ಬಿಸಿಲಲ್ಲಿ ಟ್ರಾವೆಲಿಂಗ್‌ ಮಾಡುವ ಮುನ್ನ ಪಾಲಿಸಬೇಕಾದ 4 ನಿಯಮ

ಬೇಸಿಗೆಯ ಪ್ರಯಾಣ ಆರಾಮದಾಯಕವಾಗಿರಲು ಕೆಲವು ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎನ್ನುವ ಸ್ಟೈಲಿಸ್ಟ್‌ ಸಿಂಪಲ್‌ ಟಿಫ್ಸ್‌ ನೀಡಿದ್ದಾರೆ.

1. ಹಗುರವಾಗಿರಲಿ

ಧರಿಸುವ ಉಡುಪು ಸಮ್ಮರ್‌ಗೆ ಸೂಟ್‌ ಆಗುವಂತಿರಬೇಕು. ಅದರಲ್ಲೂ ಬೇಸಿಗೆಯ ಬಿರು ಬಿಸಿಲಿಗೆ ಅಂಟುವಂತಿರಬಾರದು. ಆದಷ್ಟೂ ಹಗುರವಾದ, ಆರಾಮ ಎನಿಸುವ ಉಡುಪುಗಳನ್ನು ಪ್ರಿಫರ್‌ ಮಾಡಿ. ಪ್ರಯಾಣಿಸುವಾಗ ಆದಷ್ಟೂ ರಿಫ್ರೆಶ್‌ಮೆಂಟ್‌ ಅನಿಸುವ ಶೇಡ್ಸ್‌ ಕಲರ್ಸ್‌ ಚೂಸ್‌ ಮಾಡಿ.

2. ಕಂಫರ್ಟಬಲ್‌ ಆಗಿರಲಿ

ಕಾಲರ್‌ ನೆಕ್‌, ಟೈಟ್‌ ಫಿಟ್ಟಿಂಗ್‌, ಮೈಗೆ ಅಂಟಿಕೊಳ್ಳುವಂತಹ ಹಗ್ಗಿಂಗ್‌ ಡ್ರೆಸ್‌ ಸೇರಿದಂತೆ ಅಡಿಯಿಂದ ಮುಡಿಯವರೆಗೆ ಗಾಳಿಯಾಡದಂತೆ ಕ್ಲೋಸ್‌ ಆಗಿರುವಂತಹ ಉಡುಪುಗಳನ್ನು ಆಯ್ಕೆ ಮಾಡಿಕೊಳ್ಳಬೇಡಿ. ಇವು ನಿತ್ರಾಣರಾಗಿಸುತ್ತವೆ. ಯಾವುದೇ ಕಾರಣಕ್ಕೂ ಭಾರಿ ಆಭರಣಗಳನ್ನು ಧರಿಸಬೇಡಿ. ಪುರುಷರಾದಲ್ಲಿ ಸಿಂಪಲ್‌ ಟೀ ಶರ್ಟ್‌ ಹಾಗೂ ಡೆನೀಮ್‌ ಪ್ಯಾಂಟ್‌ ಇಲ್ಲವೇ ಜಾಗರ್ಸ್‌ ಪ್ಯಾಂಟ್‌ ಧರಿಸಬಹುದು.

3. ಫುಟ್‌ವೇರ್‌ ಆಯ್ಕೆ

ಯಾವುದೇ ಕಾರಣಕ್ಕೂ ಫುಲ್‌ ಬೂಟ್ಸ್‌ ಆವಾಯ್ಡ್‌ ಮಾಡಿ. ಇವು ಪಾದವನ್ನು ಕವರ್‌ ಮಾಡುವುದರಿಂದ ಗಾಳಿಯಾಡಲು ಅವಕಾಶ ಸಿಗದೇ ಪಾದಗಳು ಜಡ್ಡು ಹಿಡಿದಂತೆ ಆಗಬಹುದು ಎನ್ನುತ್ತಾರೆ ಫ್ಯಾಷನಿಸ್ಟ್ಸ್‌. ಫ್ಲಿಪ್‌ ಫ್ಲಾಪ್‌ ಚಪ್ಪಲಿಗಳು, ಒಪನ್‌ ಸ್ಟ್ರಾಪ್‌ ಸ್ಯಾಂಡಲ್‌ ಧರಿಸಬಹುದು.

4. ಸೀಸನ್‌ ಕೇರ್‌

ಬೇಸಿಗೆಯಲ್ಲಿ ಟ್ರಾವೆಲ್‌ ಮಾಡುವಾಗ ಸ್ವೆಟ್‌ ಟಿಶ್ಯೂ ಜತೆಯಲ್ಲಿಟ್ಟುಕೊಳ್ಳಿ. ಹಾಗೆಂದು ಕಂಡ ಕಂಡ ಕಡೆಯೆಲ್ಲಾ ಮುಖ ತೊಳೆಯುವುದನ್ನು ರೂಢಿಸಿಕೊಳ್ಳಬೇಡಿ. ಕೆಲವೊಮ್ಮೆ ನೀರಿನಿಂದ ಮುಖ ತೀರಾ ಡ್ರೈ ಆಗುವ ಸಂದರ್ಭವಿರುತ್ತದೆ. ಸನ್‌ ಟ್ಯಾನ್‌ ಆಗದಂತೆ ನೋಡಿಕೊಳ್ಳಿ. ಮಾಯಿಶ್ಚರೈಸರ್‌ ಜತೆಗಿರಲಿ.