ಪಾರಿಜಾತ
ಟ್ರೆಂಡಿಯಾಗಿರುವ ಕಲರ್‌ಫುಲ್‌ ಕ್ರಿಸ್ಮಸ್ ಟ್ರೀಗಳು ಎಲ್ಲೆಡೆ ರಾರಾಜಿಸುತ್ತಿವೆ. ಶಾಪಿಂಗ್‌ ಸೆಂಟರ್‌, ಮಾಲ್‌, ರಸ್ತೆಗಳು ಹೀಗೆ ಎಲ್ಲೆಡೆ ನಾನಾ ವೆರೈಟಿ ಕ್ರಿಸ್ಮಸ್ ಟ್ರೀಗಳು ಎಲ್ಲೆಡೆ ಎಲ್ಲರನ್ನೂ ಸೆಳೆಯುತ್ತಿವೆ.
ಪ್ರತಿ ವರ್ಷವೂ ಒಂದೇ ರೀತಿಯ ಕ್ರಿಸ್ಮಸ್ ಟ್ರೀ ಅಲಂಕಾರ ಬೋರ್‌ ಅನಿಸಬಹುದು ಅದಕ್ಕೆಂದೆ ಹೊಸ ರೀತಿಯ ಅಲಂಕಾರದ ಪ್ರಯತ್ನ ನಡೆಯುತ್ತಲೇ ಇರುತ್ತದೆ. ಇಂತಹ ಅಲಂಕಾರಕ್ಕೆ ಮಾರುಕಟ್ಟೆಯಲ್ಲಿ ವಿವಿಧ ಸಾಮಗ್ರಿಗಳು ದೊರೆಯುತ್ತವೆ. ವಿವಿಧ ಥೀಂ ನ ವಿವಿಧ ಮಾಡರ್ನ್‌ ಟಚ್‌ ಇರುವ ಡೇಕೊರೇಷನ್‌ ಇಂದಿನ ಟ್ರೆಂಡಾಗಿದೆ. ಇಲ್ಲಿದೆ ಕ್ರಿಸ್‌ ಮಸ್‌ ಟ್ರೀ ವಿಶೇಷ ಡೆಕೊರೇಷನ್‌ಗೆ ಕೆಲವು ಐಡಿಯಾಗಳು ಪ್ರಯತ್ನಿಸಿ.
ವುಡ್‌ ಲ್ಯಾಂಡ್‌ ಟ್ರೀ
ಉತ್ತಮ ಆಕಾರ ನೀಡಿದ ಕ್ರಿಸ್ಮಸ್ ಟ್ರೀ ಯನ್ನು ಕ್ಯಾಂಡಿಕ್ಯಾನ್‌ ಶೇಡ್‌ ನೀಡುವ ಕೆಂಪು ಮತ್ತು ಗೋಲ್ಡನ್‌ ಬಣ್ಣದ ದೊಡ್ಡ ರಿಬ್ಬನ್‌ನಿಂದ ಅಲಂಕರಿಸಿ ಅಂದಗೊಳಿಸಬಹುದು. ಕಾರ್ಡ್‌ ಬೋರ್ಡ್‌ನಿಂದ ಸಣ್ಣ ಜಿಂಕೆ, ಗೂಬೆ ಇತ್ಯಾದಿ ಗಳನ್ನು ಕತ್ತರಿಸಿ ಟ್ರೀ ಮಧ್ಯೆ ಅಲ್ಲಲ್ಲಿ ತೂಗು ಹಾಕಿ, ವಿವಿಧ ಹೂ ಆಕೃತಿಯನ್ನು ಗೋಲ್ಡ್‌ ಬಣ್ಣದ ಸ್ಟಾರ್‌ಗಳನ್ನು ತೂಗು ಹಾಕಿ ವುಡ್‌ ಕಲರ್‌ ರಿಬ್ಬನ್‌ ನಿಂದ ಟ್ರೀ ತಳಭಾಗವನ್ನು ಅಲಂಕರಿಸಿ ವುಡ್‌ ಲ್ಯಾಂಡ್‌ ಟಚ್‌ ನೀಡಬಹುದು.
ಬ್ಲೂ ಮತ್ತು ಗೊಲ್ಡ್‌ ಟ್ರೀ
ನೀಲಿ ಹಾಗು ಗೋಲ್ಡ್‌ ಬಣ್ಣದ ಬಾಲ್ಸ್‌, ಸ್ಟಾರ್ಸ್‌, ರಿಬ್ಬನ್‌ ಬಳಸಿ ಟ್ರೀ ಯನ್ನು ಅಲಂಕರಿಸಬಹುದು. ವಿವಿಧ ಆಕೃತಿಯ ನೀಲಿ ಬಣ್ಣದ ಕ್ರಿಸ್ಟಲ್‌ ಅಲಂಕಾರಿಕ ವಸ್ತುಗಳನ್ನು ಬಳಸಿ ಆಕರ್ಷಕವಾಗಿ ಕಾಣುವಂತೆ ಜೋಡಿಸಬಹುದು. ಮಿನುಗುವ ಹೊಳಪುಳ್ಳ ಆಕರ್ಷಕ ವಸ್ತುಗಳು ಟ್ರೀ ಗೆ ಮೆರುಗನ್ನು ನೀಡುತ್ತವೆ.
ಚೈಲ್ಡ್‌ ಪ್ರೂಫ್‌ ಕ್ರಿಸ್‌ ಮಸ್‌ ಟ್ರೀ
ಅದ್ಭುತ ಲೋಕದ ಹಿಮಾವೃತದಲ್ಲಿನ ಟ್ರೀ ಮಾದರಿಯಲ್ಲಿ ಮಿನುಗುವ ಸಿಲ್ವರ್‌ ಬಣ್ಣದ ಒಡೆಯದ ಅಲಂಕಾರಿಕ ವಸ್ತುಗಳನ್ನು, ಗ್ಲಾಸ್‌ ಬಾಲ್ಸ್‌ ಹಾಗು ಸ್ಟಾರ್‌ ಬಳಸಿ ಟ್ರೀ ಡೇಕೋರೆಟ್‌ ಮಾಡಬಹುದು. ಆಕರ್ಷಕ ಬಿಳಿಯ ಬಣ್ಣದ ರಬ್ಬನ್‌ ಅಲಂಕಾರ ಸುಂದರ ಮೆರುಗನ್ನು ನೀಡುತ್ತದೆ. ಮಕ್ಕಳ ತುಂಟಾಟಕ್ಕೆ ಟ್ರೀ ಹಾಳಾಗದಂತೆ ಅಲಂಕರಿಸುವುದು ಜಾಣ್ಮೆ.
ಜ್ಯಾಮಿಟ್ರಿಕಲ್‌ ಟ್ರೀ
ಇದು ಮಕ್ಕಳನ್ನು ಆಕರ್ಷಿಸುವಲ್ಲಿ ಉತ್ತಮ. ವಿವಿಧ ಜ್ಯಾಮಿಟ್ರಿಕಲ್‌ ಡಿಸೈನಿನ ಮಿನುಗುವ ಗೋಲ್ಡ್‌, ಕ್ರಿಸ್ಪಿ ವೈಟ್‌ ಬಣ್ಣದ ಅಲಂಕಾರಿಕ ಸಾಮಗ್ರಿಗಳನ್ನು ಬಳಸಿ ಟ್ರೀನ ತುದಿಯಿಂದ ಬೇಸ್‌ ವರೆಗೂ ಅಲಂಕರಿಸಿ ಆಕರ್ಷಕ ಗೋಳಿಸಬಹುದು. ಬಿಳಿ ಸ್ಯಾಟಿನ್‌ ರಿಬ್ಬನ್‌ ಹಾರಗಳು, ಬೋ, ಹೂಗಳು, ಗ್ಲಿಟ್ಟರ್ಸ್‌ಸ್ಟಾರ್‌ಗಳ ಬಳಕೆ ಸುಂದರವಾಗಿ ಕಾಣುತ್ತವೆ.
ಮಿನಿ ಕ್ರಿಸ್‌ ಮಸ್‌ ಟ್ರೀ
ಚಿಕ್ಕದಾದ ಕೋಣೆಯಲ್ಲಿ ಮಿನಿ ಟ್ರೀ ಅಲಂಕಾರ ಅಂದವಾಗಿರುತ್ತದೆ. ಟ್ರೀಗೆ ಬಿಳಿ ಬಣ್ಣದ ಬ್ಲಾಂಕೇಟ್‌ ಸ್ಕರ್ಟ್‌ ಸಿದ್ಧಗೊಳಿಸಿ ತುದಿಯಿಂದ ಸಿಲ್ವರ್‌ ಸ್ಟಾರ್‌ಗಳನ್ನು ಅಲಂಕರಿಸಿ ಮಧ್ಯೆ ಮಧ್ಯೆ ಸಿಲ್ವರ್‌ ಬಾಲ್ಸ್‌ ತೂಗು ಹಾಕಿ ವಿವಿಧ ಬಿಳಿ ಬಣ್ಣದ ಅಲಂಕಾರಿಕ ವಸ್ತು ಗಳಿಂದ ಆಕರ್ಷಿತಗೊಳಿಸಬಹುದು. ಬ್ಲಾಂಕೆಟ್‌ ಪಕ್ಕದಲ್ಲಿ ಬಿಳಿ ಬಣ್ಣದ ಪ್ಯಾಕಿಂಗ್‌ ಮಾಡಿದ ಗಿಫ್ಟಸ್‌ ಜೋಡಿಸಿದರೆ ಇನ್ನೂ ಅಂದವಾಗಿರುತ್ತದೆ.
ಬ್ಲೂ ಮಿಂಗ್‌ ಕ್ರಿಸ್‌ ಮಸ್‌ ಟ್ರೀ
ವಿವಿಧ ಬಣ್ಣದ ಆರ್ಟಿಫಿಷಲ್‌ ಹೂಗಳು, ಬಣ್ಣ ಬಣ್ಣದ ಗ್ಲಾಸ್‌ ಬಾಲ್ಬಸ್‌, ಸ್ಟಾರ್ಸ್‌ಗಳಿಂದ ಅಲಂಕರಿಸಿ ಚಳಿಗಾಲದ ಆಕರ್ಷಕ ಮೆರುಗನ್ನು ನೀಡಬಹುದು. ಸಣ್ಣ ವಿದ್ಯುತ್‌ ದೀಪಗಳನ್ನು ಜೋಡಿಸಿ ಅಂದವಾಗಿಸಬಹುದು.
ಕ್ಲಾಸಿಕ್‌ ಟ್ರೀ
ವಿವಿಧ ರೀತಿಯ ಕ್ಲಾಸಿಕ್‌ ಅಲಂಕಾರಿಕ ಸಾಮಗ್ರಿಗಳನ್ನು ಬಳಸಿ ಟ್ರಡಿಷನಲ್‌ ಟಚ್‌ ನೀಡಬಹುದು. ಕೆಂಪು ಹಾಗು ಬಿಳಿ ಬಣ್ಣದ ರಿಬ್ಬನ್‌, ಗ್ಲಾಸ್‌ ಬಲ್ಬ್, ಸ್ಟಾರ್ಸ್‌ ಬಳಸಿ ಅಲಂಕರಿಸಿ ತುದಿಯಲ್ಲಿ ದೊಡ್ಡ ಬೋ ಇಟ್ಟು ಆಕರ್ಷಕವಾಗಿ ಕಾಣುವಂತೆ ಮಾಡ ಬಹುದು.
ಸ್ಟಾರೀ ಕ್ರಿಸ್ಮಸ್ ಟ್ರೀ
ವಿವಿಧ ಬಗೆಯ ಸ್ಟಾರ್‌ಗಳನ್ನು ಬಳಸಿ ಟ್ರೀ ನ ತುದಿ ಯಿಂದ ಕೊನೆಯ ವರೆಗೂ ತೂಗು ಹಾಕಿ ಮಧ್ಯೆ ಮಧ್ಯೆ ಗ್ಲಾಸ್‌ ಬಲ್ಬಸ್‌ಗಳಿಂದ ಅಲಂಕಾರ ಗೊಳಿಸಿದರೆ ಸುಂದರವಾಗಿ ಕಾಣುತ್ತದೆ. ಗೋಲ್ಡ್‌ ಪೇಯಿಂಟೆಡ್‌ ಸ್ಟಾರ್‌ ಸಾಮಗ್ರಿಗಳಿಂದ ಸಣ್ಣ ವಿದ್ಯುತ್‌ ಬಲ್ಬ್ಗಳ ದೀಪಗಳಿಂದ ಆಕರ್ಷಕಗೊಳಿಸಬಹುದು.
ಬೀಡೆಡ್‌ ಟ್ರೀ
ಮರದ ಹಾಗು ಮಣ್ಣಿನ ಅಲಂಕಾರಿಕ ಸಾಮಗ್ರಿಗಳನ್ನು ಬಳಸಿ ಟ್ರೀ ಡೆಕೋರೇಷನ್‌ ಮಾಡಬಹುದು. ವಿವಿಧ ರೀತಿಯ ಮಣ್ಣಿನ ಮತ್ತು ಮರದ ಮಣಿಗಳು ಹಾರಗಳನ್ನು ಅಲಂಕರಿಸಬಹುದು. ಸಾಮಾನ್ಯ ನ್ಯಾಚುರಲ್‌ ವಸ್ತುಗಳನ್ನು ಬಳಸಿ ತುದಿಯಿಂದ ಕೊನೆವರೆಗೂ ವಿವಿಧ ರೀತಿಯಲ್ಲಿ ಜೋಡಿಸಬಹುದು.
ಓಂಬ್ರೇ ಟ್ರೀ
ಸ್ಪ್ರೇ ಪೇಯಿಂಟ್‌ ಮೂಲಕ ಟ್ರೀ ಅನ್ನು ಅಂದಗೊಳಿಸುವುದು ಇಂದಿನ ಟ್ರೆಂಡ್‌. ತುದಿಯಲ್ಲಿ ಮೆಟಾಲಿಕ್‌ ಬೂದು ಬಣ್ಣ, ಕಪ್ಪು ಮಿ]ತ ಬಣ್ಣದ ಸ್ಪ್ರೇ ಹಾಗು ಕೊನೆಯಲ್ಲಿ ಬಿಳಿ ಬಣ್ಣ ವನ್ನು ಸ್ಪ್ರೇ ಮಾಡಿ ಅದೇ ಬಣ್ಣದ ಗ್ಲಾಸ್‌ ಬಲ್ಬಗಳನ್ನು ತೂಗು ಹಾಕಿ ಅಲಂಕರಿಸುವುದು ವಿಶೇಷವಾಗಿರುತ್ತದೆ.