ಕಿಂಡಲ್‌ ಕಾರ್ನರ್‌

ಸಮಯ ಮತ್ತು ವಯಸ್ಸು ಎರಡನ್ನು ನಿಲ್ಲಿಸುವ ಶಕ್ತಿ ಇದ್ದಿದ್ದರೆ?
ನೇಹಾ, ಬಳ್ಳಾರಿ
ನಿಂತಲ್ಲೇ ನಿಲ್ತಿತ್ತು.
ಹತ್ತು ಜನ ಕೆಟ್ಟವರಿದ್ದಾಗ ಒಬ್ಬರಾದ್ರೂ ಒಳ್ಳೆಯವರಿರುತ್ತಾರಲ್ವಾ?
ದೇವೇಂದ್ರ, ಕಡೂರು
ಕ್ರಿಕೆಟ್‌ ಟೀಮ್‌ ಥರಾ.
ಪ್ರತಿಭಟನೆಗಳ್ಯಾಕೆ ಗಾಂಧಿ ಪ್ರತಿಮೆ ಮುಂದೆ ಆಗುತ್ತವೆ?
ಜಯವಂತ್‌, ಕುಂದಾಪುರ
ಗಾಂಧಿ ಕೋಲಲ್ಲಿ ಹೊಡೆಯಲ್ಲ ಅಂತ.
ಸೀರಿಯಲ್‌ಗಳಲ್ಲಿ ಹೆಂಗಸರು ಹೆಂಗಸರನ್ನೇ ದ್ವೇಷ ಮಾಡುತ್ತಾರೆ?
ಗಣೇಶ್‌, ಬೆಂಗಳೂರು
ಸ್ತ್ರೀಲಿಂಗಕ್ಕೆ ಆ್ಯಂಟಿ ಪುಲ್ಲಿಂಗ್‌ ಎಫೆಕ್ಟ್ ಜಾಸ್ತಿ ಇರುತ್ತೆ.
ಬಯಸಿದಷ್ಟೇ ಮದುವೆ ಆಗುವ ಅವಕಾಶ ಇದ್ದರೆ ಏನಾಗುತ್ತಿತ್ತು?
ನಾರಾಯಣ, ಮೈಸೂರು
ಕಾಡು ಮನುಷ್ಯರಾಗೋಗ್ತಿದ್ರಿ.
ನೀವು ಒನ್‌ಡೇ ಸಿಎಂ ಆದ್ರೆ ಏನ್ಮಾಡ್ತಿರಾ?
ಸುರೇಶ್‌, ಕೋಲಾರ
ಎಲ್ಲರೂ ಏನು ಮಾಡ್ತಾರೋ ಅದನ್ನೆ ಮಾಡ್ತಾ ಇದ್ದೆ.
ಸಿನಿಮಾದಲ್ಯಾಕೆ ಹೀರೋಯಿನ್‌ ಹೀರೋನ ಎತ್ತಿಕೊಳ್ಳುವುದಿಲ್ಲ?
ಲಕ್ಷ್ಮೇಕಾಂತ, ಹಂದನಕೆರೆ
ಎತ್ತಿದ ಮೇಲೆ ಇಳಿಸಕ್ಕಾಗಲ್ಲ ಅಂತಾ.
ಗಂಡಂದಿರು ಆಗಾಗ ತಮ್ಮ ಪತ್ನಿಯನ್ನು ನೋಡಿಕೊಂಡು ನೀನು ನನ್ನೆದೆಯಲ್ಲಿದ್ದೀಯಾ ಅನ್ನುತ್ತಾರಲ್ಲ ಯಾಕೆ ಗುರುವೇ?
ಲೋಕೇಶ್‌, ಚನ್ನಪಟ್ಟಣ
ಬಿಚ್ಚಿ ತೋರಿಸು ಅಂತ ಕೇಳಲ್ವಲ್ಲ ಅದಕ್ಕೆ.
ನಮ್ಮನೆ ವೈಫೈ ನನ್ನ ವೈಫ್‌ ಇದ್ದಾಗ ಮಾತ್ರ ವರ್ಕ್‌ ಆಗುತ್ತೆ ಯಾಕೆ?
ಸಂತೋಷ್‌, ಸೋಮವಾರಪೇಟೆ
ಅವರು ಬ್ರಾಡ್‌ ಮನಸ್ಸು ಬ್ರಾಡ್‌ಬ್ಯಾಂಡ್‌ ಲಿಂಕ್‌ ಆಗಿದೆ.
ಗಂಡುಮಕ್ಕಳೇ ಅತಿ ಹೆಚ್ಚು ದಂಡಪಿಂಡಗಳಾಗಿರುತ್ತಾರಲ್ಲ ಯಾಕೆ?
ರಾಜು, ಶಿರಸಿ
ಪಿಂಡ ಬಿಡೋರು ಅವರೇ ಅಲ್ವಾ ಅದಕ್ಕೆ.