ಆರತಿ ತಟ್ಟೆ ಸಿಂಗರಿಸಿ

ಸಾಮಾನ್ಯವಾಗಿರುವ ಆರತಿ ತಟ್ಟೆಯನ್ನು ಕಲರ್‌ಫುಲ್‌ ಆಗಿ ಸಿಂಗರಿಸಿದರೆ ಹಬ್ಬದ ಸಂಭ್ರಮ ದುಪ್ಪಟ್ಟಾಗುವುದು ಖಂಡಿತ. ಈ ನಿಟ್ಟಿನಲ್ಲಿಇಲ್ಲಿವೆ ಐಡಿಯಾ.

Vijaya Karnataka Web

ಬೇಕಾಗುವ ಸಾಮಗ್ರಿ: ಹತ್ತು ಇಂಚು ವ್ಯಾಸದ ಅಲ್ಯುಮಿನಿಯಂ ಪ್ಲೇಟ್‌, ಎ3 ಅಳತೆಯ ಒಎಚ್‌ಪಿ ಶೀಟ್‌, ಎ3 ಅಳತೆಯ ಬಿಳಿ ಪೇಪರ್‌, ಬಿಳಿ ಸೀಡಿ ಮಾರ್ಕರ್‌, ಪೇಪರ್‌ ಕಟ್ಟರ್‌, ಸಿಲ್ವರ್‌ ಮತ್ತು ಕೆಂಪು ಬಣ್ಣದ ಬಾಲ್‌ ಚೈನ್‌, ಸಣ್ಣ ಗಾತ್ರದ ಬಿಳಿ ಬಣ್ಣದ ಹರಳುಗಳು, ಗಾಜಿನ ಮಣಿಗಳು, ಅರ್ಧಕ್ಕೆ ಕತ್ತರಿಸಿದ ಮುತ್ತು, ಗೋಲ್ಡ್‌ ಬಣ್ಣದ ದಾರ, ಫಾಯಿಲ್‌ ಮಿರರ್‌, ಹಳೆ ಸೀಡಿ, ಕಂಪಾಸ್‌.

ಮಾಡುವ ವಿಧಾನ: ಬಿಳಿ ಪೇಪರ್‌ನಲ್ಲಿ8 ಇಂಚು ಮತ್ತು 6 ಇಂಚು ವ್ಯಾಸದ ಎರಡು ವರ್ತುಲ ಬಿಡಿಸಿ. ಅದರ ಮಧ್ಯೆ ಯಾವುದಾದರೂ ಜಾಮಿತ್ರಿ ಚಿತ್ರಗಳನ್ನು ಬಿಡಿಸಿ. ಇದರ ಮೇಲೆ ಒಎಚ್‌ಪಿ ಶೀಟ್‌ ಇಟ್ಟು ಸಿಡಿ ಮಾರ್ಕರ್‌ನಿಂದ ಡಿಸೈನ್‌ ಬಿಡಿಸಿ. ಈ ಡಿಸೈನ್‌ ಕತ್ತರಿಸಿ ಸ್ಟೆನ್ಸಿಲ್‌ ಮಾಡಿ. ಅಲ್ಯುಮಿನಿಯಂ ತಟ್ಟೆಗೆ ಕೆಂಪು ಅಕ್ರಲಿಕ್‌ ಪೇಂಟ್‌ ಒಣಗಿಸಿ. ಈ ಪ್ಲೇಟ್‌ಗೆ ಸ್ಟೆನ್ಸಿಲ್‌ ಅಂಟಿಸಿ ಅದರ ಮೂಲೆಗೆ ಬಿಳಿ ಔಟ್‌ಲೈನರ್‌ ಹಾಕಿ. ಹಳೆ ಸೀಡಿಯಿಂದ ಸ್ಟೆನ್ಸಿಲ್‌ ವಿನ್ಯಾಸವನ್ನು ಅಂಚಿನವರೆಗೆ ಎಳೆದು ನಂತರ ಸ್ಟೈನ್ಸಿಲ್‌ ತೆಗೆದು ಒಣಗಿಸಿ. ಇದನ್ನು ಮುತ್ತು, ಹರಳುಗಳಿಂದ ಅಲಂಕಾರ ಮಾಡಿ.