ಸ್ವರ ಭಾಸ್ಕರ್‌ ಸೀಸನ್‌ ವರ್ಕೌಟ್‌ ಪ್ರೇಮ

ಚಳಿಗಾಲದಲ್ಲಿ ಮನೆಯೊಳಗಾದಲ್ಲಿ ಸೈಕ್ಲಿಂಗ್‌ ಹಾಗೂ ಪವರ್‌ ಯೋಗ ಸೂಕ್ತ. ಹೊರಗಡೆ ಚಳಿಯಿದ್ದಲ್ಲಿ ಒಳಾಂಗಣದಲ್ಲಿ ಸುಮಾರು 20 ನಿಮಿಷಗಳ ಕಾಲ ಜಾಗಿಂಗ್‌, ಬ್ರಿಸ್ಕ್‌ ವಾಕ್‌ ಹಾಗೂ ವಾಕಿಂಗ್‌ ಮಾಡುವ ಅಭ್ಯಾಸ ರೂಢಿಸಿಕೊಳ್ಳಿ ಎನ್ನುತ್ತಾರೆ ನಟಿ ಸ್ವರ ಭಾಸ್ಕರ್‌.

ಇನ್‌ಡೋರ್‌ ವರ್ಕೌಟ್‌

ವಿಂಟರ್‌ ಬೆಳಿಗ್ಗಿನÜ ಜಾವ ಆದಲ್ಲಿ ವರ್ಕೌಟ್‌ ಆದಷ್ಟೂ ಇನ್‌ಡೋರ್‌ ಆಗಿದ್ದರೇ ಉತ್ತಮ. ಯಾಕೆಂದರೆ, ಹೊರಗಿನ ವಾತಾವಾರಣದಲ್ಲಿ ಆರೋಗ್ಯ ಸಮಸ್ಯೆ ಉಂಟಾಗಬಹುದು. ಹಾಗಾಗಿ ಆದಷ್ಟೂ ಎಲ್ಲರೂ ವರ್ಕೌಟ್‌ ಮಾಡಬೇಕಾದಲ್ಲಿ ಜಿಮ್‌ ಅಥವಾ ಮನೆಯೊಳಗೆ ರೂಢಿಸಿಕೊಂಡರೇ ಉತ್ತಮ ಎನ್ನುತ್ತಾರೆ ಸ್ವರ.

ಚಳಿಗಾಲದ ಆಯ್ಕೆ

ಚಳಿಗಾಲದಲ್ಲಿ ಜಂಕ್‌ ಫುಡ್‌ ತಿನ್ನಬೇಕೆನಿಸುವುದು ಸಹಜ. ಇದರ ಬದಲು ಹಣ್ಣು-ತರಕಾರಿ ಸೇವನೆ ಉತ್ತಮ. ಇದು ಜೀರ್ಣ ಶಕ್ತಿ ವೃದ್ಧಿಸುತ್ತದೆ. ಪ್ರತಿದಿನ ಯಾವುದಾದರೂ ಸರಿಯೇ, ಕನಿಷ್ಟ ಒಂದರ್ಧ ಹಣ್ಣನ್ನಾದರೂ ಸೇವಿಸಬೇಕು. ಗೆಣಸು, ಟೊಮೇಟೊ, ಕ್ಯಾರೆಟ್‌, ಪೈನಾಪಲ್‌, ಕಲ್ಲಂಗಡಿ, ಸೇಬು ತಿನ್ನುವ ಅಭ್ಯಾಸವಿದ್ದರೇ ಒಳಿತು. ಯಾವುದೇ ಕಾರಣಕ್ಕೂ ಊಟ-ತಿಂಡಿಯನ್ನು ತೊರೆಯಬೇಡಿ. ಆದಷ್ಟೂ ಜಂಕ್‌ ಫುಡ್‌, ಐಸ್‌ ಕ್ರೀಮ್‌ ಹಾಗೂ ಟಾಕ್ಸಿಕ್‌ ಅಂಶವಿರುವ ಡ್ರಿಂಕ್ಸ್‌ನಿಂದ ದೂರವಿರಿ.

ತರಕಾರಿ-ಹಣ್ಣುಗಳು ಡಯಟ್‌ಗೆ ಸಾಥ್‌ ನೀಡುತ್ತವೆ ಎನ್ನುವ ಸ್ವರ, ತಮ್ಮ ಡಯಟ್‌ ಲಿಸ್ಟ್‌ನಲ್ಲಿ ಹಣ್ಣುಗಳನ್ನು ಸೇರಿಸಿಕೊಂಡಿದ್ದಾರೆ. ಪ್ರತಿಯೊಂದು ಆರೋಗ್ಯಕರ ಆಹಾರವನ್ನು ಸೇವಿಸುತ್ತೇನೆ. ಜಿಡ್ಡಿನಂಶ ಇರುವ ಆಹಾರ ಸೇವಿಸುವುದಿಲ್ಲ. ಎಲ್ಲರೂ ಆರೋಗ್ಯಕರ ಹಣ್ಣು-ತರಕಾರಿಗಳನ್ನು ಸೇವಿಸುವುದು ಉತ್ತಮ ಎಂದು ಸಲಹೆ ನೀಡುತ್ತಾರೆ ಅವರು.

---------------------

ಚಳಿಗಾಲದಲ್ಲಿ ಟ್‌ಡೋರ್‌ ವರ್ಕೌಟ್‌ ಮಾಡುವುದು ತುಸು ಕಷ್ಟ ಸಾಧ್ಯ! ಈ ಸೀಸನ್‌ನಲ್ಲಿ ಫ್ರೈಡ್‌ ತಿನಿಸುಗಳನ್ನು ತಿನ್ನಲು ಮನ ಬಯಸುತ್ತದೆ. ತಿಂದ ನಂತರ ಇದಕ್ಕೆ ತಕ್ಕ ವರ್ಕೌಟ್‌ ಮಾಡುವುದು ಅಗತ್ಯ ಎಂಬುದನ್ನು ಮರೆಯಬಾರದು.

- ಸ್ವರ ಭಾಸ್ಕರ್‌, ನಟಿ

---------------