ಲಂಡನ್‌ನಲ್ಲಿ ಐಷಾರಾಮಿ, ಗಗನಚುಂಬಿ ಈಜುಕೊಳ

ಅತಿ ಎತ್ತರವಾದ ಬಿಲ್ಡಿಂಗ್‌ ಮೇಲೆ ಒಂದು ಈಜುಕೊಳವಿದ್ದು, ಆ ಈಜುಕೊಳದಲ್ಲಿ ಈಜುತ್ತಿದ್ದರೆ ಇಡೀ ನಗರ ಕಾಣುವಂತೆ ಇರಬೇಕು. ಇದನ್ನು ಕಲ್ಪಿಸಿಕೊಳ್ಳುವುದೇ ಎಷ್ಟೊಂದು ರೋಮಾಂಚಕ ಅಲ್ಲವೇ? ಇಂಥದೊಂದು ಅನುಭವ ಪಡೆಯ ಬಯಸುವುದಾದರೆ ನೀವು ಲಂಡನ್‌ಗೆ ಭೇಟಿ ನೀಡಬೇಕಾಗುತ್ತದೆ.

ಹೌದು ಲಂಡನ್‌ನ 360 ಡಿಗ್ರಿ ಇನ್ಫಿನಿಟಿ ಪೂಲ್ ಸಕತ್‌ ಸದ್ದು ಮಾಡುತ್ತದೆ. ವಿಶ್ವದ ಅತ್ಯಂತ ಎತ್ತರದ ಇನ್ಫಿನಿಟಿ ಪೂಲ್ ಸಿಂಗಾಪುರದಲ್ಲಿದೆ. ಇದನ್ನು 57 ಅಂತಸ್ತು ಇರುವ ಕಟ್ಟದ ಮೇಲೆ ಕಟ್ಟಲಾಗಿದೆ. ಇದೀಗ ಲಂಡನ್‌ ಇದೇ ಮಾದರಿಯಲ್ಲಿ 55 ಅಂತಸ್ತು ಇರುವ ಕಟ್ಟಟದ ಮೇಲೆ ಐಷಾರಾಮಿ ಈಜುಕೊಳ ನಿರ್ಮಿಸಲಿದೆ.

ಲಂಡನ್‌ ಗಗನಚುಂಬಿ ಕಟ್ಟಡಗಿಂತ 200 ಮೀ ಎತ್ತರದಲ್ಲಿ ಈ 360 ಡಿಗ್ರಿ ಈಜುಕೊಳ ನಿರ್ಮಿಸಲಾಗುವುದು. ಈ ಈಜುಕೊಳ ತುಂಬಾ ಪಾರದರ್ಶಕವಾಗಿದ್ದು ನೀರಿನೊಳಗೆ ಈಜುತ್ತಲೇ ಇಡೀ ನಗರದ ಸೌಂದರ್ಯ ಕಣ್ತುಂಬಿಕೊಳ್ಳಬಹುದಾಗಿದೆ. ಅಷ್ಟು ಮಾತ್ರವಲ್ಲಿ ಈಜುತ್ತಿರುವವರನ್ನು ಬಿಲ್ಡಿಂಗ್‌ನಲ್ಲಿ ಇರುವವರು ನೋಡಬಹುದಾಗಿದ್ದು, ಈಜುತ್ತಿರುವವರು ಬಿಲ್ಡಿಂಗ್‌ನಲ್ಲಿರುವವರನ್ನು ಕಾಣುವಂತೆ ಈ ಈಜುಕೊಳ ನಿರ್ಮಿಸಲಾಗುವುದು.
ಇದನ್ನು ಗ್ಲಾಸ್ ಬದಲಿಗೆ cast acrylic ಬಳಸಿ ತಯಾರಿಸಲಾಗುವುದು.

ಈಜುಕೊಳ ತಲುಪಲು ವ್ಯವಸ್ಥೆ
ಈಜಲು ಈ ಕೊಳಕ್ಕೆ ತೆರಳುವವರಿಗೆ ಸ್ಪೈರಲ್ ಸ್ಟೇರ್‌ಕೇಸ್‌ ವ್ಯವಸ್ಥೆ ಮಾಡಲಾಗುವುದು.

ಈ ಕೊಳದಲ್ಲಿ anemometer ಅಳವಡಿಸುವ ಮೂಲಕ ಜೋರು ಗಾಳಿಗೆ ನೀರು ಹೊರಕ್ಕೆ ಚಿಮ್ಮುವುದನ್ನು ತಡೆಯವ ವ್ಯವಸ್ಥೆ ಮಾಡಲಾಗುವುದು. ಇದೊಂದು ಕಂಪ್ಯೂರ್‌ ನಿಯಂತ್ರಕ ಬಿಲ್ಡಿಂಗ್ ಆಗಿದ್ದು ನೀರಿನ ಉಷ್ಣತೆಯನ್ನು ಹವಾಮಾನಕ್ಕೆ ಅನುಗುಣವಾಗಿ ಬದಲಾಯಿಸಲಾಗುವುದು. ಸ್ಪಟಿಕದಂಥ ಕೊಳಕ್ಕೆ ಬೆಳಕಿನ ಕಿರಣಗಳು ಬಿದ್ದಾಗ ಚಿನ್ನದಂತೆ ಹೊಳೆಯುವುದು.
ಈ ಕೊಳದ ನಿರ್ಮಾಣ ಕಾರ್ಯ 2020ರಲ್ಲಿ ಪ್ರಾರಂಭಿಸಲಾಗುವುದು.