೈಲಿ ರುಟೀನ್‌ ರೂಢಿಸಿಕೊಳ್ಳಬೇಕು.
ಅಥಿಯಾ ಶೆಟ್ಟಿ, ನಟಿ.