ವೀಕೆಂಡ್‌ನಲ್ಲಿ ಮಾಡಿ ವಿಂಟರ್‌ ಶಾಪಿಂಗ್‌

ಸೀಸನ್‌ಗೆ ತಕ್ಕಂತೆ ನಿಮ್ಮ ಲೈಫ್‌ಸ್ಟೈಲ್‌ ಬದಲಿಸುತ್ತೀರ ಎಂದರೆ ಅದಕ್ಕಾಗಿಯೇ ಶಾಪಿಂಗ್‌ ಮಾಡಲು ಇದು ಸುಸಮಯ.

ಚಳಿಯಿಂದ ನಿಮ್ಮ ದೇಹವನ್ನು ಬೆಚ್ಚಗಾಗಿಸುವುದರ ಜತೆ ಮೂಡನ್ನು ವೃದ್ಧಿಸುವ ಆಕರ್ಷಕ ವಿನ್ಯಾಸ, ಬಣ್ಣಗಳ ಬಟ್ಟೆಗಳು ಗ್ರಾಹಕರನ್ನು ಮೋಡಿ ಮಾಡುತ್ತಿವೆ. ಅದ್ರಲ್ಲೂ ವೀಕೆಂಡ್‌ ಅಂದರೆ ವೆರೈಟಿ ಜತೆ ರಿಯಾಯಿತಿ ಕೂಡ ಸಿಗುತ್ತದೆ.

ಚಳಿಗೆ ಸ್ವೇಟರ್‌ನದ್ದೇ ಕಾರುಬಾರು. ಮಕ್ಕಳಿಗೆ ಮತ್ತು ಯುವ ಸಮುದಾಯವರು ಯಾವಾಗಲೂ ಟ್ರೆಂಡಿಯಾಗಿರುವ ಸ್ವೇಟರ್‌ ಇಷ್ಟಪಡುವುದರಿಂದ ಈ ಬಾರಿ ಮಾರುಕಟ್ಟೆಗೆ ಟಾಮ್‌ ಆ್ಯಂಡ್‌ ಜರ್ರಿ ಸೇರಿದಂತೆ ಇತರೇ ಕಾರ್ಟೂನ್‌ ಪಾತ್ರಧಾರಿಗಳು, ಸ್ಮೈಲಿ ಇಮೋಜಿಸ್‌, ನಾನಾ ಸಂದೇಶ ಸಾರುವ ಸ್ವೇಟರ್‌ ಸೇರಿದಂತೆ ಜರ್ಕಿನ್‌, ಸ್ಕಾರ್ಫ್‌, ಟೋಪಿ, ಉಲ್ಲನ್‌ ಕ್ಲಾಥ್ಸ್‌ ನಲ್ಲಿ ವೈವಿಧ್ಯತೆ ಕಾಣಬಹುದು. ಹಾಗಾಗಿ ಶಾಪಿಂಗ್‌ ಪ್ರಿಯರು ಈ ಬಾರಿ ನಿಮ್ಮಿಷ್ಟದ ಫಂಕಿ ಸೀಸನ್‌ ಕ್ಲಾಥ್ಸ್‌ ಖರೀಸುವುದನ್ನು ಮರೆಯಬೇಡಿ.

ವಿಂಟರ್‌ಗೆ ಮಾಲ್‌ ಸೂಕ್ತ

ಚಳಿಗಾಲದಲ್ಲಿ ವಸ್ತುಗಳ ಆಯ್ಕೆಗೆ ಮಾಲ್‌ನಲ್ಲಿ ಅವಕಾಶ ಅಧಿಕ. ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಅವರವರ ಆಕಾರ, ಗಾತ್ರಕ್ಕೆ ತಕ್ಕಂತೆಯೇ ಸೆಲೆಕ್ಟ್ ಮಾಡಿಕೊಳ್ಳಲು ಡಿಸ್‌ಪ್ಲೇ ಮಾಡಿರುವುದರರಿಂದ ವಸ್ತುಗಳನ್ನು ಹುಡುಕಿಕೊಂಡು ಪರದಾಡುವ ಅವಶ್ಯಕತೆ ಇರುವುದಿಲ್ಲ. ಒಂದೇ ಸ್ಥಳದಲ್ಲಿ ಎಲ್ಲಾ ರೀತಿಯ ವಸ್ತುಗಳು ಲಭಿಸುವುದರಿಂದ ಯಾವುದೇ ರಿಸ್ಕ್‌ ಇಲ್ಲದೇ ವಿಂಟರ್‌ ಶಾಪಿಂಗ್‌ ಮುಗಿಸಬಹುದು. ಸಾಮಾನ್ಯವಾಗಿ ಹೊರಗಡೆ ವಾತಾವರಣದಲ್ಲಿ ಚಳಿಗಾಳಿಯಿರುವುದರಿಂದ ಮಾಲ್‌ ಈ ಸೀಸನ್‌ನಲ್ಲಿ ಚೆಚ್ಚಗಿನ ಅನುಭವ ನೀಡುತ್ತದೆ.

ಅಧಿಕ ಸಮಯ ಲಭ್ಯ

ವಾರಾಂತ್ಯದ ಶಾಪಿಂಗ್‌ ಅಂದರೆ ಸಾಕಷ್ಟು ಸಮಯ ಸಿಗುತ್ತದೆ. ಆದ್ದರಿಂದ ಆರಾಮದಾಯಕವಾಗಿ ನಿಮ್ಮಿಷ್ಟದಂತೆ ವಸ್ತುಗಳನ್ನು ಖರೀದಿಸಬಹುದು. ವಸ್ತುಗಳ ಮೇಲೆ ರಿಯಾಯಿತಿ ಕೂಡ ಈ ಸಮಯದಲ್ಲೇ ಲಭ್ಯ. ಆದರೆ ಖರೀದಿಸುವುದಕ್ಕೂ ಮುಂಚೆ ವಸ್ತುಗಳ ಗುಣಮಟ್ಟವನ್ನು ಪರಿಶೀಲಿಸಿದರೆ ಉತ್ತಮ. ವಸ್ತುಗಳ ಮೇಲೆ ರಿಯಾಯಿತಿ ಇದೆ ಎಂದಾಕ್ಷಣ ಖರೀದಿಸಬೇಡಿ. ಆಯ್ಕೆಗೆ ಸಮಯವಿರುವುದರಿಂದ ನಿಧಾನವಾಗಿಯೇ ಯೋಚಿಸಿ ಖರೀದಿಸಿ.

ಆಪ್ತರೊಂದಿಗೆ ಶಾಪಿಂಗ್‌ ಮೋಜು

ಶಾಪಿಂಗ್‌ ಹೋಗುವುದಕ್ಕೂ ಮುಂಚೆ ಯಾವೆಲ್ಲಾ ವಸ್ತುಗಳು ಬೇಕೆಂದು ಪಟ್ಟಿ ತಯಾರಿಸಿ. ಇದರಿಂದ ಗೊಂದಲ ತಪ್ಪುತ್ತದೆ. ಒಬ್ಬರೇ ಹೋಗುವುದಕ್ಕಿಂತ ಕುಟುಂಬದವರು ಅಥವಾ ಸ್ನೇಹಿತರು ತಮ್ಮ ಆಪ್ತವಲಯದವರೊಂದಿಗೆ ಹೋದರೆ ಎಂಜಾಯ್‌ ಮಾಡಿಕೊಂಡು ಶಾಪಿಂಗ್‌ ಮಾಡಬಹುದು. ವಸ್ತುಗಳನ್ನು ಖರೀದಿಸಲು ನಿಮಗೂ ಉತ್ತಮವಾದಂತಹ ಸಲಹೆ ಮತ್ತು ಮಾರ್ಗದರ್ಶನ ಲಭಿಸುತ್ತದೆ.

ನಾನು ಈ ಬಾರಿ ಸ್ಮೈಲಿ ಇಮೋಜಿ ಇರುವ ಉಲ್ಲನ್‌ ಸ್ವೇಟರ್‌ ಖರೀದಿಸಲು ಸ್ನೇಹಿತರೊಂದಿಗೆ ಶಾಪಿಂಗ್‌ ಹೊರಡಲು ಪ್ಲಾನ್‌ ಮಾಡಿಕೊಂಡಿದ್ದೇನೆ.

ನಿಮಿಕಾ ರತ್ನಾಕರ್‌, ನಟಿ